ايه : خشيت فراشي فتحت النت وقعدت نتصفح دازلي صلاح
صلاح : خير
ايه : خيرات شن جو
صلاح : تمام شن جوك انتي
ايه : كويسه
صلاح : شن اديري
ايه : ولاشي صليت وخشيت سريري بنرقد
صلاح : علي النت قصدي
ايه : شي نتصفح كنك
صلاح : لا نسال باهي غيري حالة الاجتماعية بتاعك
ايه : عليش شن ندير ارملة ههه
صلاح : لا مطلقه
ايه : غير انت قبل
صلاح : مش مغيرها انا
ايه : والله معناها روح مش مغيرتها انا
صلاح : نعممم شن
ايه : اها مش مغيرتها لعند انت تغير
صلاح : عطيني رقمك
ايه : مانبش غير قبل
صلاح : شن لعب العيال هضا
ايه : لعب اعيال الي هووو مش مغيرتها الا بعدك تم
صلاح : انتي كنك تعاندي وماتسمعي الكلمة
ايه : مش غلطانه انا وانت غيرها قبل توا نغير بعدك غير هك لا
صلاح : تمام تمام بكرا عندك جامعه
ايه : اها عندي
صلاح : توا انا نوصلك
ايه : مش ماشيه اولا تانيا عندي سيارة بروحي نعدي شن تحسابها سايبه خطيبي موصلني
صلاح : ولد عمك عادي
ايه : كان زمان
صلاح : توا نشوفوا
ايه : تم
صلاح : امتي بتعدي تشري دبشك
ايه : ممكن بعد بكرا بنبدا
صلاح : تمام توا نشيلك
ايه : كنك انت توا نعدو بروحنا
صلاح : في واحدة خطيبها يقوللها نشيلك تشري دبش تقوله لا
ايه : انا ، مش موضوع يعني
صلاح : ساهل ساهل باهي غيري حالتك
ايه : من بعدك نغير
صلاح : عناد
ايه : اها وتصبح علي خير
صلاح : انتي من اهله ام لسان
ايه : صكرت النت وطول خشيت رقدت
~~~~~~~~~~~~~~~~~
بعد مرور ايام
صفاء : كنا طالعين للمحلات انا ونونا وويه تشري في دبشها ونحن نشرو للعرس قعدنا نبرموا ونشرو
