صلاح : كيف تقبلي من راسك تتغذي تحت بدون ماتقوليلي وانا قلت لا نركبوا كيف قعدتي مقعمزه
ايه : عموو واعميمه حلفولي وانا مانقدر نردهم شن بندير اذا كان انت ماقدرت اتنزل كلمتها انا نعارض ليش مادخني
صلاح : شااااطرة والله
ايه : عارفه روحي .... فاته وخشيت للدار
صلاح : لحقتها ...... اسمعي طروح الفرخات فكيني منهن تمام كلمتي انا هيا الي تمشي مرة اخرة تعاوديها تعدي لباتك تسمعي
ايه : شيلني حتي من توا عادي وبكل بساطة حنقوله انك مش راجلي مازلت علي الورق بطلب منك مش موضوع
صلاح : صار هك باهي لمي دبشك هيااا
ايه : هيا ..... عديت خذيت الشنطة وحطيت دبشي وكل شي نبيه وصكرتها .... شيلها هيا
صلاح : جيت رفعتها وطلعت وهيا وراي نزلت بالشنطة وهيا نازله وراي
الحاج : وين ماشيين
صلاح :
الحاج : صبيت جيته .... نحكي انا وين ماشيين
صلاح : بنشيلها لاهلها
الحاجة : طااااح سعدك في شن تحكي
صلاح : مش شوركم مراتي وانا حر فيها
الحاج : هذي بنت ناس مش لعبه خش جوا
صلاح : ياحاج خش وخليني
الحاج : خش قلت تسمع انت
خالد : كنكم شن في
الحاجة : انكلب خوك شايل ايه لاهلها
خالد : ششن كنه
ايه : عشان الغذاء قالي كيف تقبلي تتغذي تحت وانا بعد قلت لا كيف تقعدي مقعمزه
صلاح : صكررري فمك معش تحكي
خالد : لم روووحك شن تعيط هك
صلاح : مش شوركم مراتي وحر فيها
الحاج : عارف جيب الشنطة هنا .... جيت سحبتها منه .... مش ماتبهش صح
صلاح : اها
الحاج : خلاص بنتي وصلتني وانت انتلف لحوشك هيا
صلاح : بس
الحاج : علي الطلاق ماهي طالعه من الحوش حتقعد عندي لعند انا نردها باهي
صلاح : سيبتهم وجيت بنطلع وقفت علي
خالد : اييييه .... جيت نجري مسكتها
الحاجة : بسم الله البنت كنها
الحاج : ياساتر بسم الله البنت قلبها مش كويس الزعل
صلاح : رديت نجري طبست عليها .... ايه اييه حول نرفعها نشيلوها للعيادة ... رفعتها
خالد : سيارتي والعه طلعها
صلاح : هياا طلعنا نجرو شور العيادة
