Password အားရိုက်နှိပ်ကာ ဖွင့်ဝင်လာ
ရင်း မောင့်အား ဦးစွာ ရှာလိုက်မိသည်။
ဧည့်ခန်းအတွင်းမတွေ့သည်မို့ အခန်းထဲသို့သာ
လျှောက်လာလိုက်သည်၊ ရေကျသံတတောက်
တောက်က ရေချိုးခန်းလေးဆီမှ ထွက်လို့လာ
သည်မို့ ခုနက မွေ့ယာပေါ်ပစ်တင်ထားသည့်
ကုတ်အား အဝတ်တန်း၌ ပြောင်းလဲချိတ်လိုက်
သည်။
ပြီး မီးဖိုခန်းအား ခြေဦးလှည့်သည်။
သိမ်းစရာရှိတာတွေသိမ်းရင်း ရေအေး
တဘူးအား ထုတ်ကာ သောက်လိုက်တော့
လည်ချောင်းတောက်လျှောက် ခပ်စူးစူးလေး
ဖြစ်လို့သွား၏။
ဒီလောက်ဆို သန့်နေပါပြီ ၊ သိမ်းစရာမလို
တော့ဘူး...
ကိုယ့်ကိုကိုယ် အမှတ်ပြည့်ပေးလိုက်ကာ
လက်မတထောင်ထောင် လုပ်လိုက်သည်။
*****
အခန်းထဲ ဝင်လာလိုက်တော့ ညအိပ်ဝတ်စုံ
အား လဲဝတ်နေပါသည့်မောင်က သူ့အား
လှည့်ကြည့်သည်။
ဟီးဟီး...သူရယ်ပြပြန်တော့ ခပ်ညစ်ညစ်
ဖြစ်ကာ ထယ့်အား မျက်စောင်းထိုးလိုက်
သည့် မောင်ကြောင့် သွားလေးများအား
ခပ်ဖြီးဖြီးလုပ်နေသည်ကို အမြန်ပိတ်လိုက်
ရသည်။
" မောင်... ငါ့ဖုန်း မင်းခေါင်းအုံးအောက်
ကျန်ခဲ့တယ် ၊ "
ပင်ပန်းလာသည်မို့ လှဲအိပ်ရန် မွေ့ယာထက်
ပစ်လှဲချမည်အပြု အနောက်မှ အကျီစအား
ဆွဲလိုက်သည်ကြောင့် လည်ပင်းအစ်တစ်တစ်
ဖြင့် သူ့လက်များလေပေါ် ရပ်တန့်လိုက်သည်။
" အား...အစ် "
" ဒီလောက် ညစ်ပတ်နေတာ အိပ်ယာပေါ်
လှဲဖို့ကြံနေတာလား ၊ သွား ၊ အခုရေသွားချိုး ၊
မင်းကိုလေ
ဘယ်လို လုပ်ရမှန်းကိုမသိဘူး ၊ အဲ့လောက်
ညစ်ပတ်နေရင် ငါ့နား လာမအိပ်နဲ့ "
ပြောကာဖြင့် အနောက်မှ ဆွဲခေါ်သွားသူ
ကြောင့် နောက်ကျောဘေးအနေအထား
အတိုင်း ယှက်ကန် ယက်ကန်လိုက်နေ
ရသည်။
" ဝင် ၊ မြန်မြန်ချိုး ၊ အကြာကြီး ချိုးနေလို့
ကတော့ ငါ့အဆိုးမဆိုနဲ့ ၊ ရေပူနဲ့ချိုးနော်၊
ရေအေးတွေ ဖွင့်ချိုးမနေနဲ့ "
YOU ARE READING
Purple Melody @@@Complete@@@
Fanfictionမောင်... ငါကလေ မင်းကိုပဲ ချစ်ခဲ့ဖူးတာပါ၊ငါ့ရဲ့အချစ်တွေဟာမောင့်အတွက်အဆိပ်ဖြစ်ခဲ့လေသလား မောင်......... ေမာင္... ငါကေလ မင္းကိုပဲ ခ်စ္ခဲ့ဖူးတာပါ၊ငါ့ရဲ႕အခ်စ္ေတြဟာေမာင့္အတြက္အဆိပ္ျဖစ္ခဲ့ေလသလား ေမာင္.........
