ချန်းဟွာမင်းရဲ့ဆယ့်လေးနှစ်မြောက်မှာ[The Sleuth Of Ming Dynasty]MM Translation

အခန်း(၇) [EDITED]

"အန္တာရာယ်ကြားထဲမှမိန်းမပျိူလေးကို
ကယ်တင်ပေးတဲ့စွေ့လူကြီးမင်း"

အန္တာရာယ်တစ်ခုကျရောက်တော့မည်ဆိုပါက လူသားတွေရဲ့အလိုလိုသိမြင်နိုင်စွမ်းဟာ ဆန်းကြယ်မှုတစ်ခုဟုမှတ်ယူနိုင်လေသည်။စောနကလေးတင်ပင် ထန်ဖန်းဟာစိတ်မသက်သာမှုများကိုခံစားခဲ့ရပြီးနောက် ယခုမှာတော့အန္တာရယ်ဟာသူ့ဆီကျရောက်လာလေပြီ။ တစ်စုံတစ်ယောက်ဟာသူ့ဆီချဉ်းကပ်လာခဲ့ပြီးနောက် ယခုနေရာ၌ပင်သူသေဆုံးရတော့မည်မဟုတ်ပါလား။

ထန်ဖန်းဟာအထိတ်တလန့်ဖြစ်လို့သွားကာ သူ့အရှေ့မှာအဖြူရောင်ပုံရိပ်များရှိနေသည်ကို‌ေတွ့လိုက်‌ေလသည်။ထိုသူတို့ဟာလက်လှမ်းမှီတဲ့‌အကွာအ‌ေဝးတစ်ခုမှာရှိ‌ေန‌ပေမယ့် သူ့တို့ရဲ့မျက်နှာ
‌ေပါ်မှာအဖြူရောင်မျက်နှာဖုံးကို ဝတ်ဆင်ထားတာကြောင့် ထိုသူတို့မှာဘယ်လိုပုံစံရိှိမှန်းကိုတော့ အတိအကျမပြောနိုင်ပါပေ။

လည်ပင်းတစ်လျှောက်စူးရှသောနာကျင်မှုနှင့်အတူ နားထဲ၌ ပဲ့တင်သံထပ်နေသော ငိုရှိုက်သံကဲ့သို့သောအသံတစ်ခုကိုလည်း အဆက်မပြတ်ကြားနေရလေသည်။ယင်းအသံမှာ ဝိညာဉ်နတ်ဆိုးများအား အသနားခံနေသောငိုကြွေးမှုနှင့်ပင်ဆင်တူနေလေသည်။

ငယ်စဉ်ကတည်းကစာအုပ်များစွာဖတ်ခဲ့ဖူးကာ သဘာဝလွန်အကြောင်းအရာများကို အယုံအကြည်မရှိခဲ့သောထန်ဖန်းဟာ အခုအခြေအနေမှာတော့ စကားလုံးလေးလုံးကိုသာစဉ်းစားနိုင်လေတော့သည်။
"အလိမ်အညာတွေပါ"

ထိုလူတစ်စုမှာ သရဲဟုတ်သည်မဟုတ်သည်အသာထား ထိုသူတို့ဟာ မယုံကြည်နိုင်လောက်အောင်သန်မာပြီး အသေအချာပြင်ဆင်ခဲ့သူများဖြစ်ကြလေသည်။ထန်ဖန်းဟာအတွေးများနေစဉ် ရုတ်တရက်တိုက်ခိုက်ခံရတာကြောင့် အသက်ရှူမဝဖြစ်နေခဲ့လေသည်။
ထန်ဖန်းဟာအားကုန်သံုးကာ ရုန်းနေပါသော်လည်းရုန်းထွက်၍မရပဲ မကြာခင်အချိန်တွင်းမှာပင် သတိလစ်တော့မည်ဖြစ်ကြောင်းခံစားမိလေသည်။

ထိုအချိန်မှာပဲ လေထုထဲ၌ပျံ့လွင့်လာသော ဓားရှည်သံတစ်ခုအားကြားလိုက်ရ‌လေသည်။