ချန်းဟွာမင်းရဲ့ဆယ့်လေးနှစ်မြောက်မှာ[The Sleuth Of Ming Dynasty]MM Translation

အပိုင်း(၈.၂)

ကျင်းရီဝေရုံးတော်ကို ထိုက်ဇုဧကရာဇ္ လက်ထက်ကတည်းက ဧကရာဇ်ကိုယ်တိုင် တည်ထောင်ခဲ့ခြင်းကို တိုင်းပြည်အနှံ့မသိသူဟူ၍မရှိပေ။ကျင်းရီဝေရုံးတော်၏ မူလရည်ရွယ်ချက်မှာ တော်ဝင်ထုံးတမ်းအစဉ်အလာများအရ ကျင်းပပြူလုပ်သော ပွဲတော်များဖြစ်တဲ့ တိုင်းခန်းလှည့်လည်ခြင်း၊ပူဇော်ပွဲများအစရှိသောပွဲတော်များ၌ ဧကရာဇ်ရဲ့ လုံခြုံရေးကိုလိုက်ပါစောင့်ရှောက်ခြင်းဖြစ်လေသည်။နောက်ပိုင်းတွင် ထိုက်ဇုဧကရာဇ်အား အရာရှိများရဲ့ အကျင့်ပျက်ခြစားမှုများကိုနှိမ်နင်းရန်အတွက် ကူညီပေးနိုင်ခဲ့လေသည်။ထို့ကြောင့် ကျင်းရီဝေများဟာ မူလတာဝန်ဖြစ်သော ဧကရာဇ်၏လုံခြုံရေးအပြင် အမျိုးသားကာကွယ်ရေးနှင့်အဂတိလိုက်စားမှုတိုက်ဖျက်ရေးတို့ပါ တာဝန်ယူကြရလေသည်။ ချိန်ဇုဧကရာဇ်လက်ထက်မှာတော့ နန်းတွင်းကိုယ်ရံတော်အဖွဲ့နှင့် နန်းတွင်းအကျဉ်းထောင်များပါ ပြန်လည်အသက်ဝင်လာခဲ့ပြီး ကျင်းရီဝေများရဲ့ ဂုဏ်သတင်းဟာ ပိုမိုလူသိများလာခဲ့လေသည်။

အမှန်စင်စစ် ကျင်းရီဝေများရဲ့ အခန်းကဏ္ဍဟာ ပြည်သူများကြားသိထားသည်ထက်ကို ပိုပါသေးသည်။နန်းတွင်းစာမေးပွဲကျင်းပရာ၌လည်း ကျင်းရီဝေများကိုစောင့်ကြပ်ရန်တာဝန်ပေးကြသေးလေသည်။ရွှမ့်ထျန်းစီရင်စု တရားရုံးတော်မှ ကြီးကြပ်သော သုံးနှစ်တစ်ခါ ကျင်းပပြုလုပ်တဲ့ စာမေးပွဲများကြောင့် မြိုတော်၌လိမ်လည်မှုများဖြစ်ပေါ်လာပါကလည်း ကျင်းရီဝေရုံးတော်အား ပါဝင်ဆောင်ရွက်ပေးရန် တောင်းဆိုလေ့ရှိကြလေသည်။ထို့အပြင် လမ်းများပြုပြင်ခြင်း၊မြို့တော်အတွင်းရှိ သူခိုးများကိုဖမ်းဆီးခြင်း အစရှိသောကိစ္စများကိုပါဆောင်ရွက်ကြရလေသည်။

တရားရုံးတော်ကဆောင်ရွက်ရမည့် မူလတာဝန်များဟာ ကျင်းရီဝေများရဲ့တာဝန်များဖြစ်လာကြသည့်အပြင် တာဝန်များပြီးမြောက်သောအခါတွင်လည်း ကျင်းရီဝေများကို ဧကရာဇ်မှာပိုမိုနှစ်သက်သဘောကျတာကြောင့် နှစ်စဉ်ထောက်ပံ့ကြေးမှာလည်း ကျင်းရီဝေများကပိုမိုရရှိကြလေသည်။‌အသေအချာလေ့ကျင့်ထားတဲ့ စစ်သည်တွေဟာ ရွှမ့်ထျန်းခရိုင်တရားရုံးမှ တရားသူကြီးများထက် ပိုမိုထိရောက်စွာဆောင်ရွက်နိုင်စွမ်း ရှိကြလေသည်။မြေခွေးဝိညာဉ်အမှု၌လည်း အမှုအားအဆုံးထိစုံစမ်းကာ ကျန်ရှိနေတဲ့ ကြာပန်းဖြူဂိုဏ်းသားများကို ဖမ်းဆီရမည့်တာဝန်မှာ ခရိုင်တရားရုံးရဲ့တာဝန်ဖြစ်သော်လည်း တရားရုံးတော်ရှိအစောင့်ရဲမက်တွေအနေနဲ့ လုပ်နိုင်စွမ်းမရှိတာကြောင့် ကျင်းရီဝေများကိုယ်တိုင်ဆောင်ရွက်ခဲ့ရလေသည်။