°• 16 •° (ဘိုးဘေးပြောတဲ့ ဇာတ်လမ်းလေး)
ရုတ်တရက်ကြီး လှမ်းဆွဲခံလိုက်ရ၍ တစ်ဖက်သို့လှိမ့်ချခံလိုက်ရစဥ် ရှောင်းကျန့်ဆွံ့အနေတုန်းပဲ ရိပေါ် ကုန်းထလာကာ ဘိုးဘေးတွေတန်းကြည့်လိုက်တော့သည်။
" အာ...? "
ဘာများမို့လို့ ဆရာရှောင်းက သူ့ကိုတားချင်ရသလဲဟုစဥ်းစားမိလိုက်သော်လည်း အချိန်မမှီတော့။ ဆရာရှောင်းအားတစ်ဖက်သို့လှိမ့်ချလိုက်ပြီး ကုန်းထ၍ကြည့်လိုက်ကာမှ ရိပေါ် မျက်လုံးတွေပြာနှမ်းသွားရသည်အထိ။
ရှောင်းကျန့်လည်း 'သွားပြီ' ဟု စိတ်ထဲမှ တ မိကာ အမြန်ပြန်ထ၍ ရိပေါ်မျက်လုံးများကို အနောက်ကအုပ်လိုက်လျက်..
" မင်းတိုးတိုးနေစမ်း သောက်ကလေး "
ရှောင်းကျန့်တစ်ယောက် တစ်ဖက်ကိုလှိမ့်ချခံလိုက်ရစဥ်က ခါးနာသွားသောကြောင့် ဒေါပွနေတာနဲ့ ယဥ်ယဥ်ကျေးကျေးပဲပြောဆိုလိုက်တာ အပြစ်တင်စရာမရှိ။
ရိပေါ်လည်း ဘာမှမပြောတော့ပဲ မျက်လုံးသာအမှိတ်ခံထားလိုက်သည်။
" အဘိုးဝမ်က ငါတို့ရှိနေတာကို ဘိုးဘေးရှောင်းကို မပြောဘူးလား..ဒါမှမဟုတ် မေ့သွားတာနဲ့တူတယ် "
ရှောင်းကျန့် တစ်ကိုယ်တော်တွေးနေရင်း ဘိုးဘေးနှစ်ယောက်အားစောင့်ကြည့်နေရသည်။
စိတ်တွေလည်းညစ်နေပြီဖြစ်ပြီး 'ဒီမှာလူတွေရှိသေးတယ်လေ' ဟု ထအော်ချင်သည့်စိတ်ကိုထိန်းထားရ၏။
ခဏနေမှ အဘိုးဝမ်တစ်ခုခုသတိရသွားသည့်ဟန်။
သူချက်ချင်းလွှတ်လိုက်ပြီး ဘိုးဘေးရှောင်းအား ထိတ်လန့်တကြားပြော၏။
" အာ..ကလေးတွေရှိသေးတယ် "
အဘိုးဝမ် နောက်ကိုလှည့်ကြည့်၍ ဘယ်ကြည့်ညာကြည့်နဲ့ ဘယ်သူမှကိုမတွေ့ပေ။
" ဘယ်ရောက်သွားကြတာလဲ "
အဘိုးဝမ် လိုက်ရှာနေတုန်း ဘိုးဘေးရှောင်းလည်း အံ့သြသွားရသည်။
" ဘာ..ကလေးတွေဒီမှာရှိနေတာလား "
" ဟုတ်တယ် ခုနကပဲ.."
အဘိုးဝမ် ပြန်စဥ်းစားကြည့်ရင်းပဲ မျက်နှာတစ်ပြင်လုံးနီသွား၏။
လက်စသတ်တော့ ကလေးတွေကရှောင်ပေးသွားတာလား ဘာလား။
KAMU SEDANG MEMBACA
Mysterious House and Secret Love (ZhanYi)COMPLETE
Fiksi Penggemarဆရာတဲ့တပည့်ဇာတ်လမ်းလေးပါ အချစ်ဟာသချိုချိုလေး ရင်ဖိုရ်ဖို့တော့ကောင်းမယ်နော်😁 Wp က သိပ်မတင်ဖြစ်တော့ ဖတ်တဲ့သူရှိမလားမသေချာပါဘူး ဒါပေမယ့်တျဲတွေက Wp မှာလည်းတင်ပါဆိုလို့တင်ပေးပါတယ် ဖတ်ကြပါနော်😘💖 ဆရာတဲ့တပည့္ဇာတ္လမ္းေလးပါ အခ်စ္ဟာသခ်ိဳခ်ိဳေလး ရင္ဖိုရ္ဖို႔...
