كان ياسين منهمك في عمله عندما جاءته نهال
ياسين وهو ينظر في الاوراق :-
خير يانهال
نهال :-
مستر ياسين سلمي الأنصاري مستنية حضرتك بره
ياسين باستغراب :-
هي بسلامتها دلوقتي اللي جات طب خليها تدخل لما نشوف اخرتها
نهال :-
تمام يامستر
خرجت نهال وبعدها بثواني دخلت سلمي وهي ترتدي نظارتها الشمسية وتسير بشموخ
حدق بيها ياسين لشدة جمالها في اللون الاسود
تقدمت منه سلمي وهي تسير باستفزاز لتجلس علي الكرسي
سلمي وهي تخلع نظارتها الشمسية :-
Bonjour(صباح الخير)
ياسين بحنق :-
ما لسه بدري ياهانم
سلمي :-
سوري اصل مبحبش اصحي بدري
ياسين بغضب :-
احنا هنستهبل يا انسه
سلمي بلا مبالاة :-
والله حضرتك اللي مصمم تجيبني هنا مش انا ولو مش عاجبك امشي عادي
ياسين بحنق :-
انا محدش يلوي دراعي من الساعه 8 تكوني هنا 8 ودقيقه انتي حرة اي اللي هيحصل
سلمي بحدة :-
انا مبتهددش يابشمهندس وياريت تتكلم معايا بطريقه احسن من كده
ياسين بسخرية :-
والله عال هتعلميني اتكلم ازاي
سلمي :-
انا مبعلمش حد بس طالما هنشتغل مع بعض يبقي ياريت نتعامل باحترام وتعاملنا رسمي
ياسين :-
والمفروض الاحترام بيشمل احترام المواعيد
اتفضلي علي مكتبك
تركته سلمي وذهبت لمكتبها لتبدأ عملها
وبعد ساعة كانت سلمي تباشر عملها حتي اتتها نهال
سلمي :-
خير في حاجة
ياسين :-
مستر ياسين عايزك في مكتبه
سلمي:-
مش هنخلص احنا بقي
نهال بهيام :-
وهو حد يطول مستر ياسين يطلبه كل شوية
نظرت لها سلمي باشمئزاز
سلمي :-
طب حوشي يختي القلوب والعصافير اللي عامله ترفرف حواليكي دي
نهال :-
نعم
سلمي :-
اتفضلي ياستي وانا جاية اهو
استدارت نهال وتركت المكتب
سلمي بسخرية :-
حد يطول مستر ياسين يطلبه كل شوية جاتتك القرف انتي ومستر ياسين بتاعك ده اووف
تركت سلمي الملف بيدها وذهبت لمكتب ياسين
وجدته اجتماع بخصوص احدي المشاريع الجديدة بالشركة
كان الاجتماع يدور حول مشروع جديد في الشركة وكانت سلمي تحاول التركيز قدر المستطاع فهي لا تريد الفشل في عملها
فهي جاءت هنا من اجل العمل وستتحمل ذلك البغيض لكي تبتعد عن والدها فقط
انتهي ياسين من التحدث ويبدو ان الاجتماع علي وشك الانتهاء
ياسين :-
في حد عنده اي استفسار
لم يجيبه احد
ياسين بجدية :-
اعتقد ان كل واحد عارف دوره في المشروع
ياريت كل واحد يلتزم بشغله وانا مش هسمح بأي تهاون اوك
_اوك مستر ياسين بس حضرتك مقولتش مين هيتولي ادارة المشروع
قالها احد الموظفين وهو ينظر لياسين
انتبهت سلمي وانتظرت اجابه لسؤال ذلك الموظف
ياسين وهو ينظر لسلمي :-
الانسة سلمي هي اللي هتتولي ادارة المشروع ده
سلمي بصدمه :-
هاا
ياسين بلامبالاة :-
الاجتماع انتهي تقدروا تروحوا تشوفوا شغلكم
انصرف الجميع الي عملهم بينما بقيت سلمي وهي مازالت مصدومة
افاقت من شرودها علي صوته
ياسين :-
انسه سلمي حضرتك معايا
سلمي بانتباه :-
هاا.. خير
ياسين :-
خير اي الاجتماع انتهى يا انسه اتفضلي على شغلك
سلمي :-
ممكن افهم اي اللي عملته ده
ياسين بلا مبالاة :-
اي اللي انا عملته
سلمي :-
يعني تولي ادارة المشروع اشمعنا انا
ياسين :-
هو اي اللي اشمعنا انا يا انسه اومال حضرتك جاية تلعبي
سلمي :-
لا طبعا مش جاية العب
ياسين باستفزاز :-
ااه قولي انك مش قده قولي متتكسفيش اهو نبقي لحقنا الموضوع من اوله بدل ما تقفلي الشركة باللي هتعمليه
اشعل لهيب التحدي بداخلها
نظرت له بثقه
سلمي بحده :-
انا مش عيله صغيرة وانا قد المشروع ده ونص عن اذنك
تركته سلمي وذهبت وهي في قمه غضبها
وبعد انتهاء العمل هاتفت سلمي صديقتها وطلبت مقابلتها
وفي احدي الكافيهات ضحكت فيرونيكا بشدة بعدما سمعت كلام صديقتها
سلمي بغيظ :-
بتضحكي علي اي انتي كمان
فيرونيكا :-
اصلك من ساعة ما قعدنا وانتي مش معاكي غير ياسين عمل ياسين قال مكنوش يومين دول يابنتي اللي شوفتيه فيهم هو شاغلك اوي كده
سلمي :-
اصلك مشوفتيهوش ده كائن بارد ومستفز
فيرونيكا :-
مانتي لازم تستحملي بروده عشان باباكي وتهديداته
سلمي :-
بس انا مستغربه ازاي يسلم ادارة مشروع مهم زي ده لواحده لسه بتقول ياهادي في الشغل هو مجنون
فيرونيكا :-
لا يابنتي هو مش مجنون هو فاهم كويس هو بيعمل اي وللاسف انتي في كارثه دلوقتي لانك لازم تاخدي بالك من الشغل كويس
سلمي بقلق :-
عندك حق انا سمعت موظفين بيقولوا انه مش بيرحم اللي بيغلط في شغله
ياربي اي ده.. الله يسامحك يابابا كل ده بسببك
فيرونيكا :-
كل حاجة هتتحل ان شاء الله
سلمي برجاء :-
يارب يافيرو يارب
ابتسمت فيرونيكا بحب
سلمي :-
انا لازم اقوم امشي بقي لازم انام كويس عشان اعرف اشتغل ادعيلي
فيرونيكا :-
ربنا معاكي ياحبيبتي.. يلا تعالي معايا عشان اوصلك
نهضت الفتاتان واتجها نحو سيارة فيرونيكا
قادت فيرونيكا السيارة متجهة الي منزل سلمي
أنت تقرأ
عشق وكبرياء
Romanceاحبها بشدة ولكن كبريائه يمنعه من الاعتراف تجاهلها ولكن قلبه يريدها بشدة اما هي فاحبته ولكنها لا تريد هذا الحب حاول كلاهما الابتعاد وفشلا فكل شئ يجمعها معا وعندما لم يستطع الصمود اخبرها بحبه لها فاستسلمت وانهارت كل حصونها وقررت اعطاء قلبها فرصة ثانية...
