دلف ياسين للغرفة ليجدها مازالت نائمة
ياسين :-
سلمي سلمي قومي ياكسلانة كفاية نوم
سلمي بنعاس :-
ممم سيبيني شوية ياماما عايزه انام
ياسين باستغراب :-
ماما!!
قومي بقي احنا بقينا الضهر
سلمي :-
ميرا اطلعي بره عايزه انام
امسك ياسين الوسادة وضربها بها حتي تفيق
ياسين :-
بقي ده صوت ماما ولا ميرا مش عاجبك ياسين يعني
ضحكت سلمي بخفة بعدما استوعبت ما حدث
سلمي بابتسامة :-
صباح الخير يا حبيبي
ياسين :-
صباح الفل يا عروستي
يلا قومي بقي عندنا يوم طويل النهارده
سلمي :-
ليه هنعمل اي
ياسين :-
المفروض اننا في شهر العسل حضرتك
ثم صمت قليلاً واكمل حديثه بنبرة ماكرة :-
ولا تحبي اننا نكمل سهرة امبارح
شهقت سلمي بصدمة :-
لالالا ده انا عايزه الف باريس كلها يلا بينا
ضحك ياسين بشدة :-
يلا بينا كده بقميص النوم
ثم اكمل حديثه قائلا بنبرة ماكرة
انا معنديش اننا نلغي الخروجة وتفضلي بيه
ده انا زي جوزك يعني
خجلت سلمي بشدة ونظرت لملابسها وخجلت اكثر لان ياسين يراها بهذه الملابس
سلمي بارتباك :-
هقوم اخد دش واغير
ياسين بخبث :-
تحبي اساعدك
ضربته سلمي في صدره بخفة وقالت بخجل :-
بس بقي يا ياسين الله
ياسين :-
الله طلعنا بنتكسف اهو
طب يلا ياستي روحي اجهزي بس ياريت تجهزي بدري عايزين نخرج النهارده مش السنة الجاية
سلمي :-
براحتي بقي عروسة واجهز براحتي
ياسين :-
مااشي ياستي روحي اجهزي
ذهبت سلمي واخذت حماما دافئا
وارتدت فستان باللون الوردي وحذاء ذو كعب عالي وصففت شعرها فكانت تبدو مثل الأميرات
خرجت من الغرفة لتجد ياسين ينتظرها وهو يمسك بهاتفه
سلمي بابتسامة :-
انا جهزت
ياسين بمزاح :-
الحمدلله هنخرج في نفس اليوم
سلمي :-
طب اي مقولتليش رايك في الفستان
ياسين بمكر :-
انا بحاول اتغاضي عن جمالك عشان منلغيش الخروجة ونقعد في البيت
ضحكت سلمي بشدة :-
لا وعلي اي خلاص انا عايزه اخرج
عايزه الف باريس كلها
ابتسم ياسين واقترب وامسك يدها وقال بحب :-
وانا رهن اشارتك يا أميرتي
خرج ياسين وسلمي وكان ياسين يحاول اسعادها
قدر المستطاع وسلمي كانت سعيدة للغاية
اخيرا وجدت السعادة مع من احبته بشدة
ذهبوا لكل الاماكن الجميلة في باريس كانوا سعيدين للغاية
ياسين كان يدللها كثيرا وهي سعيدة بذلك الدلال
باريس مدينة العشاق وهما عشاق بحق
وعند اقتراب انتهاء اجازتهم جلسوا سويا يتحدثون قليلا
كان ياسين جالسا وسلمي تنام علي كتفه
سلمي :-
يعني خلاص هنرجع مصر اخر الاسبوع
ياسين :-
اه ياحبيبي كفاية كده لازم نرجع بقي
سلمي بحزن :-
لحقت تزهق مني
ياسين :-
حد يزهق من روحه انا لو عليا اسيب الدنيا كلها وافضل معاكي ادلعك وافسحك وكفاية عليا اخدك في حضني واشوف ضحكتك
بس ياحبيبي انا سايب الشغل يضرب يقلب بقالي شهرين واكتر
سلمي :-
وانا ارجع بقي للفيلا واقعد لحد ما تيجي من الشركة اي الملل ده
ياسين :-
والشغل يافاشلة
سلمي :-
لا شغل اي بقي انا اصلا قبلت اتشغل عند فيك مش اكتر
ياسين :-
اوبااا شوفتي طول عمرك مطلعة عيني
سلمي :-
انت اتحديتني وانا لا يمكن اخسر التحدي يابشمهندس
ياسين :-
ياواد انت ياجامد
-----------
ميرا :-
مااااامي ماااامي تعالي شوفي سلمي بسرعة
اتت جيهان مسرعة من المطبخ
جيهان :-
اي في اي مالها سلمي
ميرا :-
اهدي ياست الكل مفيش حاجة
جيهان :-
هو انا ناقصاكي ياميرا ده وقت هزار
انا عايزه اتطمن علي سلمي دي من ساعة ما اتجوزت لا شوفتها ولا سمعت صوتها
ميرا :-
طب واللي يطمنك عليها
جيهان :-
انتي كلمتيها
ميرا :-
مش بالظبط
جيهان :-
ماتنطقي ياميرا هو ده وقت الغاز
ميرا :-
متخافيش ياماما سلمي مبسوطة وزي الفل كمان
جيهان :-
عرفتي منين
ميرا :-
من الانستجرام
ادارت ميرا جهاز الحاسوب الخاص بها
نظرت جيهان للحاسوب لتري العديد من الصور لسلمي وياسين ويبدو عليهما السعادة الشديدة
جيهان بدموع :-
يا حبيبتي يابنتي وحشتيني اوي ياسلمي
ميرا :-
بتعيطي ليه بس مهي تمام اهي
الهانم سيبانا هنا علي نار وقلقانين عليها وحضرتها خارباها خروجات في باريس
ااه يابنت المحظوظة
جيهان :-
بس يابت ده بدل ماتقولي ربنا يهنيها بتقري على اختك
ميرا :-
ياستي ربنا يهنيها وكل حاجة هو انا اتكلمت
جيهان :-
وحشتني نفسي اسمع صوتها
ميرا :-
وان خليتك تكلميها
جيهان :-
بجد
ميرا :-
اه بس مش ببلاش كده
مادية حقيييرة
قالها عمار وهو يخرج من غرفته
ميرا :-
حمد الله على السلامة اخيرا قمت من نومه اهل الكهف
جيهان :-
ميرا خليكي معايا عايزه اكلم سلمي
ميرا :-
بعت رسالة لياسين لماما عشان نكلمها
أنت تقرأ
عشق وكبرياء
Romanceاحبها بشدة ولكن كبريائه يمنعه من الاعتراف تجاهلها ولكن قلبه يريدها بشدة اما هي فاحبته ولكنها لا تريد هذا الحب حاول كلاهما الابتعاد وفشلا فكل شئ يجمعها معا وعندما لم يستطع الصمود اخبرها بحبه لها فاستسلمت وانهارت كل حصونها وقررت اعطاء قلبها فرصة ثانية...
