استقيظت سلمي وكانت تشعر بألم شديد في رأسها بدأت تتذكر ما حدث ونظرت حولها بفزع لتجد نفسها في مكان غريب مقيدة اليدين والقدمين
حاولت الصراخ ولكنها لم تستطع بسبب الشريط اللاصق الموجود على فمها
نظرت حولها بخوف وانكمشت علي نفسها وهي ترتجف
كان ياسين مشغولا للغاية طوال اليوم في شركته ولم يتصل بسلمي ليطمئن عليها كعادته
عاد ياسين في المساء الي المنزل
دخل البيت فوجده صامتا للغاية
ياسين باستغراب :-
سلمي... سلمي... سلمي.. حبيبي فينك... ياسلمي
دلف ياسين لغرفة النوم فلم يجدها ثم ذهب للمطبخ وباقي الغرف ولكن لا اثر لها في الفيلا بأكملها
ياسين :-
راحت فين دي لحد دلوقتي انا مأكد عليها متتأخرش
وضع ياسين يده في جيب بدلته واخرج هاتفه ليتصل بها فوجد الهاتف مغلق فشعر بالقلق
ياسين :-
قافلة تليفونها ليه دي والوقت اتاخر علي الاخر
يمكن فصل شحن انا هكلم فيرونيكا
لالالا الوقت اتأخر يمكن هي راحت عند اهلها بعد ما مشيت من عند صاحبتها انا هكلم ميرا
هاتف ياسين ميرا
ياسين :-
الو ميرا
ميرا :-
ازيك يا ياسين
ياسين :-
بخير الحمد لله
بقولك اي سلمي عندك
ميرا باستغراب :-
سلمي... اي اللي هيجيبها عندنا دلوقتي
ياسين :-
انا لسه راجع من الشركة دلوقتي.. وهي مش هنا وفونها مقفول هي قالتلي رايحة عند فيرونيكا بس الوقت اتأخر قولت دلوقتي يمكن تكون عندكوا
ميرا :-
لا والله يا ياسين مجاتش
ياسين :-
خلاص ياميرا انا هكلم فيرونيكا
ميرا :-
اوك يا ياسين متنساش تطمني
ياسين :-
حاضر يا ميرا سلام
ميرا :-
مع السلامة
اغلق ياسين الهاتف واتصل بفيرونيكا
كانت فيرونيكا تجلس مع زوجها وابنها
عندما رن هاتفها
فيرونيكا :-
ده ياسين
يوسف :-
ياسين مين
فيرونيكا :-
جوز سلمي
يوسف :-
وياسين جوز سلمي يرن عليكي في وقت متأخر زي ده ليه
فيرونيكا :-
دي تلاقيها سلمي بتتصل من عنده انا هرد
الو
ياسين :-
فيرونيكا انا ياسين
فيرونيكا :-
ايوة يا ياسين خير في حاجه
ياسين :-
معلش انا اسف عارف الوقت متأخر بس انا متصل عشان اشوف هي سلمي لسه عندك
فيرونيكا باستغراب :-
سلمي ! لا يا ياسين هي مجتش اصلا
ياسين بصدمة :-
ازاي
فيرونيكا :-
احنا كنا متفقين انها هتجي عندي النهارده بس مجتش واتصلت بيها فونها مقفول هو في حاجة ولا اي
ياسين :-
هي الصبح قالتلي انها هتروح عندك وانا دلوقتى جاي مش لاقيها ومش موجوده عند مامتها وفونها مقفول ومش عارف هي فين
فيرونيكا :-
هتكون راحت فين يعني اكيد زمانها جاية
ياسين :-
مش عارف ماشي يافيرونيكا متشكر واسف ازعجتك
فيرونيكا :-
ولا يهمك يا ياسين بس ابقي طمني
ياسين :-
اوك سلام
اغلقت فيرونيكا الخط ويبدو علي وجهها الحيرة
يوسف باستغراب :-
مالك في اي... كان بيكلمك ليه ياسين
فيرونيكا :-
سلمي مش موجوده في البيت وفونها مقفول
يوسف :-
هتكون فين يعني زمانها راحت مشوار وراجعه
فيرونيكا :-
مش عارفة بس قلبي مش متطمن
يوسف :-
خير ياحبيبتي ان شاء الله مفيش حاجة
فيرونيكا :-
ان شاء الله
أنت تقرأ
عشق وكبرياء
Romanceاحبها بشدة ولكن كبريائه يمنعه من الاعتراف تجاهلها ولكن قلبه يريدها بشدة اما هي فاحبته ولكنها لا تريد هذا الحب حاول كلاهما الابتعاد وفشلا فكل شئ يجمعها معا وعندما لم يستطع الصمود اخبرها بحبه لها فاستسلمت وانهارت كل حصونها وقررت اعطاء قلبها فرصة ثانية...
