كان ياسر يرمق ياسين بنظرات الحقد والكراهية بينما كان ينظر لسلمي بعتاب ولوم فلقد احبها حقا ولاول مرة يكون ياسر صادقا في مشاعره
الضابط :-
يلا انجر قدامي
ياسر بغل :-
مش هسيبك يا ياسين لو اخر يوم في عمري مش هسيبك واوعي تفتكر اني هسيبك تتهني تبقي غلطااان
اخذت الشرطة ياسر وبقية الرجال بينما شكر ياسين وسلمي لتعاونهم في تلك القضية
الضابط :-
انا متشكر يا بشمهندس وياريت حضرتك تشرفني بكره في المكتب كنت حابب اتكلم معاك شوية
ياسين :-
تحت امرك
الضابط :-
تمام تحب نوصلك انت والمدام
ياسين :-
متشكر انا هروحها الاول وبعدين ارجع انا البيت
الضابط باستغراب :-
هي مش مراتك؟
ياسين :-
كاتبين الكتاب لسه الفرح بس قريب ان شاء الله
الضابط :-
ربنا يسعدكوا ان شاء الله
مع الف سلامه
رحل ياسين وسلمي
عادت سلمي للمنزل وذهبت للنوم نظرا لتأخر الوقت وفعل ياسين مثلها
وفي اليوم التالي ذهبت سلمي للعمل
لتجد هناك حركة غريبه بالشركة ولكنها لم تسأل عن السبب وانما صعدت لمكتبها ولكنها تلقت اتصالاََ من ياسين جعلها تغير مسارها وتذهب اليه اولا
دلفت المكتب لتجد الكثير من الموظفين فاستغربت كثيرا وشعرت بالقلق
فسمعت صوت ياسين يتحدث
ياسين :-
كدة يبقي الاجتماع انتهي اتمني كل واحد يكون فهم دوره اي في المرحلة الجاية مش عايز غلطة تحصل في الشغل في غيابي واللي هيغلط هيتحاسب انا مبهزرش في شغلي مفهوم
رددوا جميعا :-
مفهوم يابشمهندش
ياسين :-
الفترة الجاية ان شاء الله انا هكون اجازة
يعني احتمال اجازتي تاخد شهرين بس ده مش معناه اني مش هكون متابع الشغل لأ دبة النملة هتوصلني فياريت نركز في شغلنا مش عايزين اخطاء
تدخلت موظفة وقالت بحشرية :-
بس سوري يعني يا بشمهندس ممكن نعرف ليه الغيبة الطويلة دي حضرتك اول مره تاخد اجازة وبالمدة دي
ياسين بابتسامة :-
انا كنت متوقع السؤال ده منكم عموما انتوا كده كده كنتوا هتعرفوا
انا ياستي واخد الاجازة دي عشان فرحي هاتجوز ان شاء الله
تفاجأ الجميع من ذلك الخبر
فمنهم من شعر بالسعادة لاجل مديرهم الشاب
ومنهم من اندهش من تلك المفاجأة الغير المتوقعة
اما نهال فلقد وقع عليها الخبر كالصاعقة فلقد تدمرت كل احلامها في محاولة لفت نظره وايقاعه في حبها
بدأ الموظفون يهنئون مديرهم الشاب وياسين سعيد للغاية اما سلمي فكانت ما زالت تراقبهم بدهشة وياسين يراها ولكن هي لا تعرف انه يراها
سأله موظف :-
بس مين سعيدة الحظ دي يابشمهندش
ياسين :-
انتوا تعرفوها
جايدا... جايدا ااه اكيد جايداا
ياسين :-
سلمي تعالي واقفه عندك ليه
شعرت سلمي بالخجل وتقدمت ببطئ
عندما اقتربت منه امسك يديها وقربها منه
ياسين :-
سلمي... مرااتي
تفاجأ الجميع اكثر بعد اعلانه عن من تكون زوجته
بينما نهال كانت مصدومة للغاية وتريد قتلها من شدة الغضب والغيرة
تلقت سلمي التهاني من الزملاء
وبعد مغادرتهم جميعا لم يبقي الا نهال التي كانت تنظر لهم بغضب واستعدت للتغادر المكتب
ياسين :-
نهاال استنى
نهال :-
خير
ياسين :-
عدي على الحسابات خدي باقي حسابك وشوفي مكان تاني غير هنا
نهال بصدمة :-
لييه انا عملت اي
ياسين :-
انتي عارفة كويس يانهاال عملتي اي
نهال :-
بس حضرتك انا...
ياسين :-
لو سمحتي يانهال اتفضلي
رمقت نهال سلمي بغضب
ياسين بغضب :-
نهااال
خرجت نهال من المكتب بسرعة وهي تزفر بضيق وودت لو قتلتهم
ذهبت نهال لتجمع اغراضها وترحل من الشركة
نهال بغيظ :-
دي اخرتها اطلع من المولد بلا حمص حتي شغلي خسرته.... انا لازم اتصرف حتي لو مش هتجوزه هعكنن عليهم عيشتهم
اخذت نهال اغراضها ورحلت وهي في الطريق اتصلت بجايدا واخبرتها بما حدث
--------------
لاحظ ياسين ملامح الضيق علي وجه سلمي
ياسين :-
حبيبي مالك
سلمي :-
مفيش
ياسين :-
يسلام يعني انا مش عارفك في اي ياسلمي
سلمي :-
نهال
ياسين باستغراب :-
مالها
سلمي :-
زعلانه انها مشيت
ياسين بصدمة :-
افندم
سلمي :-
انا مبحبش اكون السبب في قطع رزق حد
ياسين متفهما :-
لا ان شاء الله هي هتلاقي شغل في شركة تانية
سلمي :-
ان شاء الله
ياسين :-
بقولك اي وحشتيني جهزي نفسك النهارده هنخرج شوية مع بعض
سلمي بتذكر :-
صحيح انت هتاخد اجازة ازاي واحنا لسه محددناش معاد الفرح؟
ياسين :-
مين قال اننا محددناش معاد الفرح
بابا وماما ياستي زمانهم قاعدين مع مامتك وعمار عشان خلاص انا مش هستني اكترمن كده
سلمي بدهشة :-
انا مكنتش اعرف انك مجنون كده انا كنت فكراك عاقل ورزين وهادي كده
ابتسم ياسين واقترب منها وعانقها بحب
ياسين :-
انا من ساعة ما شوفتك وحبيتك وانا مبقاش فيا عقل اصلا بقيت مجنون سلمي
سلمي بحب :-
بحبك با احلي حاجة حصلت في حياتي
ابتسم ياسين بحب وضمها اليه اكثر وفجأة فتح باب المكتب ودخلت جايدا وهي غاضبة بشدة
فزعت سلمي وصدم ياسين من الذي تجرأ وقام بفتح الباب بدون استئذان حاولت سلمي الابتعاد ولكن منعها ياسين وهو ينظر لجايدا بغضب
جايدا بغضب :-
الله الله دي مبقتش شركة دي بقت شقة مفروشة
ياسين بغضب هادر :-
جايداااا الزمي حدودك واتكلمي عن سلمي عدل وبعدين مين سمحلك تدخلي هنا ولا هي وكالة من غير بواب
جايدا :-
جاية اشوف اللي بيحصل هنا من ورا ضهري
جاية اشوف اللي سمعته ده صح ولالا
ياسين :-
صح سلمي مراتي ليكي شوق في حاجة
جايدا :-
طب وانا يا ياسين
ياسين :-
قولتلك الف مره انا مفيش بيني وبينك اي حاجة انتي بقي اللي مش عايزة تفهمي ده برااحتك
جايدا :-
لا يمكن اسيبك للزبالة دي تاخدك مني مستحيل يا ياسين انت بتاعي انا وبس
ياسين بحدة :-
جايداااا احترمي نفسك الا وقسما بالله هتشوفي مني وش عمرك ما شوفتيه قبل كده
جايدا بغل :-
ماشي يا ياسين بس انا هوريكوا انتوا الاتنين
ياسين بعصبية :-
برااا مش عايز اشوفك في شركتي تاني
جايدا :-
بكره تجي تترجاني عشان ادخلها هوريك يا ياسين والشاطر اللي يضحك في الاخر
خرجت جايدا وهي غاضبة بشدة بينما كانت سلمي مصدومة للغاية
سلمي :-
هو انا مش هخلص بقي انت معجبينك كتير ياكش يتحدوا كلهم ويقتلوني في الاخر
ياسين :-
سيبك منها جايدا دي بوق اصلا وبعدين اللي يفكر بس يزعلك انسفه من علي وش الدنيا
سلمي بمشاكسة :-
طب ولو انت اللي زعلتني اعمل اي ساعتها
ياسين :-
اعملي فيا اللي انتي عايزاه يا اميرتي اي رايك بقي
سلمي بابتسامة :-
ماشي
ياسين :-
علي معادنا النهارده هنخرج سوا اوك
سلمي :-
اوك
-------------
كانت جايدا تحوم في غرفتها وهي تشعر بالغضب الشديد
جايدا :-
يسيبني انا ويروح للجربوعة اللي اسمها سلمي دي طب والله لوريك يا ياسين لو مكنتش ليا مش هتبقي لغيري ومادام انت بتحبها انا هكرهها فيك
بس ازااي ازااي
امسكت جايدا هاتفها واتصلت بشخص ما
جايدا بحدة:-
الو... من غير رغي كتير هبعتلك اسم واحده وصورتها عايزاك تجبيلي اصلها وفصلها
هو يوم واحد وتكون عندي كل المعلومات فااهم ولالا
يلا غور في داهية
اغلقت جايدا الهاتف والقته علي الفراش بعصبية
جايدا :-
مش هسيبكوا ولما نشوف يا ياسين بيه انا ولا هي
أنت تقرأ
عشق وكبرياء
Romanceاحبها بشدة ولكن كبريائه يمنعه من الاعتراف تجاهلها ولكن قلبه يريدها بشدة اما هي فاحبته ولكنها لا تريد هذا الحب حاول كلاهما الابتعاد وفشلا فكل شئ يجمعها معا وعندما لم يستطع الصمود اخبرها بحبه لها فاستسلمت وانهارت كل حصونها وقررت اعطاء قلبها فرصة ثانية...
