عشق وكبرياء
Part 25
خفق قلب ياسين بشدة عندما سمع صوتها ونهض قائلا بلهفة :-
سلمي
بكت سلمي بشدة عندما سمعت صوته فلقد اشتاقت له كثيرا كاد قلب ياسين ان يخرج من مكانه عندما استمع لصوت بكائها
وكذلك انتبه الجميع وترقبوا بقلق
ياسين :-
سلمي مالك انتي فين ردي عليا ياسلمي
ادركت سلمي ان صوت بكائها يعلو وسينكشف امرها فحاولت تهدئة نفسها
ياسين :-
سلمي انتي سامعاني
سلمي بهمس :-
الحقني يا ياسين هيقتلوني
خفق قلب ياسين بعنف وقال بقلق :-
مين دول
سلمي :-
احمد وجايدا خاطفيني يا ياسين وناويين يقتلوني
ياسين بغضب :-
ده انا انسفهم من علي وش الارض متخافيش ياسلمي محدش هيقدر يقربلك
سمع صوت بكائها مجددا
ياسين :-
طب اهدي ياسلمي اهدي ياحبيبتي انتي فين متعرفيش اي حاجة عن المكان اللي انتي فيه
سلمي :-
معرفش يا ياسين انا حاولت اهرب منهم بس جايدا شافتني وشددت الحراسة عليا انا كل اللي اعرفه اني في مكان تحت الارض ولما خرجت منه لقت الارض اللي فوق مليانه شجر وعشب كأنها غابة وو
فجأة انقطع صوت سلمي
ياسين :-
سلمي سلمي الووو
القي ياسين هاتفه وقال بغضب هادر
مش هسيبك ياجايدا هقتلك انتي والكلب اللي معاكي
مراد بقلق :-
في اي يا ياسين اي اللي حصل
ياسين :-
سلمي مخطوفة يابابا من الكلب اللي اسمه احمد وجايدا وعايزين يقتلوها
عمار بصدمة :-
احمد!
جيهان بفزع :-
يقتلوها ياحبيبتي يابنتي
ثم بدأت جيهان في البكاء :-
انا عايزه بنتي يا ياسين ماليش دعوة هاتولي سلمي
اقتربت ميرا من والدتها وحاولت تهدئتها :-
اهدي ياماما خلينا نعرف نفكر هنعمل اي
ياسين :-
مبقاش فيها تفكير ياميرا انا هروح لجايدا وياتقولي سلمي فين ياما هقتلها
ريناد :-
اهدي يا ياسين مش عايزين تهور دلوقتي اي خطوة مش محسوبة سلمي هتدفع حياتها قصادها
مصطفي :-
الآنسة عندها حق احنا لازم نهدي ونفكر ازاي هنجيب مراتك بدون ما تتأذي منهم
ياسين بغضب :-
يعني انا مراتي مخطوفة بقالها 4ايام وعايزين يقتلوها وانتوا تقولوا اهدي
عمار :-
مانت لازم تهدي عشان نقدر ننقذها
جلس ياسين وزفر بضيق وقال بنفاذ صبر :-
هديت اهو اتفضلوا اتكلموا قولولي بقي هننقذها ازاي
مصطفي :-
هي مقالتش اي معلومات عن المكان اللي هي فيه
ياسين :-
قالت ان كل اللي تعرفه انها في مكان تحت الارض ده اللي اكتشفته لما حاولت تهرب منهم
ولما خرجت منه لقته مكان غريب مليان شجر كأنه غابة
ريناد :-
بس تقريبا مفيش غابات في مصر
مصطفي :-
مش شرط تكون غابة ممكن يكون مكان مهجور وفيه شجر مش اكتر
مراد :-
طب والعمل يا سيادة الرائد
مصطفي :-
انا هبعت قوات تدور علي مكان بنفس المواصفات دي
ياسين :-
بس واحنا هنفضل مستنين وافرض المكان ده كان بعيد
مصطفي :-
لا طبعا احنا مش هنسكت هنراقب الاتنين اللي انت قولت عليهم اكيد هيروحوا المكان ده
ياسين باستنكار :-
بس ده كل اللي هنعمله
مصطفي :-
اهدي يابشمهندس احنا مفيش حاجة في ايدينا نعملها وتأخرنا
زفر ياسين بضيق وصمت بينما قلبه يكاد يخرج من مكانه من شدة قلقه علي سلمي
هو يعلم انها بالتأكيد في ورطة ولكنه عاجز عن فعل شئ
أنت تقرأ
عشق وكبرياء
Romanceاحبها بشدة ولكن كبريائه يمنعه من الاعتراف تجاهلها ولكن قلبه يريدها بشدة اما هي فاحبته ولكنها لا تريد هذا الحب حاول كلاهما الابتعاد وفشلا فكل شئ يجمعها معا وعندما لم يستطع الصمود اخبرها بحبه لها فاستسلمت وانهارت كل حصونها وقررت اعطاء قلبها فرصة ثانية...
