ياسين :-
معلش ياميرا في ورق مهم في المكتب محتاج يتمضي
ميرا :-
طب خلاص انا هنزل اخد تاكسي وانت روح شوف شغلك
ياسين :-
لالا تاكسي اي انتي هتجي معايا هروح امضي الورق وننزل علي طول اروحك مش هنتأخر اوك
ميرا :-
اوك
ياسين بمزاح :-
ما شاء الله مطيعة مش زي اختك خالص
ضحكت ميرا وقالت بمشاكسة :-
هقولها
ياسين :-
خلاص بقي خلي قلبك ابيض
غير ياسين مساره واتجه الي الشركة
وعند وصوله نزل من سيارته
ياسين :-
تحبي تقعدي هنا ولا تيجي معايا انا مش هتأخر
ميرا :-
لو مفيهاش رزالة يعني هاجي معاك نفسي اشوف الشركة من جوه وكده
ياسين :-
يسلام بس كده ده انتي تنوريها اتفضلي ياستي
فتح ياسين باب السيارة لاخت زوجته ودلفا الشركة وصعدا سويا نحو مكتبه
ميرا بحماس :-
واووو الشركة تحفة من جوه
ياسين :-
عجبتك
ميرا :-
اه جدا تصميمها روعة هندسية بمعنى الكلمه
ياسين :-
تصميمي
ميرا :-
بجد ده انت طلعت مهندس شاطر وانا مش واخده بالي
ضحك ياسين وقال بمزاح :-
يعني حاجة كده علي قدي
سمعوا طرقات علي باب الغرفة فسمح ياسين للطارق بالدخول
احمد :-
حمدلله على السلامه يا بشمهندس
ياسين :-
الله يسلمك يا احمد فين الورق بقي
احمد :-
الورق اهو وكمان ادي فنجان قهوة عشان توقع بمزاج
ضحك ياسين بشدة :-
اوقع بمزاج هو انا هكتب قصيدة
احمد :-
وماله يا باشا لازم يكون المزاج عالي بردو
ياسين :-
ماشي ياسيدي
كانت ميرا تنظر لذلك الشخص نظرات متفصحة فهي لم ترتاح له مطلقا منذ رؤيته
لاحظ ياسين تركيز نظراتها علي احمد فاستغرب بشدة
ياسين :-
ميرا... تشربي حاجة
ميرا :-
لا ميرسي وقع بس عشان نمشي
احمد :-
طب بالاذن انا دلوقتي
ياسين :-
تمام روح انت يا احمد وانا قبل ما امشي هسيب الورق مع السكرتيرة تدهولك
احمد :-
تمام
قال احمد كلمته الاخيره وتركه ورحل بينما نظرات ميرا تراقبه حتي ذهب
ياسين :-
مالك عماله تبصيله من فوق لتحت كده ليه
ميرا :-
مش عارفة يا ياسين مترحتلوش من اول ما شوفته كده حاسة انه بيدبر لحاجة
ياسين باستغراب :-
حاجة اي يعني اللي هيكون بيدبرلها مش فاهم
ميرا :-
مش عارفه يا ياسين بس انا واثقه من احساسي ارجوك خد بالك منه واقرا الورق ده كويس قبل ماتوقع عليه
ياسين وهو يشرب القهوة :-
حاضر يا ميرا اديني هراجع الورق كويس
ما ان بدأ ياسين يشرب القهوة حتي اصبحت الرؤية امامه مشوشة لم يري الكلمات بوضوح فشرب قهوة مرة اخري واغمض عينيه عدة مرات وقام بفتحها ولكن الرؤية مازالت غير واضحة بدأ ياسين يشعر بالدوار الشديد فلاحظت ميرا انه ليس علي مايرام
ميرا بقلق :-
ياااسين يااسين مالك في اي
ياسين بتعب :-
د.. ددايــ ـخ ياميرا مش ششايف حاجة قدامي
ميرا :-
من اي طيب مانت كنت كويس
لم يجيبها ياسين فهو لا يشعر بنفسه
ميرا :-
ياسين انت سامعني
يالهوي ده شكله اغمي عليه لازم اروح اجيب ميه حالا
ركضت ميرا خارج المكتب لتطلب مساعدة من احد الموظفين ولكن يبدو انه وقت الراحة ولا يوجد احد ظلت تجري في ردهات الشركة لعلها تجد احدا يساعدها
أنت تقرأ
عشق وكبرياء
Romanceاحبها بشدة ولكن كبريائه يمنعه من الاعتراف تجاهلها ولكن قلبه يريدها بشدة اما هي فاحبته ولكنها لا تريد هذا الحب حاول كلاهما الابتعاد وفشلا فكل شئ يجمعها معا وعندما لم يستطع الصمود اخبرها بحبه لها فاستسلمت وانهارت كل حصونها وقررت اعطاء قلبها فرصة ثانية...
