تهللت اساريره بعد سماعه لتلك الكلمات وابتسم بخبث
ياسر :-
ده كده احلوت اوي... كده انتي ابتديتي تفكري صح
سلمي :-
ممكن افهم اي المطلوب مني بالظبط
ياسر :-
لا فهميني انتي الاول اي اللي غير قرارك وخلاكي توافقي كده
ابتسمت سلمي ابتسامه سخيفة :-
سوري دي حاجة تخصني انا
ياسر بغيظ :-
والله
نظرت له سلمي ببرود ولم تجيبه
ياسر :-
نتفق الأول
سلمي باستفسار :-
علي
ياسر :-
علي كل التفاصيل واي اللي مطلوب منك بالظبط
سلمي :-
قبل ما نتفق في حاجات مهمة لازم اعرفها
ياسر باستغراب :-
حاجات اي يعني
سلمي :-
يعني انتوا كام واحد وفي مين غيرنا في اللعبة دي
ياسر :-
دي حاجة تخصنا احنا بس
سلمي :-
وتخصني انا كمان طالما بنشتغل سوا يبقي تخصني
ياسر :-
وده ليه بقي
سلمي :-
عشان اضمن ان اللعبه دي كلها علي ياسين مش عليا.. انتوا ولاد عم ويمكن تكونوا متفقين على ده كله عشان توقعوني
ياسر :-
وانتي عرفتي منين اني انا وياسين ولاد عم
ارتبكت سلمي وشعرت ان ذلك الياسر ليس سهلا ابدا ولكنها كانت بارعه في التمثيل ولم يظهر علي ملامحها الارتباك بل كانت تبدو واثقه من نفسها
سلمي بلا مبالاة :-
من مصادري الخاصة
ثم اكملت بثقه ونبرة مغترة وهي تبعد خصلاتها الناعمة عن وجهها :-
ولا تكونش فاكر اني هشتغل مع ناس عمياني كده وانا معرفش عنهم حاجة تؤتؤ مش أخلاقي لأ
ياسر بابتسامة :-
تعجبيني
ابتسمت سلمي بثقة
واكمل ياسر حديثه واصغت له سلمي بانتباه شديد لتفهم ماذا يجب ان تفعل
سلمي :-
اوك انا كده فهمت كل حاجة هبلغلك بكل حاجة اعرفها يلا تشاو
اخذت سلمي حقيبتها ونهضت لتغادر ولكن صوته القوي اوقفها
استني
استدارت سلمي لتنظر اليه
سلمي :-
خير؟
ياسر بصوت اجش يحمل في طياته التهديد :-
ياويلك لو عرفت انك بتلعبي بديلك من ورانا ساعتها هتبقي حفرتي قبرك بايدك
نظرت له سلمي بغضب
سلمي بحدة :-
مش سلمي الانصاري اللي تهدد.. ومش الكلمتين بتوعك دول اللي هيخلوني اخاف... هعديها المره دي لكن بمزاجي.. لكن المره الجايه تفكر مليون قبل ما تكلمني بالاسلوب ده مااشي
نظرت له سلمي بحده وارتدت نظارتها الشمسية بشموخ واستدارت لتغادر
غمم ياسر بخفوت :-
شكلك مش ساهله زي منا فاكر
تنفست سلمي الصعداء بعدما ذهبت بعيدا عن ذلك البغيض
وفي اليوم التالي بالشركة
ابتسم ياسين بخبث بعدما استمع لما قالته سلمي
ياسين :-
كده حلو اوي..برافو عليكي
سلمي بتوجس :-
بس انا قلقانه ابن عمك ده شكله مش سهل
ياسين :-
متقلقيش مش هيقدر يعملك حاجة
كادت سلمي ان تتحدث ولكن قاطعها دخول جايدا المفاجئ وهي غاضبة بشدة
جايدا بغضب :-
الله الله اتنين حبيبه قاعدين ومانع اي حد يقاطعكم طب والله عال ياسي ياسين
شعرت سلمي بالغضب الشديد وكادت ان تتحدث ولكن قاطعها ياسين قائلا بغضب :-
وانتي مالك اتنين حبيبه ولا غيره جايدا اتعدلي احسنلك
جايدا :-
بقي كده يا ياسين بتزعقلي عشان واحده زي دي
نظرت جايدا باحتقار لسلمي
سلمي بغضب :-
اي واحده زي دي ماتتكلمي كويس
جايدا بقرف :-
والله انا اتكلم زي منا عايزه
سلمي بحده :-
لما تتكلمي عني تتكلمي باحترام
ياسين بغضب :-
بس انتوا الاتنين
نظرت لهم سلمي بغضب وتركت المكتب وذهبت
-----------
أنت تقرأ
عشق وكبرياء
Romanceاحبها بشدة ولكن كبريائه يمنعه من الاعتراف تجاهلها ولكن قلبه يريدها بشدة اما هي فاحبته ولكنها لا تريد هذا الحب حاول كلاهما الابتعاد وفشلا فكل شئ يجمعها معا وعندما لم يستطع الصمود اخبرها بحبه لها فاستسلمت وانهارت كل حصونها وقررت اعطاء قلبها فرصة ثانية...
