كانت السهرة جميلة ورومانسية للغاية
استمتع ياسين وسلمي بشدة
ثم عادوا ليرتاحوا فغدا يوم طويل
وفي صباح اليوم التالي
سلمي :-
يااسين يااسين قوم عندنا طيارة
ياسين :-
ممم ماشي يا حبيبي هقوم اهي
سلمي :-
طب يلا هنتأخر
نهض ياسين من فراشه وذهب ليأخذ حماما دافئا
سلمي :-
اوعي تنسي حاجة يا ياسين
ياسين :-
ياحبيبي اهدي كل حاجة جاهزة يلا بينا
اخذ ياسين الحقائب ووضعها في السيارة
واتجه ناحية المطار
انتظروا قليلا في المطار ثم ركبوا الطائرة
كانت سلمي متحمسة للغاية
سلمي :-
عارف يا ياسين جوايا احساسين الاتنين عكس بعض تماما
ياسين :-
اي
سلمي :-
زعلانة اننا هنرجع مصر كان نفسي نفضل في باريس علي طول
وفي نفس الوقت مبسوطه جدا عشان اهلي وأهلك وحشوني جدا ومبسوطه عشان هنرجع بيتنا ونبدأ حياتنا سوا
ياسين :-
ان شاء الله ياحبيبي حياتنا الجاية كلها هتبقي خير وسعادة طول ما احنا مع بعض
سلمي :-
ان شاء الله
وبعد ساعات هبطت الطائرة في مطار القاهرة
وترجل منها الركاب
سلمي :-
ياااه مصر وحشتني اوي واهلي كمان وحشوني
صمتت سلمي قليلا ثم صرخت بفرحة :-
ميراااا رينااااد
ركضت سلمي ناحية عائلتها وعائلة ياسين الذين كانوا بانتظارهم في المطار
عانقت سلمي شقيقتها وشقيقها ووالدتها
وكذلك والدة ياسين وريناد
كان الجو جميل جدا يملأه دموع الامهات فرحةً بوصول اولادهم
ياسين بمزاح :-
كفاية عياط واحضان ياشباب المطار كله بيتفرج علينا
ريناد :-
انا بقول كده بردو والله ياشباب كبرتوا الموضوع
عمار :-
يلا ياماما احنا نروح هما جايين من سفر ولازم يرجعوا بيتهم يرتاحوا وبعدين نبقي نروحلهم ولا اي
مراد :-
عندك حق ياعمار احنا نروح عشان هما يروحوا يرتاحوا ونحدد يوم عشان نتجمع كلنا
حمد الله على السلامة يا حبايبي
ياسين :-
الله يسلمك يا بابا
عمار :-
لا ياعمو نحدد يوم اي احنا هنكبس عليهم من بكره من الفجر هتلاقينا عندك ولا اي يابو نسب
ياسين :-
خف علينا يا عم احنا لسه عرسان جداد بردو
عمار :-
ولو لازم نغلس بردو
ريناد بتأييد :-
اتفق وبشدة
ياسين :-
بقى كده طب ماشي يا حلو منك ليها هتترد في فرحكوا
ضحكوا جميعا ثم ذهب كلا منهم بسيارته الي المنزل
وفي فيلا ياسين
دلفت سلمي بحماس وكأنها تري المنزل لاول مرة
سلمي :-
ياااه اخيراا البيت
ياسين :-
طب يلا يا حبيبي نغير وننام انا هموت من التعب
سلمي :-
وانا كمان تعبانة من السفر يلا بينا
ذهبت سلمي لتأخذ حمامها وكذلك ياسين ثم ذهب كلاهما للنوم كي يأخذوا قسطا من الراحة بعد هذا اليوم الطويل
-------------
كانت جايدا تجلس غرفتها وتتحدث عبر الهاتف وفجأة قفزت بسرعة
جايدا :-
بتقول اي جم من السفر... امتي
اتاها الرد من الشخص الاخر :-
لسه واصلين من شوية وراحوا الفيلا
جايدا :-
انت متأكد من اللي بتقوله ده
تحدث الشخص بجدية :-
عيب ده انا شايفهم بعيوني دول
جايدا :-
تمام عينك عليهم بقي
تحدث الشخص الاخر :-
تمام
ها انفذ اللي اتفقنا عليه
جايدا :-
لالالا مش دلوقتي خالص احنا عايزين نهدي اللعب شوية وعايزين ياسين يتطمن اننا خلاص شيلنا الموضوع ده من دماغنا
_ماشي اللي تشوفيه سلام
جايدا :-
سلام
------------
استقيظت سلمي في اليوم التالي ولم تجد ياسين بجانبها نظرت حولها باستغراب
سمعت صوت الماء يصدر من المرحاض فعلمت انه يستحم
وبعد دقائق خرج ياسين من المرحاض فوجدها استقيظت فنظر لها بابتسامة
سلمي :-
صباح الخير
ياسين :-
صباح الفل يا حبيبي
سلمي :-
صحيت امتي
ياسين :-
من نص ساعة كده
سلمي :-
طب لحظة هروح احضرلك الفطار
ياسين :-
لالا خليكي زي مانتي انا هفطر في الشركة
سلمي :-
هتنزل كده من غير ماتاكل حاجة
ياسين :-
هروح بس اشوف اي اللي حصل في الشركة في غيابي ومش هتأخر
سلمي :-
خلاص تمام ربنا معاك
ياسين :-
لا اله الا الله
سلمي :-
محمد رسول الله
اقترب منها ياسين وقبل جبهتها وغادر
ابتسمت سلمي وعادت للغرفة مرة اخري اتجهت للخزانة واخرجت ملابسها ودلفت للمرحاض لتستحم
أنت تقرأ
عشق وكبرياء
Romanceاحبها بشدة ولكن كبريائه يمنعه من الاعتراف تجاهلها ولكن قلبه يريدها بشدة اما هي فاحبته ولكنها لا تريد هذا الحب حاول كلاهما الابتعاد وفشلا فكل شئ يجمعها معا وعندما لم يستطع الصمود اخبرها بحبه لها فاستسلمت وانهارت كل حصونها وقررت اعطاء قلبها فرصة ثانية...
