FDA 4: THE GIRL THAT GOT AWAY - COMPLETE

Kabanata 2

NASUNDAN NI SANNA ang pag-upo ni Thad sa kanyang tabi. She pressed her lips as she waited for Thad to speak again. Napalunok na rin siya. She never had the chance to really personally talk with him. Nakakasalubong niya sa hallway si Thad at naliligaw ang tingin nito sa kanya but she knew it was nothing.

"Ang ganda ng mga drawings mo," basag na niya.

"T-Thank you." Tipid itong ngumiti, tila hindi sanay sa papuri. "You're new, right?" pag-iiba ni Thad.

"Ahm, oo, sa ibang school ako nag-first-year."

May sumilay na ngiti sa mukha nito. "Maliit lang naman ang school na 'to kaya madaling mapansin. You like it here?"

Hindi yata siya makapag-concentrate sa tinatakbo ng usapan nila ni Thad. She didn't expect na magiging friendly ito sa kanya. He was most of the time quiet and serious kapag nakikita niya ito pero may araw naman na nakikipagkulitan ito sa mga kaibigan nito. Pero alam niyang mabait ito base na rin sa mga naririnig niyang usap-usapan ng mga kasamahan niya sa publication.

"So far," tumango siya at ngumiti pa rin, "oo. Nag-e-enjoy naman ako."

"Can I?"

Tinitigan niya ang kamay nitong nakaangat sa kanya. She was about to reach her hand to him nang mapansin niyang nakatingin ito sa folder na nasa kandungan niya. Gosh! Napalunok siya at lihim na binawi ang kamay.

Mabilis na hinawakan ni Sanna ang folder at inabot kay Thad. Pero sa isip niya ay gusto niyang kutusan ang sarili.

"Oh, here." Talaga Sanna? Why whould he want to hold your hand?

Buti na lang na realize niya agad bago pa niya maipahiya ang sarili.

Lumapad ang ngiti nito. "Thanks."

"Matagal ka na bang nagda-drawing? Hindi ka kasi sumasali sa mga poster making saka parang 'di rin alam ng mga kaklase mo na nagda-drawing ka."

"I don't join and I'm not as good as Jude."

Alam niyang magaling mag-drawing si Jude. Nakita na rin niya ang mga gawa nito. Masasabi niyang napakatalented nito. But there was something behind those words na hindi siya mapakali. Is Thad insecure with his cousin?

"You can draw," she insisted, namilog ang mga mata nito sa kanya. "Maganda ang mga drawings mo. Why would you hide your talent?"

Naikiling nito ang ulo at pinakatitigan siya na para bang tinubuan siya ng tatlong ulo. Natawa siya sa reaksyon na 'yon ni Thad.

"I'm serious." She chuckled. "Alam mo kapag tinago mo 'yan kukunin 'yan sa'yo at ibibigay sa ibang tao, sige ka."

Natawa ito sa pagkakataon na 'yon. "You think I'm really good?"

"I know one when I see one."

Umisod pa ito palapit sa kanya. Their shoulders touched. Napakurap siya roon sa magkahalong pagkailang at pagkagulat. Hindi niya alam kung bakit lumakas bigla ang tibok ng puso niya.

"Sa tingin mo alin dito ang pinakamaganda? I haven't showed these to my friends. Sasabihin lang din nilang maganda kahit 'di naman."

"Alam mo napaka-nega mo," aniya, as she tried to calm her heart.

Sanna, you're acting weird. Behave.

"Medyo lang pero 'di talaga ako confident sa mga drawings ko."

"Bakit?"

Lumagpas ang tingin nito at sandaling nag-isip. "Because my father said so..."

"Sinabi 'yon ng papa mo?" Bumalik ang tingin nito sa kanya. "Magaling siyang mag-drawing?"