နစ်မွန်းဋီကာ Asphyxia

Ep (24) Triple Devil Surprise

"Ting Tong! Ting Tong! "

အိမ်ရှေ့က တံခါးဘဲလ်မြည်သံကြောင့် Junmyeonအမေသည် ချက်လက်စ ဟင်းအိုးကို မီးပိတ်ပြီး တံခါးမကြီးထံသာ သွားခဲ့လိုက်သည်။

" ဪ... ဘယ်သူများလဲလို့
သားXinglayပါလား မတွေ့ရတာတောင်ကြာပေါ့ "

Junmyeonအမေက အမြဲလိုလို မပြောင်းလဲသော နွေးထွေးကြင်နာမှုအပြည့်နှင့်ပင်။

" ဟုတ်အန်တီ ကျွန်တော်လည်းအလုပ်တွေရှုပ်နေလို့ မလာဖြစ်တာကြာသွားတယ် "

"Aww အေးအေး Junmyeonလည်းပြောပါတယ် သားအရမ်းအလုပ်များနေတယ်တဲ့ "

"ဟုတ်"

အရင်ကဆို နေ့တိုင်းနီးပါး Junmyeonကိုရုံးပြန်ပို့ပေးနေကျသူက ရုတ်တရက်အလာကျဲသွားလေတော့ အန်တီလည်း မေးချင်စရာဖြစ်တော့မှာကို Xinglayနားလည်သည်။ Junmyeonကပဲ အဆင်ပြေအောင် ဖုံးဖိပေးထားလေသားပဲ။

"ဒါနဲ့ ဒီနေ့မင်းတို့အလုပ်က ခရီးသွားမဲ့နေ့‌ဆို သားရော မသွားသေးဘူးလား "

" ဟုတ်တယ်အန်တီ .. အဲ့ဒါကြောင့် ကျွန်တော် Junlay... အဲ... Junmyeonကို လာခေါ်တာပါ"

" Aww သားမသိဘူးကို ၊ Junmyeonက ထွက်သွားပြီသားရဲ့ companyကားနဲ့လိုက်ရမှာဆိုပြီး သူတို့ဆုံရမဲ့နေရာကိုသွားနှင့်လေရဲ့"

"ဗျာ... ဟုတ်လား"

Xinglayက အနည်းငယ်မျက်နှာပျက်ယွင်းသွားသည်။ Junmyeonက သူ့ကားနှင့်မလိုက်ချင်လို့ဆိုတာ သိသာလွန်းမနေဘူးလားကွာ။

" သားကအလုပ်များနေတော့ သူလည်းမပြောဖြစ်တာများလားပဲ၊ မင်းကိုအားနာလို့နေမယ် "

" ဟုတ်ကဲ့ ရပါတယ်အန်တီ၊ ဒါဆို ကျွန်တော်သွားလိုက်အုံးမယ်နော် ဝန်ထမ်းတွေစုံမဲ့နေရာကို မှီသေးမလားမသိလို့ လိုက်တော့လိုက်ကြည့်အုံးမယ်၊ မမှီရင် ဟိုရောက်ရင်တော့ဆုံမှာပါ ၊ ‌ဪ ဒါနဲ့လေ.. Junmyeonကိုလည်း စိတ်မပူပါနဲ့အန်တီ ၊ ကျွန်တော်လည်းအတူရှိနေပေးမှာပါ "

" အေးပါကွယ် Junmyeonကို စောင့်ရှောက်ပေးမဲ့သူတွေရှိတော့ စိတ်ချပါတယ်၊ ကားကိုဂရုစိုက်မောင်းနော်သား "

"ဟုတ်ကဲ့"

Company ကားထွက်မဲ့နေရာကို လိုက်သွားခဲ့ပေမဲ့ Xinglayဟာ နာရီဝက်လောက် နောက်ကျနှင့်ပြီးသားဖြစ်သောကြောင့် မမှီခဲ့ပေ။ ‌ကမ်းခြေက hotelရောက်မှပဲ တွေ့ရတော့မည်။ ဖုန်းဆက်တော့လည်း မကိုင်ပေ၊ တကယ့်ကလေးဆိုးလေး။ မင်းပြောတဲ့ ချစ်သူက ဘယ်သူများလဲ။ အခုဆို ကားပေါ်မှာ ဖက်ထားနေကြမလား၊ မုန့်ခွံ့ကျွေးနေကြမလား။ ဆိုင်၏ မဆိုင်၏ ဆိုတာ Xinglayသိပ်စိတ်မဝင်စား၊ ဒီကောင်လေး၏ အာရုံစိုက်မှုအလုံးစုံနှင့် သူနှင့်သာ အမြဲတွယ်ကပ်စေချင်ရုံသာ။