နေမကောင်းတဲ့သူကြောင့် အလုပ်မသွားဖြစ်ပဲ အိမ်မှာသာ နေဖြစ်သွားသည်။ အဖျားရှိန်ကြောင့် အိပ်ရာထဲလှဲနေသူက ကန့်လန့်လုပ်နေတာတွေတော့မပျောက်သွား။
" မသောက်ဘူးလို့ပြောနေတယ်နော် သီဟမင်းထင် "
" ခင်ဗျား ကလေးလည်းမဟုတ်ပဲ ဘယ်လိုဖြစ်နေတာလဲ ဆန်ပြုတ်မသောက်ရင် ဆေးဘယ်လိုသောက်မလဲ"
" ဆန်ပြုတ်လည်းမသောက်ဘူး ဆေးလည်းမသောက်ဘူး "
" ဘာလို့မသောက်ချင်တာလဲ "
" မင်းတိုက်တာမို့လို့မသောက်ချင်တာ! "
" ကျွန်တော်တိုက်တိုက်မတိုက်တိုက် ဒီဆေး ဒီဆန်ပြုတ်ပဲ ခင်ဗျားသောက်ရမှာ "
" .............. "
" ကျစ်! ခင်ဗျားသဘောပဲ ခင်ဗျားလုပ်ချင်ရာလုပ်တော့! "
သီဟ အခန်းထဲကနေ ထွက်လာခဲ့သည်။ မဟုတ်ပါက တစ်ပွဲတစ်လမ်းနွှဲရတော့မည်မဟုတ်လား။
" Boss အိမ်က ဖုန်းဆက်နေပါတယ် "
ရှိုင်းသန့်ကမ်းပေးလာတဲ့ဖုန်းကိုယူလိုက်သည်။
" သီဟ ခဏနေရင် ဒယ်ဒီ့ Company ကို လာခဲ့ပါဉီး "
" ကိစရှိလို့လား ဒယ်ဒီ "
" အေး ဒီဘက်က သားတို့နဲ့ ချိန်းပြီးလုပ်ချင်တာရှိတယ်ဆိုလို့ "
" ကျွန်တော် မလာလို့မရဘူးလား ဒယ်ဒီ "
" ခဏပါပဲကွာ "
" ကောင်းပြီလေ ကျွန်တော်ခဏနေရင်ထွက်လာခဲ့မယ် "
" Okay "
အိမ်မှာနေပြီးစိတ်ရှုပ်နေရမယ့်အတူတူ Company ခဏသွားဖို့သာ ဆုံးဖြတ်လိုက်သည်။ မျက်နှာမြင်နေရ၍ မစားချင်ဘူးဆိုတော့ စကားတွေက ပြောလာဉီးမည်ဆိုတာ သီဟ ခန့်မှန်းစရာပင်မလိုတော့။
..............
At ဉီးလင်းထင် Company,
အခန်းတွင်း သီဟရောက်လာတော့ သီဟရဲ့ဖခင်ဖြစ်သူ ဉီးလင်းထင်က အပြုံးနဲ့ကြိုသည်။ ဘေးကိုကြည့်တော့ ဧည့်သည်နှစ်ယောက်ရှိနေသည်။
" သား လာထိုင် "
ဖခင်ဖြစ်သူရဲ့စကားကို အသိအမှတ်ပြုသည့်အနေဖြင့် ခေါင်းကိုညိတ်ပြလိုက်ကာ ဝင်ထိုင်လိုက်သည်။
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။