" မင်းကို ချစ်တယ် "
ထွဋ်ခေါင်ကိုယ်တိုင် နမ်းလာတဲ့အနမ်းလေးကြောင့် သီဟ ကြောင်အကာ ငြိမ်နေ၏။ ဒါ့အပြင် နောက်ဆုံးစကားကြောင့် သွေးများပြောင်းပြန်စီးသွားသလားဟုပင်ထင်ရသည်။
နှိပ်နယ်ပေးနေသော လက်များက ငြိမ်သက်သွား၏။ တခုခုကိုစဉ်းစားနေသလိုဖြင့် ထွဋ်ခေါင်အားကြည့်လာသည်။ပြီးနောက် ထိုင်နေရာမှ ထရပ်ပြန်သည်။
ထွဋ်ခေါင်ရဲ့ရှေ့ လမ်းကိုခေါက်တုံ့ခေါက်ပြန်လျှောက်နေကာ လက်ကလည်းဆံပင်ကိုထိုးဖွနေသည်။
ထွဋ်ခေါင် သီဟလုပ်နေတဲ့လုပ်ရပ်တွေကိုနားမလည်နိုင်စွာ လိုက်ကြည့်နေမိသည်။
" ခုဏက ခင်ဗျား ဘာပြောလိုက်တာလဲ "
" မင်းကို ချစ်တယ် "
အပြုံးကြီးပြုံးသွားပြီး ဂဏာမငြိမ်ဖြစ်နေပြန်၏။
" ကျုပ် နားကြားမှားတာမဟုတ်ဘူးမလား "
" မှားတယ်ဆိုလည်း မှားလိုက် "
" မဟုတ်ဘူး ကျုပ်မယုံနိုင်သေးလို့ "
လမ်းကိုလျှောက်နေရင်း စကားပြောလာ၏။
" ခင်ဗျားက ကျုပ်ကို ချစ်တယ်ပေါ့ "
" ............... "
" အားးးးးးးး "
အော်သံနဲ့အတူ သီဟရဲ့ တင်းကြပ်စွာ ပွေ့ဖက်ခြင်းကြောင့် ထွဋ်ခေါင် တောင့်တောင့်ကြီးဖြစ်သွားသည်။
" ခင်ဗျားကြောင့် ကျုပ်ရူးတော့မယ်ဗျာ "
အသံက တုန်ရီနေ၏။ တင်းကြပ်စွာ ပွေ့ဖက်ထားမှုကြောင့် အသက်ရှူပင်ကြပ်လာသလိုခံစားရ၏။ ချစ်တယ်ဆိုတဲ့စကားတစ်ခွန်းကြောင့်အခုလိုထိဖြစ်နေသည်လား။
" ကျုပ်...ကျုပ် မယုံနိုင်သေးဘူး "
အသံက ငိုသံလိုဖြစ်နေ၏။ တကယ်ငိုနေတာလား။ အကျီပေါ် ကျရောက်လာတဲ့စိုစွတ်စွတ်အနေအထားကြောင့် ငိုနေသည်ကိုသက်သေပြနေသည်။
" ဖယ်စမ်း နေရခက်တယ်! "
" ဟင့်အင်း ကျုပ် ဖက်ထားပါရစေဉီး "
အတန်ကြာဖက်ထားပြီးမှ ဖယ်ခွာသွားပြီး လက်နှစ်ဖက်ကို ဆုပ်ကိုင်ကာ ကြည့်နေပြန်၏။ ပြီးနောက်ပြုံးသည်။
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
