ထွဋ်ခေါင် တစ်နေရာရာကိုသွားဖို့ပြင်ဆင်နေ၏။ ပြင်ဆင်နေစဉ်အတွင်း ကုတင်ပေါ်မှာဆူပုတ်ပုတ်ထိုင်သောသီဟအားလှည့်ကြည့်ကာပြုံးမိ၏။
အပြင်သွားမည်ဟုပြောပေးမယ့် ခွင့်မပြုတဲ့သူကြောင့် တစ်ပွဲတစ်လမ်းနွှဲထားခြင်းသာဖြစ်သည်။
" မသွားပါနဲ့လားကွာ မောင် နောက်မှအေးဆေးလိုက်ပို့မယ်လေ "
" ငါက ဘယ်သွားမှာမို့လို့လဲ၊ ငါ့မိဘအိမ်ကို ငါခဏလေးသွားမလို့လေကွာ ဘာဖြစ်မှာမို့လို့လဲ အရင်ကလည်းငါသွားနေကျပဲလေ "
" မောင် စိတ်မချလို့ပေါ့ကွာ၊ မောင့်စကားနားထောင်လေနော် သဲငယ် "
" မောင်! "
လေသံအနည်းငယ်မာလိုက်တော့ မျက်နှာလေးငယ်သွားပြန်သည်။ မောင်က အခုမှသူမဟုတ်တဲ့အတိုင်း ပြောင်းလဲနေတာကြီးကသိသားလွန်းသည်။
" မင်းဝေကို ထည့်ပေးလိုက်မယ် "
" မလိုဘူး တစ်ယောက်တည်းသွားမှာ "
" အချစ်... "
" မောင်! "
" ဟုတ်ပြီ ဟုတ်ပြီ၊ အချစ် စိတ်ချမ်းသာရင်ပြီးရော "
အလျှော့ပေးခြင်းတစ်မျိုးပေလား။ အလိုလိုက်ခြင်းမမည်သော အလျှော့ပေးမှုတွေကြား နစ်မြောသွားမှာပင် စိုးရိမ်ရသည်။
" ကိုယ့်ကိုကိုယ်ဂရုစိုက် မောင် "
" မောင့်အတွက် စိတ်မပူနဲ့၊ အချစ်ကိုသာ စိတ်မချတာ"
" ငါ မင်းထက်ထမင်းအရင်စားခဲ့တဲ့သူနော် "
" မဆိုင်ပါဘူးအချစ်ရာ၊ မောင့်အချစ်ကို မောင့်အသက်ထက်ပိုချစ်တာ "
" အိမ်ပြန်ရောက်ရင်ရပြီမလား "
" ဟိုရောက်ရင်ဖုန်းဆက် "
" အင်း "
" လမ်းမှာ ကားရပ်ရင်လည်းဖုန်းဆက် "
" အင်း "
" ဗိုက်လေးအောင့်တာနဲ့ ဖုန်းဆက် "
" တစ်ခုခုဖြစ်တာနဲ့ဖုန်းဆက်မယ်ကွာ ရပြီလား "
" မောင် စောင့်နေမှာနော် "
" မောင်ကွာ~ "
မောင့်ရဲ့စိတ်မချမှုကို အတိုင်းသားမြင်ရသည်မို့ စိတ်ချမ်းသာအောင်သာပြောထားရသည်။
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
