မင်းဝေရဲ့ပြောပုံအရ Hotel ထဲဝင်သွားသည်ပြောတာကြောင့် သေချာသလောက်ကတော့ အိမ်ကိုပြန်လာတော့မည်မဟုတ်။ ဒါကြောင့် သီဟမင်းထင်ကိုယ်တိုင် Hotel သို့ရောက်လာသည်။
ဘယ်အခန်းမှာလဲလို့မေးစရာပင်မလို။ ထွဋ်ခေါင် ဒီ Hotel ရောက်တိုင်း နေတတ်တဲ့ အခန်းကတစ်ခုတည်းသာရှိသည်မို့ သော့ကဒ်တောင်းကာ အပေါ်ဆုံးထပ်ကအခန်းစီသို့ရောက်လာသည်။
ဒီအတိုင်းလွတ်ထား၍တော့မဖြစ်။ ပြသနာကပို၍ကြီးလာနိုင်သည်ကြောင့် ရှင်းပြဖို့ရာလိုနေသည်။
သော့ကဒ်ကိုဖွင့်ကာ ဝင်လိုက်တော့ ဝိုင်ခွက်ကိုကိုင်ကာ ရပ်နေသော မြတ်ထွဋ်ခေါင်။ အနားကိုတဖြည်းဖြည်းရောက်လာကာ ဖန်ခွက်ကိုအရင်ပစ်ခွဲလိုက်တာကြောင့် ကြမ်းပြင်ထက် အနီရောင်များဖုံးလွှမ်းသွားသည်။
" ကျုပ်..... "
စကားမဟခင်မှာ ရောက်ရှိလာတဲ့ ထိုးနှက်ချက်နှစ်ချက်။ ရှောင်လည်းမရှောင်မိပဲ တောင့်ကာ ရပ်နေမိသည်။
" မင်းက မင်းရဲ့မာနတွေကိုထည့်တွက်မတွက်ငါမသိဘူး၊ မင်းသိထားရမှာက ငါ့မှာမာနရှိတယ်၊ ငါမိန်းကလေးတစ်ယောက်နဲ့ မင်းကြောင့်စကားရည်လုရတာမကြိုက်ဘူး၊ မဟုတ်ဘူး ဘယ်သူနဲ့မှကိုစကားလုရတာမကြိုက်ဘူး! "
" ............... "
" မင်းက အပြင်မှာ ဖြစ်ချင်တိုင်းဖြစ်လာပြီး ငါ့စီကို အမိန့်တွေအာဏာတွေလာမသုံးနဲ့! "
" .............. "
" မင်းက ဒါတွေနားမလည်တာလား။ မင်း အရှက်မရှိဘူးလား သီဟမင်းထင်! "
" မြတ်ထွဋ်ခေါင်! "
" ဘာလဲ မာနထိခိုက်သွားလို့လား။ ငါက ပိုထိခိုက်တယ်။ ငါက မိန်းကလေးတစ်ယောက်နဲ့ မင်းကိုလုရတယ်တဲ့လေ ကြားလို့ကောင်းရဲ့လား ဟားးးးဟားးးး "
" .............. "
" ကွာရှင်းကြရအောင် သီဟမင်းထင်! "
" မြတ်ထွဋ်ခေါင်! "
" ငါ စကားကိုနှစ်ခွန်းမပြောချင်ဘူး "
" ခင်ဗျားရဲ့ တစ်ဖက်သက်အတွေးတွေနဲ့ ဆုံးဖြတ်မနေနဲ့!! ကျုပ် အမှားလုပ်ထားတာမရှိဘူး၊ ဒါကို ကျုပ်အသက်နဲ့ကျုပ်အာမခံရဲတယ် "
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
