" ယောက်ျား~ "
ထိုအသံကြောင့် ကြက်သီးထသွားရသူက သီဟမင်းထင်ဖြစ်သည်။ ထိုင်နေရာမှ ခေါင်းကိုမော့ကာကြည့်မိတော့ တစ်ဉီးတည်းသော ချစ်ရသူခင်ပွန်းဖြစ်နေ၏။
" ငါလာတာတောင် ငါ့ကိုမကြိုဆိုဘူးလား ယောက်ျား "
လာပြန်ပြီ ထိုအသုံးအနှုန်း။ ဒီလူကို ရူးခါသွားစေချင်နေသည်လားတော့မသိ။ ကိုယ်ထဲက သွေးများပင် ပြောင်းပြန်စီးနေသလိုခံစားရ၏။
တဖြည်းဖြည်းယိုယွင်းလာသောမျက်နှာထားကြောင့် သီဟ ထိုင်ရာကထကာ ထွဋ်ခေါင်နားသွားပြီး
" ဘယ်လိုရောက်လာတာလဲ အချစ် "
" ငါ လာတာမပျော်ဘူးလား "
" မပျော်စရာလားကွာ၊ အချစ်ပင်ပန်းမှာစိုးလို့ပါ "
" ဟွန့် မဖြစ်နိုင်တာတွေ "
သီဟ ထွဋ်ခေါင်ရဲ့အပြုအမူတွေကြောင့် ဖျစ်ညှစ်ချင်စိတ်တွေပေါက်လာနေသည်။ အသုံးအနှုန်းတွေ အပြုအမူတွေပြောင်းလဲနေခြင်းရဲ့အကြောင်းအရင်းက တစ်ခုတော့ရှိရမည်။
" အော် ဧည့်သည်ရှိနေတာပဲ "
သီဟ သဘောပေါက်သွားသည်။ မနက်က အိမ်ကမထွက်လာခင် လုပ်ငန်းရှင်သုံးဉီးနဲ့တွေ့စရာရှိကြောင်း ပြောခဲ့သည်။ ထိုစဉ်ကလည်း ယောက်ျားလေးလား မိန်းကလေးလားဟု အတင်းမေးနေခြင်းအား နားလည်သွားပြီဖြစ်သည်။
အခေါ်အဝေါ်တွေရဲ့ ပြောင်းလဲခြင်းကလည်း ထိုကိစကြောင့် ဖြစ်ပေလိမ့်မည်။
" သဲငယ်ကတော့ကွာ! "
အသည်းယားစွာ စကားဆိုမိပြန်၏။ အခုနောက်ပိုင်း အိမ်မှာ အနေများတဲ့ ချစ်ရသူကအရင်ကထက်ပင် ကြည့်ကောင်းလာသည်ဟုထင်မိသည်။ ဆံပင်ကို နောက်လှန်ဖြီးထားခြင်းက လူကြီးဆန်စေပေမယ့် ရုပ်ကလေးကြောင့် အသက်ကြီးသည်ဟု မထင်ရပဲ သီဟထက်ပင်ငယ်သည်ဟုထင်ရသည်။
ဝတ်ထားသောအဝတ်အစားမှာလည်း ရှပ်လက်တိုနှင့် ဘောင်းဘီဒူးအထက်ကို လိုက်ဖက်စွာ ဝတ်ဆင်ထား၏။ သို့သော်လည်း ခြေသလုံးတွေဖော်ထားတဲ့သူကြောင့် မျက်မှောင်ကျုံ့ထားမိ၏။
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
