ဆေးထည့်ဖို့ လုပ်တော့လည်း အနောက်ကနေ တကောက်ကောက်လိုက်လာတဲ့ မြတ်ထွဋ်ခေါင်။
" ခင်ဗျား ဘာလိုက်လုပ်တာလဲ "
" ငါ ဘာလုပ်လုပ်ပေါ့ မင်းအပူမှမဟုတ်တာ "
စာကြည့်ခန်းရဲ့တစ်နေရာမှာထားထားတဲ့ဆေးပုလင်းနဲ့ဂွမ်းကိုယူကာ Sofa ပေါ်ထိုင်လိုက်သည်။ သီဟ ဆေးထည့်ဖို့လုပ်တုန်း အနားကိုဝေ့ကာကြည့်တော့ စာအုပ်ရွေးချင်ယောင်ဆောင်နေသောမြတ်ထွဋ်ခေါင်ကြောင့် မပြုံးချင်ပဲ ပြုံးမိပါ၏။
နှဖူးက ကွဲသွားသော နေရာအား ဆေးသေချာထည့်လိုက်သည်။ အစ်ကို့ရဲ့ တချက်တချက် လှည့်ကြည့်နေသည်ကိုလည်း သူခံစားမိနေသည်။ လုပ်ချင်ရာလုပ်ပြီးမှ စိတ်မကောင်းဖြစ်နေတာမျိုးလားဆိုတာတော့ သီဟမပြောတတ်ပါ။
မြတ်ထွဋ်ခေါင် ဒေါသကြောင့်ဖြစ်သွားတဲ့ဒဏ်ရာအားကြည့်ကာ စိတ်ထဲတမျိုးတမည်ခံစားနေရသည်။ သို့သော် ဒါက သူအနေအထိုင်မဆင်ခြင်လို့ ဖြစ်ရတဲ့ကိစမဟုတ်လား။ ဒါကိုဘာတွေများတွေးပူပြီးအခုလိုလုပ်နေတာလဲ မြတ်ထွဋ်ခေါင်။
တစ်ယောက်တည်းတွေးနေပြီး မကျေမနပ်ရေရွတ်နေမိသည်။ ဆေးထည့်ပြီးသွားပြီကိုတွေ့လိုက်တော့ ထိုနေရာမှထွက်လာခဲ့သည်။
" သခင်လေး "
" ကိစရှိလို့လား "
" စာတိုက်က စာပို့ထားတာ သခင်လေးနာမည်နဲ့ဖြစ်နေလို့ "
" ကျွန်တော်နဲ့ချိန်းထားတာမရှိပဲနဲ့ ၊ ပေး ပေး ကျွန်တော့်ကို "
အိမ်တော်ထိန်း လှမ်းပေးလာတဲ့ စာအိတ်ငယ်လေးကိုယူကာ အပေါ်မှဖတ်ကြည့်လိုက်တော့ ပို့သူနာမည်မပါပေ။
စာအိတ်ကို ဖွင့်ကာကြည့်မိတော့ ခေါက်ထားသော စာရွက်ဖြူလေးတစ်ရွက်ထွက်လာသည်။ ခေါက်ရာကိုပြေအောင်ဖြည်လိုက်တော့ မြင်လိုက်ရတဲ့အရာကြောင့် မြတ်ထွဋ်ခေါင် ဒေါသထွက်ကာ တောက်ခေါက်မိလိုက်သည်။
အဖြူရောင်စာရွက်ပေါ်က ထင်ရှားစွာပေါ်နေသော အနီရောင် " မြတ် " ဆိုတဲ့စကားလုံး။ မှင်ဖြင့်ရေးထားသည့်စာလုံးမျိုးမဟုတ်ပဲ လက်ဖြင့်ဆွဲထားသော စာလုံးမျိုးဖြစ်သည်။
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
