ထမင်းစားနေတုန်း ထွဋ်ခေါင်စီမှ ဖုန်းသံကိုကြားလိုက်တာကြောင့် ထမင်းစားနေရာမှ သီဟမော့ကြည့်လာသည်။
" အေး ပြော "
" ............... "
" ဒီညလား "
" ............. "
" ကောင်းပြီ "
ဖုန်းပြောနေစဉ်အတွင်း မျက်တောင်မခတ် စိုက်ကာကြည့်နေသူကြောင့် လန့်ပင်လန့်သွားရသည်။
" ဘယ်သူလဲ "
" မင်းကိစလား "
" အချစ်ကကွာ! "
" သီဟမင်းထင် မင်းမရှက်ဘူးလား! "
ထမင်းစားတဲ့နေရာဟာ လူများနေတာကြောင့် ထွဋ်ခေါင် အံကြိတ်ကာ ပြောလိုက်ခြင်းဖြစ်သည်။
" ကိုယ့်ယောက်ျားကို အချစ်လို့ခေါ်တာ ဘာမှားလဲ "
" တော်ပြီ မင်းဆက်မပြောနဲ့တော့ "
" မရဘူး ခုဏက မောင်မေးတာကိုဖြေ ဘယ်သူနဲ့ပြောနေတာလဲ "
" ငါ့သူငယ်ချင်းနဲ့ "
" ဘာလုပ်မလို့လဲ "
" ကျစ်! "
" မပြောရင် သဲငယ်ဆိုပြီး အကျယ်ကြီးခေါ်မှာနော် "
" မင်း သတိထားနေစမ်း! "
" မောင်မေးတာကို ဖြေကွာ "
" ညကျရင် မွေးနေ့လာဖို့ဖိတ်တာ "
" ဘယ်မှာလဲ "
" SK Bar မှာ... နေဉီး ငါ့ကို တားဖို့မကြံနဲ့နော် ငါက မင်းတားလည်းသွားမှာပဲ"
" မောင်မတားပါဘူး၊ မောင်လည်းလိုက်မယ် "
" မင်းက ဘာကိစလိုက်မှာလဲ ရှုပ်တယ် "
" သဲငယ် မောင်က အရှုပ်အထုပ်လား၊ မောင်က အချစ်ရဲ့ယောက်ျားလေကွာ၊ ပြီးတော့ အချစ်ကလူပျိုမှမဟုတ်တာ ဒီမှာယောက်ျားတစ်ယောက်လုံးရှိနေတာကို "
မကျေမနပ်ပြောနေပုံက အရင်က သီဟမင်းထင်ဆိုတဲ့ပုံစံနဲ့မတူ။ သူအလိုမကျရင် မျက်နှာကိုသနားစရာအကောင်းဆုံးဖြစ်အောင် လုပ်တတ်တာကို ထွဋ်ခေါင်သတိထားမိသည်။ မျက်နှာကြောတင်းနေပေမယ့် ထိုမျက်နှာကိုမြင်တိုင်းထွဋ်ခေါင်ရီမိသည်။ သူ့ထက်သုံးနှစ်ငယ်တဲ့ကောင်လေးမို့ သူ့အပေါ် အခုလိုလုပ်နေတာဖြစ်နိုင်သည်။
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
