အလုပ်တွေလက်စသတ်ကာ New York ကပြန်ရောက်ကတည်းက နှစ်ယောက်သား အလုပ်တွေမသွားဖြစ်ပဲ အနားယူနေကြ၏။ အဆိုးဆုံးကတော့ သီဟမင်းထင်ဖြစ်သည်။
" အလုပ်က ဒီတိုင်းပစ်ထားလို့ မရဘူးလေ မောင် "
" တခါတလေပဲလေ သဲငယ်ရာ၊ မောင်လည်း ပင်ပန်းနေပြီလေ"
" အခုတော့ မင်းက ပင်ပန်းတယ်ဆိုပြီးပြောပြီပေါ့၊ ရတယ် မင်းမသွားရင် ငါသွားမယ်"
" ဘာလို့အလုပ်တွေအဲ့လောက်သွားချင်နေတာလဲကွာ၊ မောင့်ဘေးမှာလည်း နည်းနည်းပါးပါးနေပါဉီးလား "
စကားပြန်မပြောလာတဲ့သူကြောင့် စိတ်ဆိုးသွားပြီဆိုတာသိလိုက်တာမို့ သီဟလည်းဘာမှမပြောနိုင်တော့။ အလျှော့ပေးရတော့သည်။
" အချစ်က သွားစေချင်တယ်ဆိုလည်း သွားမယ်၊ စိတ်အပင်ပန်းမခံနဲ့ ဟုတ်ပြီလား "
ဘာမှတော့မပြောပေမယ့် အလုပ်သွားဖို့ပြင်ဆင်ရတော့သည်။ မင်းဝေနဲ့ရှိုင်းသန့်ကလည်း အလုပ်ကိစခိုင်းထားသည်မို့ အိမ်မှာရှိမနေ။ ဒါကြောင့်အလုပ်ကို ကိုယ်တိုင် ကားမောင်းပြီးသွားဖို့သာလုပ်ရတော့သည်။
မသွားခင် ချစ်ရသူရဲ့နှုတ်ခမ်းထက် အနမ်းလေးခြွေကာ ဆူပုတ်နေသောမျက်နှာထားအား ပြေပျောက်စေဖို့ချော့မိသည်။ မဟုတ်ပါက အလုပ်သွားဖို့ရာဖြောင့်မည်မဟုတ်။
" မောင် သွားပြီနော်၊ စိတ်မဆိုးနဲ့တော့ "
သေချာနှုတ်ဆတ်ပြီးအိမ်ကနေထွက်ခဲ့၏။
မြတ်ထွဋ်ခေါင်သည် သီဟထွက်သွားတာသေချာလားဆိုတာကိုသေချာစစ်ဆေးပြီးသည်နှင့် အိမ်ထဲပြန်ဝင်လာ၏။ အလုပ်ကိုအတင်းလွှတ်နေခြင်းက တခြားကြောင့်တော့မဟုတ်။ ဒီနေ့ဟာ သီဟရဲ့မွေးနေ့ဖြစ်နေ၍သာ။
" အိမ်တော်ထိန်း "
" ဟုတ်ကဲ့ သခင်လေး "
" ကျွန်တော်တို့ စကြတော့မလား "
" အဆင်သင့်ပါပဲ သခင်လေး "
တစ်ခါမှ မီးဖိုချောင်မဝင်တဲ့သူက မီးဖိုချောင်မှာ ဟင်းချက်ဖို့ပြောခဲ့စဉ်က အိမ်တော်ထိန်းလည်း အံ့သြခဲ့ရသည်။ မင်းဝေနဲ့ရှိုင်းသန့်ကိုလည်း တမင်သပ်သပ်တခြားတစ်နေရာကိုလွှတ်လိုက်၏။
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။