العنيد والمتمرده

البارت الحادي عشر من روايه العنيد والمتمرده الجزء الاول

ندي:كلميني عن نفسياتك بقي يا ست ديما.
ديما:عايزه تعرفي اي يا ندوش.
ندي:اللي انتي عايزه تقوليه براحتك انا مش هسألك اتكلمي انتي ولو مش عايزه تتكلمي عادي ولو كمان مش مدياني الثقه خلاص بلاش.

ديما:مش كده انا مشكلتي اني بثق في الناس بسرعه كبيره اوي بس مش بعرف ادي سري لاي حد عشان مبقاش كدابه بس انا ارتحتلك وحسه انه انتي مش هتخونيني زي اقرب الناس ليا مش كده.

ندي: انا بحيكي علي صراحتك ومن حققك انك ماتأمنيش لحد بسرعه وفي زمانه ده بذات واكيد انا مش هخذلك انتي عنيكي فيها كلام كتير اتكلمي وخليكي واثقه انه اللي هتقولي مافيش مخلوق هيعرف بيه خالص فضفضي يا حببتي عشان انا كمان اكلمك عن نفسياتي احكيي يا اخوتشي احكي.

ديما: بصي يا ستي انا اساسي من الشرقيه وبدئت ديما تتكلم مع ندي الاول كانت مش عارفه تتكلم لاكن بعد كده اتكلمت وطلعت كل اللي في قلبها وحكتلها كل اللي مدايقها واللي هنعرفه بعدين وبدئت تتكلم وهي بتتكلم عيطت كتير(البعض يقول ان البكاء يريح قلبك والبعض يقول ان البكاء يزيد الالم والبعض يرتاح عند البكاء والكلام مع اقرب الناس والبعض يتعب كثيراً من البكاء والكلام حته مع نفسه واهي كلها هموم)

ندي: اتكلمي طلعي كل اللي جواكي عيطي عشان ترتاحي.
ديما: انا بجد بشكرك جداً انك حسستيني بأحساس ماحستهوش بقالي كتير اوي وهو الاهتمام.

ندي:متشكرنيش لانك بجد اطيب شخصيه انا قبلتها في حياتي كلها وبجد بتمني انك تعملي كل اللي انتي عايزاه وتحققي كل احلامك.

ديما: انتي اللي شخصيه طيبه واللهي وانشاء الله انتي كمان تحققي اللي بتتمني لانك تستاهلي كل خير بجد انا بكلمك اكني اعرفك من سنين مش من ساعتين والوقت خادنا انا بقي مضطره امشي عشان اعمل اللي قولتلك عليه.

ندي: تمام يا صحبي انتي خدتي رقمي ابقي طمنيني بقي عملتي اي مع بعض احنا ها.
ديما: اوكي ماشي باي باي.
ندي: باي.

انت ازاي تخبي عني حاجه زي دي يا فندي ها وانت يا سي محمود اي كنت خايف تكلف نفسك وتكلمني ها ده انتوا يومكم مش معدي معايا.

اكيد انتوا عرفتوا مين هو اللي بيتكلم وهو جد سامر ومحمود في نفس الوقت اكيد مستغرابين دي اصابه في دراعه يعني مش مستاهله كل ده بس هو من ساعه ما ابنه توفه وهو بيخاف علي سامر من الهوا وبنسبالنا اصابه خفيفه لاكن بنسباله لا.

محمود: بس يا جدو.
مهران: مافيش بس انت اتصابت ومفكرتش فيا لو عرفت كان ممكن يجرالي اي.
محمود: انا عايز اعرف بس هو حضرتك عرفت ازاي ده حته الخبر متنشرش.

الجد: انت ناسي انه انا صاحب اللواء فارس وكلمته زي كل مره عشان اطمن عليكوا وهو قالي الخبر يا بهوات🤨.

سامر: انا مكنتش عايز اقلق حضرتك يا جدو واللهي مش حكايه اخبي او اقول او لا حته.
محمود: سامر عنده حق يا جدو خلاص بقي حضرتك جيت اهو يبقي اكيد هتقعد معانا شويه صح.

الجد: ايوه هقعد معاكم شويه لحد بس ما اطمن علي سامر وانت لسه معقلتش يا محمود يا بني مجنون زي ما انت.
محمود: عيب عليك يا جدو ده انا حوده بردوه.

الجد: كنت حاسس واللهي يله عامل معاك اي الواد ده يا سامر.
سامر: ده سؤال بردوه يا جدو اكيد مجنني ومطلع عيني زي العاده يعني.

الجد:الله يكون في عونك يا حبيبي.
سامر:يارب يا جدو ادعيلي.
محمود:اده انتوا هتحفلوا عليا ولا اي.
سامر:وفيها اي يعني لما نحفل عليك هتعترض ولا اي😂.

محمود:لا مافيهاش حاجه خالص هو انا قولت حاجه مش كده ولا اي.
سامر: كده طبعاً.

ديما: الحمد لله كده كل حاجه خلصت يارب سامحني بس انت عارف انه نيتي خير وحياتك استغغر الله العظيم يارب.

منال: هي دي العماره يله لو سمحت هي شقه ديما فين.
عم محمد: الانسه ديما ساكنه في الدور السابع ش.
منال: شكراً شكراً.
مشيت منال ركبت الاسانسير وهي بتدعي ربنا انه تكون بنتها كويسه.

عم محمد: لوسمحت يا حضرت طب رقم الشقه يله الله اعلم هي ماستنتش تسمع شقه رقم كام ليه ربنا يطمنها.

منال: يله بقي خلص كل ده لسه في الخامس بسرعه بقي ايوه أخيراً.
خرجت منال من الاسانسير وخبطت علي الشقه.
محمود:مين اللي بيخبط كده انا هروح اشوف مين.

فتح محمود الباب لاقي منال دخلت علطول الشقه.
محمود:مين حضرتك طب ردي اي الناس دي.
منال:فين بنتي انتوا مين وبنتي فين.
سامر:حضرتك اللي مين وبنتك مين دي شقتي.

منال:يعني دي مش شقه ديما بنتي.
محمود:هو حضرتك والده ديما يوسف صح ولا انا غلطان.

منال:ايوه ايوه انا انت تعرفها.
محمود:اه بس هي مش ساكنه هنا زي ما قالك سامر دي شقته بنتك ساكنه في الشقه اللي قدامه دي.

سامر:ديما مين ها اوعي تكون هي.
منال:شكراً يا بني.
محمود:هو في حاجه حضرتك هي ديما كويسه.
منال:معرافش واللهي هي كلمتني وكانت منهاره من العياط وفضلت تقول كلام كده مفهمتوش روحت ركبت وجيت.

محمود:لا ربنا يطمن حضرتك عليها طب تحبي اجي مع حضرتك نشوف مالها.
منال:لا مش عايزه اتعبك معايا يا بني.
محمود:لا ولا تعب ولا حاجه يا طنط ديما زي اختي بظبط اتفضلي.

سامر بغيظ:زي اختي بظبط مسهوك اوي انت.
محمود:سمعتك بس كلامنا بعدين.
منال فضلت تخبط علي الباب كتير.
منال:ديما انا جيت يا حببتي افتحي ابوس ايدك طمنيني عليكي افتحي يا حبيبه ماما.

فتحت ديما الباب وكانت الصدمه😯.