العنيد والمتمرده

البارت الثامن من روايه العنيد والمتمرده الجزء الثاني

لا احد يحصل علي شيء يتمناه بسهوله فالحياه ستري ان هذا كثير عليه فلا تبالي وتقدم في خطواتك

مني: جبتوا الحاجه يا حببتي.
مريم: اه يا ماما خلصنا انا هدخل انام عشان تعبت اووي واه مش جعانه يا حببتي.
مني: طب يا حبيبه ماما تصبحي علي خير.
مريم: وانتي من اهله يا روح قلبي وباستها من دماغها ودخلت اوضتها.

مني: ربنا يريحك يا بنتي يارب ويبعد عنك اي شر ويرزقك بابن الحلال اللي يقدر يسعدك يابنتي يارب.

ندي: ها قوليلي بقي ايه اللي حصل قلقتيني عليكي اوي الصبح بس ماردتش اكلمك عشان مابقاش سبب في اي مشكله.
ديما: لا ياحببتي ولا مشكله ولا حاجه هو اللي انسان مغرور وقليل الادب كمان.

ندي بأستغراب: ليه يا بنتي في ايه اللي حصل لكل ده.
ديما حكتلها كل اللي حصل وهي بتحكيلها دمعت غصب عنها.

أنا دائما بخير  أعرف كيف أتجاوز كل شيء وحدي وأعرف كيف أنام وفي قلبي مايكفي من الألم

ندي بشهقه: يا ابن ال***كل ده واللهي مايستهلكيش ولا يستاهل دموعك دي يا بنتي واللهي اسألي مجرب.
ديما مسحت دموعها: هو انتي كنتي بتحبي قبل كده.

ندي: ايوه وماكنش يستاهل انا كنت بعيط وتعبت وروحت المستشفي وهو كان بيتجوز واحده غنيه😂غبي ماشفش النعمه اللي كانت في ايده بس الحمد لله ربنا جابلي حقي الست طلعت ذكيه وعرفت انه بياخد بنات الناس يتسلي بيهم وياخد فلوسهم راحت فضحته في شغله وفي كل حته واترفد من الشغل وطلقته ما اصل العصمه كانت في ايديها وحاول كتير يرجعلي وانا رفضت.

ديما: احسن الحمدلله انه ربنا كشفهولك علي حقيقته قبل ما يحصل حاجه وتتعلقي اكتر وكويس انك مارجعتلوش ده ربنا لسه هيوريه بس اصبري.

ندي: انا بنسبالي كده حقي رجعلي اي حاجه تانيه تحصله يبقي ذنب حد تاني.

ديما: كنتي بتحبي.
ندي: مش هقولك حب بس كان اصعب كان تعلق وجوده في حياتي بقي شئ اساسي ماينفعش يجي يومي وهو مايكونش في بس يله الحمد لله ربنا اكيد شايلي الأحسن واللي يستحق قلبي فعلاً.

ديما: ربنا يريحك ويريحني بس واللهي للوريه مين هي بقي ديما يوسف انا اعجبت بي واكيد كنت هحبه اقولك علي حاجه اول مره هقولها انا بصراحه مش مصدقه كلامه ده حسه انه قاله للي سبب تاني بس حتي لو انا مستحيل اغفرله غلطته وايهانته لياا بسهوله دي لو كلمني تاني يعني لو.

ندي: لو عايزك فعلاً هيكلمك ولو فعلاً في سبب هتعزوري.
ديما:لا ولو اي السبب بس مايهنيش كده.

ندي: عنيده اوي انتي ومتمرده جداً كمان.
ديما: اومال اسيب راجل يتحكم فيا ويهني ويكسرني واسكوت لا ده انت احط قلبي تحت رجلي ولا انه يكسر كبريائي.

ندي: ربنا يهديكي بس هقولك علي حاجه لو انشاء الله يعني كملته تمردك وعنده هيخليكوا تتخنقوا كتير وكتير اوي كمان وكمان هتتعبوا عشان لو اتخانقتوا مش هتبقوا عايزين تتنازلوا عشان تكملوا.

ديما: لا انا متنازلش هو يتنازل.
ندي: لا انتوا التنين يعني مش هو علطول او انتي علطول ومش شرط لو هو غلطان  يصالحك ممكن تصالحي انتي.
ديما: لا ده جو روايات ده انه هو يغلط وانا اصلحه والكلام ده هو طلما غلطان يعتزر كل واحد يستحمل نتيجه غلطه.

ندي: بصي انتي عايزه قاعده.
ديما: تمام بكرا بقي في الجامعه.
ندي: تمام عشان هعرفك علي واحده صحبتي هتحبيها اووي.
ديما:بجد طب كويس اووي كده يله بقي باي.

ندي: باي.