العنيد والمتمرده

البارت الثاني عشر من روايه العنيد والمتمرده الجزء الاول

منال: اي ده مين اللي عمل فيكي كده انطقي.
ديما في بالها: يا نهار اسود العنيد ده ومحمود شافوني كده منك لله يا مراد قولتلك بلاش وانت مسمعتش الكلام روح يا شيخ ربنا ياخدك.

flash back.
ديما:اي يا فالح هعمل اي.
فضل مراد يفكر بعض الوقت.
ديما:اي يا عم ما ترد.
مراد:اي مش بفكر.
ديما:فكرت.

مراد:بصي هي فكره مجنونه بس هتنقذنا من اللي احنا في ده.
ديما:يا خوفي من افكارك دي.

مراد:اسمعي يا ستي انتي هتدي نفسك بوكسين او تخليه حد يضربك وتبهدلي شعرك قبل كل ده طبعاً هتكلمي طنط منال وتعيطي اوي وتقولي اي كلام كده وانتي بتعيطي بس هي ماتفهمهوش وتتأكدي انها جايه ولما تيجي تعملي االلي قولتلك عليه ده بوكسين علي شعرك وهي طبعاً لما تيجي هتتصدم من منظرك

وهتسألك في اي مين اللي عمل فيكي كده والكلام ده انتي هتردي وتقولي اي بقي انه وانتي نايمه دخل حرامي وكان عايز يسرق وانتي شوفتي وحاولتي تقاومي فا ضربك كده وقبل ما تصوتي رشلك مخدر

اغمي عليكي وطبعاً هتبهدلي الشقه عشان محدش يشك هتقلق عليك وهتخاف اوي وهتقولك اكيد اعمامك هما اللي جايبينه انتي هتقوليلها ازاي طب مكنش ضربني كان خدني علطول هتقتنع انه حرامي

هتقولك انك لازم ترجعي معاها الشرقيه ترفضي هي هترفض انك تقعدي لوحدك طبعاً بعد الحاله اللي شافتك بيها دي هتحاولي تقنعيها انك تفضلي وتفضل معاكي ده علي اساس انك خايفه كمان مني عشان عرفتي انه انا جاي عشان اخدك واوعي تقوليلها انك شوفتيني او حته لمحتيني لحد ما اقوم بي السلامه

هنشوف بقي هنعمل اي واكيد بابا وعمو سالم هيبقوا عايزين يعرفوا انا عملت اي بابا هيقلق عليا لاكن عمو سالم هيشك في تأخيري بأني ارجعك الشرقيه وهيفتكر اني معاكي وهيحاول بأي طريقه يعرف سبب تأخيري ولما مش هيعرف وطنط منال تجيلك هيشك هيجي هو وبابا كمان وهيجي علي عندك وكده

وهيسألك عليا طبعاً هتقولي اي بقي انه اناا جيتلك الجامعه عشان مرات عمو متقولكيش ما انتي قولتي ما شوفتيهوش هتقولي اي بقي جالي الجامعه وكان عايز يرجعني معاه وانا ماردتش وقولتلك خلاص تخلصي سنه اولي ونتجوز هنا وتكملي تعليمك بس تبقي بتتكلمي اكنك مش طيقاني ومش عايزه

تتجوزيني بس وافقتي عشان دراستك مش هيقتنع طبعاً بي الكلام ده وهيقول اللي يخليه يستني سنه اكتبوا حته كتب الكتاب وبعد كده اعملوا اللي تعملوا عشان يطمن ساعتها بقي ربك هيحلها وهنشوف

صرفه للي ده تمام بس المهم تقنعي طنط  ماتخدكيش معاها وانها تقعد معاكي ماشي.

ديما ساكته مابتتكلمش بصه متنحه بس😲هو ده حال ديما.

مراد:ديما يا ديما انتي يا بنتي.
ديما:هاا.
مراد:احييه بعد ده كله تقولي ها انتي سمعتيني ولا اي.

ديما:ايوه سمعت يخربيت دماغك يا شيخ ده انت اي ده بس دي فكره فاشله انا مستحيل اضرب نفسي واروح الجامعه ازاي بقي يا اخويا.

مراد:طب بصي اضربي نفسك كام قلم بس جامدين وبهدلي شعرك تمام كده.

ديما:انا مش هعمل اي حاجه ربنا يخدك يا عمي سالظ بقي عشان لو مكنتش انت عايز  حجات مش من حقك مكنش زمانه قاعدين نخطط دلوقتي منك لله يا شيخ حسبي الله ونعم الوكيل وكمان عمو سعيد منه لله هو بباك بس بردوه.

مراد:ماشي براحتك بس لازم تعملي كده.
ديما:طب ولو فعلاًجاب مأذون هنعمل اي واكيد مش هيرضي يخليك تجيب انت المأذون عشان مايكونش ملعوب منك ده عمك ده ابليس الله يلعن ابليسه الشياطين تتعلم منه.

مراد:صدقيني هتدبر.
ديما:بس انا خايفه يبان انه تمثيل وبعدين ليه كل ده.
مراد:لا متخافيش وبعدين كل ده عشان مايخدوكيش غصب عنك وعشان كمان تكملي تعليمك.

ديما:تمام ربنا معانا عشان نيتنا خير صح.
مراد:صح.

Back.

سامر: اييه ده ايه اللي عمل فيكي كده.
محمود: قولي يا ديما.
ديما: ح ح ح وكليمتها كانت متقطعه.
سامر: طب ادخلوا جوا.
دخلوا كلهم جوا
محمود: انا هدخل للي جدو وجاي.
سامر: تمام انتي مين عمل فيكي كده وازاي ده انتي مسكتي اتنين ضربتيهم وانتي لوحدك مين اللي قدر يضربك كده.

منال: اهدي واتكلمي ريحيني.
هديت ديما واتكلمت وقالتلهم زي ما مراد قالها عرف سامر انه ديما بتكدب بس مارديش يتكلم.
سامر: عارفه شكله الحرامي ده.
ديما: لالا ماشوفتش شكله.
سامر: تمام  انا هشوف كاميرات العماره واكيد هعرفه.

ديما في بالها: يا نهاري اعمل اي دلوقتي هيكشفني ده ظابط مخابرات يحرقك يا مراد ادي اخره الكدب.

سامر: مس كده ولا اي.
ديما: هااا اه اه طبعاً هنعرفه بس خلاص هو ما خدش حاجه وجت سليمه.
منال: انتي هتمشي مش هتقعدي هنا لحظه واحده وطبعاً قالت اللي قال عليه مراد بظبط.

سامر في باله: يا تري هي ليه كدبت واي السبب وراه كدبتها دي لازم اعرف ومنها اكيد هعرف.
سامر: ممكن دقيقه ثانيه يا انسه ديما.
ديما: اكيد عرف يا لهوي يا لهوي انا لو سألني هرد ومش هبص عليه ايوه مش هبص عليه.

ديما: نعم.
سامر: انا هقنع والدتك انك تفضلي هنا وماترحعيش معاها الشرقيه بس بشرط.
ديما: انا هقنعها شكراً للي حضرتك ده بنسبه للي طلبك اما بقي بنسبه للي الشرط فا هو مرفوض من الاساس.

سامر: طب مش تعرف اي هو طلبي.
ديما: مش عايزه اعرف.
سامر: حته لو قولتلك الشرط هو انك تتجوزيني.
ديما نزل عليها الكلام اكنه ميه متلجه في عز الشتاء.

ديما بصدمه: انت قولت اي.
سامر: تتجوزيني.