CACTUS....🌵[ completed ]

🌵39🌵

#Unicode

ဧည့်ခန်းအလယ်၌ ထိုင်ရင်းဓါတ်ပုံအချို့ကို ကြည့်နေခဲ့သော လီနာဘီ။
စားပွဲပေါ်မှာ ရှုထောင့်မျိုးစုံက ရိုက်ယူထားသော ဓါတ်ပုံတွေ ရှိနေခဲ့သလို သူမလက်ထဲ၌လည်း ဓါတ်ပုံတစ်ခုကို ကိုင်ထားခဲ့သည်။
လက်ထဲက ထိုပုံကိုကြည့်၍ နာဘီမျက်နှာပေါ်မှာ ခက်ထန်သော အမူအရာအချို့က ဖြတ်ပြေးလို့နေ၏။
စင်ရော်တောင်ပုံစံ မျက်ခုံးထူထူတွေကို ကျုံ့ထားရင်း စိုက်ကြည့်နေသည့် နာဘီအကြည့်တွေက စူးရှပူလောင်မှုတွေအပြည့်နဲ့ရယ်...

သူမကိုင်ထားသော ဓါတ်ပုံထဲတွင် ကောင်လေးတစ်ယောက်၏ လက်ကို ဘေးကနေထိန်းကိုင်ထား၍ ပြုံးနေခဲ့သော ဂျွန်..။

ဒီကောင်လေးက သူမ ပြန်ရောက်လာတုန်းက ဂျွန်တို့အိမ်မှာတွေ့ခဲ့သည့် ကောင်လေးပင်။
ဒါပေမယ့် ထူးခြားနေတာက ကောင်လေးရဲ့ ဗိုက်က ကိုယ်ဝန်ဆောင်တွေကဲ့သို့ လုံး၍ မို့တက်နေခဲ့ခြင်းပင်။
အခုဒီပုံကိုကြည့်လျှင် ကိုယ်ဝန်ဆောင်တို့ လမ်းလျှောက်နေစဥ် ချော်လဲမှာစိုး၍ ထိန်းကိုင်ထားခဲ့သလိုမျိုးပဲ။

သူမ ကြားသာကြားဖူးပြီး မမြင်ဖူးသေးတဲ့ ယောင်္ကျားလေးကိုယ်ဝန်ဆောင် ဆိုတာမျိုးလား?
ဒါက ကမ္ဘာရဲ့ တစ်သန်းမှာတစ်ယောက်လောက်ပဲ ရှိနိုင်တဲ့ ဖြစ်ရပ်ဆန်းကြယ်လိုမျိုးမို့ မျက်စိနဲ့တွေ့မြင်နေရသည့်တိုင် ယုံကြည်လို့မရသေးချေ။

ပြီးတော့ ဂျွန်...။
ကောင်လေးက ခေါင်းအနည်းငယ်ငုံ့ထားခဲ့ပေမယ့် ဂျွန်ကထိုကောင်လေးကို ငေးကြည့်လို့နေသည်။
ဒီအကြည့်တွေက ဘာကြောင့် ဒီလောက်တောင် မနာလိုချင်စရာကောင်းနေရတာလဲ..?

ပြုံးလျက် ငေးကြည့်နေသည့် ဂျွန့်မျက်လုံးတွေမှာ ဘေးလူမြင်ရုံနဲ့ အချစ်ဆိုတာကို ခံစားလို့ရသည်အထိ အသက်ပါလွန်းလှသည်။

ဂျွန် ပြောင်းလဲပြီး သူမကို သစ္စာဖောက်ခဲ့တာဟာ ဒိီကောင်လေးကြောင့်လား..?

ဂျွန် ဘာကြောင့် ပြောင်းလဲသွားတာလဲဆိုတဲ့ အဖြေကို သိချင်လို့ လူလွှတ်ပြီး စုံစမ်းခိုင်းခဲ့ရာကနေ ဒီပုံတွေကို ရလာခဲ့တာပဲ။
ဒါကြောင့်မို့လို့ ဂျွန်မိဘတွေကပါ သူမဘက်မှာ မရှိပဲ လက်ထပ်ဖို့ကိုလည်း ငြင်းဆန်နေခဲ့တာပေါ့။
သူတ်ို့လ်ိုချင်တဲ့ မျိုးဆက်ကို မွေးပေးနိုင်မယ့်သူရှိပြီးသားမို့ ကျွန်မကို မတူသလိုမတန်သလို ဆက်ဆံခဲ့တာပေါ့။