حب مابعد الكره

النهاية

كلها التمت عليها خالتي كامت تصيح جيبولها عبايه آيه ركضت اني رحت اشوف واحد من الولد لكيت احمد صحته بسرعه اجه

احمد: ليش طالعه هيج والله لو شايفج محمد يگلب الدنيا
صفا: مو وكته لك زهراء دتجيب حضر تعال بسرعه اخذها

خطيه راح صاح علي اجه علي يركض اخذوها وراحوا لليل ماكو خبر منهم نخابر يكولون بعدها دتطلك كلش خفنه عليها وبالنه يمها صارت ب١ بالليل تقريباً خابرت خالتي وكالت جابت ولد كلش فرحنه أية كامت تهلهل الحجي اخذ سلاحه وطلع ضل يرمي طلق الصوت كارثه مكدرنه ننام من الفرحه ثاني يوم رجعت خالتي وزهراء راحت يم اهلها ...

أية: يمه شنو سميتوه ؟
خالتي: حسين
آية: ليش مو إلياس مو تعرفون احب هذا الاسم
مروة: سمي لابنج
آية: انشالله دخلي عباس مايقبل اسمي الا احطه واخنگه
هي كالت هيج لو صارت زركه من الخوف خالتي جانت تعبانه ماسمعت بس ممتأكدين حاولنا نغطي ع السالفة

صفا: خاله شوكت ترجع زهراء
خالتي: لمن تخلص الأربعين
مروة: حيل هواي واحنه ننتظر الاربعين يلا نشوفها
خالتي: لا خلي الولد ياخذوجن اليوم لو باجر اني اريد ارتاح تعبت والله يمه منا لفد اسبوع يلا اروحلها
مروة: صفا كولي لمحمد من يرجع ياخذنه
صفا: ماشي بس يجي اكوله

للعصر رجع محمد وكتله قبل بس اني ماخلاني اروح لان هناك خالد ردت عاندت ماكو قفل سكت بعد لان تعبت واني احجي خذاهم وراحوا ضليت يم خالتي خطيه كلش تعبت لليل رجعوا كلهم ويسولفلي ع طفل يكولن يخبل ومدنفش جنه دبدوب واني بس ابتسم ع وصفهن ...

مرت الايام عادي كلمن ملتهي بحياته رجعت زهراء وشفنه حسين كلش حليو مرت سنة على فقدان اهلي كلش اذتنه هذي الحقيقة ونتدمر كلما نتذكرها بدت الدوامات مراوي صف سادس وكلش متوتره جانت واني اطمنها انو مو مثل متفكر هو مجرد مرحلة دراسية حاله حال البقية بس تضل متوتره اني هم اجلت السنة جنت رايده اهتم بحملي وكل تفكيري بحملي دخلت الشهر الثالث آية كلشي ماصار وياها بس باقية متأمله علاقتي بمحمد عاديه اتقبلته بس ابد ماعترفتله احبه هو كل يوم يذكرني هو يحبني اني اتمنى اكوله بس اكو شي يمنعني ..
مرت الايام والشهور نفس الوضعيه دخلت بشهر السابع مروه جانت فترة مراجعه عدها جنه كاعدين عصريه كلنه ملتمين كمت داشرب مي  وجان احس شي يجري برجلي باوعت دم كلش توترت وخفت صحت ع خالتي اجتي تركض كالت بسرعه للمستشفى بسرعه رحنه واحس عندي ألم دخلنه المستشفى خابروا ع دكتورتي اجت بسرعه كالت عدها ولاده مبكره دخلوني لغرفه العمليات بعد معاناة وإلم نورت درتي بس شفتها نسيت كلشي بستها وخذتها مني الممرضة بس صار عندي مضاعفات ونزيف...

مروة: جنه منتظريها ع احر من الجمر تطلع بس الي طلع من الغرفة مو هي طلعت الدكتورة وصدمتنا الجبيرة من كالت

الدكتورة: الف مبروك اجتكم بنيه بس ماكدرنه ننقذ بس بنيه وحده !!

هذي جانت قصة ماما الي ماشفتها ابد الي ضحت بحياتها حتى اني اعيش امي قدوتي بالحياة واحسها اقوة وحده بالعالم. هواي تحملت اشياء الي ممكن شخص ثاني ينهار منها ، حبنه الها اني وبابا كل يوم وكل لحظة يزيد الكل تأثر بغيابها خاصة بابا صح راحت ومكالتله احبك بس جان يعرف حبها اله جبير وهو لحظة مانساها ولا راح ينساها لان يشوفها بيه كل عائلتي تكولي نسخة طبق الاصل انتي منها كل الشبه والتصرفات مثلها مايحسون بفراغها لان اني معوضتهم ياه ..
عمه أية تزوجت عمو عباس بعد معاناة والله رزقهم ب الياس خالة مروة طلعت دكتوراه خلصت دراستها وتزوجت عمو احمد وكلش فرحانين بيبي وجدو موجودين . صح اسمي درة بس كلهم يصيحولي صفا الصغيرة وانملي سعادة من اسمعهم ، هذي جانت قصتنا ..

النهاية .