حب مابعد الكره

الفصل الحادي عشر

هو بس شافني وكعت طفر اجه يضرب على خدودي ويصيح صفا اكعدي جنت اسمعه واشوفه بس ماكدر احجي لفني بالغطا وطلع بيه يركض....

محمد.. جانت تحجي ومحتركه روحها بس من وكعت مادري شصار بيه احرك بيها جامدة ما تتحرك بس عيونها فاتحتهن لفيتها بالغطا ونزلت ماشوف دربي والناس هوسه شافتني امي من نزلت واجت تركض وراي وتصيح شكو نوب امها شافتها والنسوان التمت واني اصيح وخروا طلعت من الباب والزلم موجودة وكلها تباوع اجت امي وخالتي ورحنا للمستشفى...

فتحت عيوني بالمستشفى كل الي عرفته مرتفع السكر والضغط جانت امي وخالتي موجودات يمي بس شنو هذا الألم الي احس بيه مادري واني هم سكتت ماحجيت شي بقينا بالمستشفى واني بطرك الثوب ماجايبيلي ملابس لان استعجلوا ضليت متلفلفه بالغطا بعدين دخل محمد جايب ملابس لبستهم فوك الثوب ونمت تعبانة ثاني يوم رجعنا للبيت وجان مكلوب مليان ناس واني تعبانة وتعالي سلمي....

اخذتني امي لفوك جانت ريحة ملابسي مال مستشفى بس تعبانة نمت بسرعة كعدتني امي الظهر..

ماما.. يلا اكلي علمود تاخذين علاج
صفا.. ماريد مو جوعانة
ماما.. اي حبيبتي غير علمود تاخذين علاج واسبحي شوية ترتاح روحج
صفا.. ماحجيت شي كليت شوية واجه علي يضربني أبر لان جانت بالوريد واخذت علاج وشوية ضليت كاعده امي راحت اجت مروة يمي

صفا.. روحي صيحي امي
مروة.. ليش شكو يوجعج شي تريدين شي
صفا.. مابيه شي بس اريد اسبح خلي تجي وياي
مروة.. عابتلج واني طرطور كاعده يمج طول بعرض مو بعينج ام الوگعات
صفا.. نجبي يلا كومي طلعيلي ملابس

راحت طلعت ملابس ودخلنا للحمام فتحت الدش واني واكفه

مروة.. ها ولج شو واكفه يلا نزعي ملابسج بس لا تستحين مني
صفا.. دسكتي شكد تلغين
اجت نزعتني الدشداشه وباوعت لايدي وشهكت

مروة.. لج شنو هاي ايديج
باوعت لايدي ثنينهم مزرفين وزرك
صفا.. احتمال ملاكين وريد...

طلعت واجت تمشط شعري واني كاعده اباوع لايديه يخوفن...

مرت الايام صرت شويه احسن محمد ماشوفه بس بالليل ماحجي وياه اباوع لنظراتنه بيهن حب واعرفه هاويني بس اني الموت أهون عليه منه ما احبه جنه كاعده بالمطبخ جانن البنات يحضرون للعشا ويصادف باجر السبعه مالتي...

التمينا على العشا واني ابوي ماحجي وياه جان يريد يحجي وياي بس اتهرب منه واذا سألني على كد السؤال اجاوبه واسكت والشيخ على أعصابي احجي وياه صار زين من تزوجنا...

الشيخ.. ها بويه شلون صرتي احسن انشالله
صفا.. اي حجي احسن الحمدلله
الشيخ.. خير انشالله وانت محمد شلونك بويه شو ماجنك معرس وجهك مكظم
محمد.. لا بويه مابيه شي شويه ملتهي مابقالي هواي على  دوام والجماعة يخابرون علمود اداوم
الشيخ.. يبوي كللهم بعدني عريس ويني وين الدوام
محمد.. لا بويه عليش بس هذا الاسبوع هنا الاسبوع الجاي تخلص إجازتي ...