صفا .. مليت كل واحد بجهة يصيح واني كل الي بالي جان ليش سمع حجيها ليش مسألني اذا حجيها جان صدك لو جذب تركتهم وصعدت فوك نمت على الجربايه واباوع على السكف واتذكر حجيها...
كعدني محمد ماعرف شوكت نمت
محمد.. يلا كومي بدلي علمود نروح لطبيب
صفا.. بيش الساعة
محمد.. ساعة بالاربعة
تركته وكمت اخذت ملابس ورحت سبحت كملت ومشطت شعري ولفيته لبست صايه بعدين كلت ليش لابسه صايه اني رحت طلعت ثوب طويل وعريض لونه اسود لان ما البس الوان جان الجو بارد بداية شهر ١٢ خليت مكياج خفيف بس خليت حمره ماروني داطوخها ودخل عليه جفت شافني تفاجأ وضل ساكت
محمد.. هالمكياج ينشال كله
صفا.. ما اوخره والله شغلة وحده ما اسمحها
محمد.. لج انتي بزواجنا ممخليه بهالثخن تريدين هسا اخليج هيج لو تموتين
صفا.. ما معليك اني اريد هيج اخلي
محمد.. هو شنو معليك طلعه ماكو بهالوجه
صفا.. شبيك ها شبيك
محمد.. انتي نسيتي اهلج لو شنو
هو كال هيج واني استوعبت شداسوي بسرعة مسحت كلشي وحتا الثوب نزعته ورجعت على الصايه واني اكول سوالف الجهال شنو جابها الي لبست الشال ونزلت لكيت خالتي منتظرتني ومحمد جان بالسيارة طلعنا شافني وابتسم كعدت لورا وهو طول الطريق يباوعلي ماهتميتله وصلنا للعيادة انتظرنا تقريب نص ساعة وصاحوا اسمي دخلت اني وخالتي سولفت وياي ومدري شنو بعدين فحصتني واني ميته خجل
الدكتورة.. مابيج شي
خالتي.. لعد دكتورة شنو سبب النزيف
الدكتورة.. اول مره يتقربلج مو
خالتي اتفاجأت من سؤال الدكتورة
خالتي.. دكتورة على بختج حيصيرلهم سنة من متزوجين
صفا.. اي اول مرة يتقربلي
الدكتورة وخالتي اتفاجأن من كلت هيج
الدكتورة.. مابيج شي وممجروحة بس لان اول مرة و
صفا.. دكتورة توفير للعناء تكدرين تكولين اغتصبني
ضحكت وكالت اي بس خلي فترة ليتقربلج
كتبتلنا أدوية وجبناهن من الصيدلية ورجعنا للبيت بالطريق خالتي جان تكول.
خالتي.. ليش ممتقربلها بالسبعة مالتكم أو خلي نترك السبعة ليش متقربتلها بعد أسبوعين شهر ليش انتظرت كل هالوكت
محجينا شي ضلينا ثنينه ساكتين وصلنا للبيت ويا الأذان رحت بدلت ونزلت صليت ورحت يم مروة
لكيتها بالمطبخ ويا اية رحت يمهم اساعدهم
صفا. شصار بموضوع سرى
مروة.. كتلوها واخذوها
صفا.. ومحمد عرف
مروة.. اي عرف
صفا.. حلو
صبينا اكل وكلنا اجتمعنا اباوع لاحمد يباوع لمروة زهراء دخلت بشهرها الثامن وصايرة بطة وتخبل
اية الحيره بوجها وصايره متضحك ولا شي ساكته اما محمد يباوع على اية استغربت مروة هم صافنه كل واحد باله سالفة محيرتة كل هذا انتبهت عليه واني داكل كملنا وكل واحد راح لغرفته رحت وخطر على بالي ارسم صارلي هواي مراسمه حتا نسيت شلون ارسم كعدت ارسم تقريب ٣ ساعات رسمت شخص افكر بي كملت ونفخت على الصورة وجانت امي اويلي شكد مشتاقلها رحت نزلت لمروة واخذتها وياي لكيتها تقرأ رحت كعدت يمها وراويتها الرسمه
أنت تقرأ
حب مابعد الكره
Ficción Generalتتحدث القصة عن العادات والتقاليد القديمة حيث تنجبر الفتاة على الزواج وترك الدراسة . حقيقية .*
