حب مابعد الكره

الجزء التاسع عشر

مروة.. نعم شنو رايد ؟ احجي بسرعة
احمد.. شلونج
مروة.. وكفتني علمود تكلي شلونج
احمد.. اي
مروة.. زينة .. يلا باي
احمد.. انتظري
مروة.. شرايد ؟
احمد.. ليش عصبية اني احجي وياج مو اتعارك
مروة.. اريد انام ومو عصبية
احمد.. لا مبين ترا مو عصبية
مروة.. اعرف شنو الي بالك وجوابي لا
احمد.. شنو الي بالي ؟

تركته ورحت دخلت كعدت صفا وراحت صاحته اني ما اريده ولا اريد اشوفه اني نفسي ما اطيقها صرت مو نوب احمد عليه اجه رفعني ويباوع اني ماهتميت بس صفا لاحظته وكامت تبتسم خلاني بالفراش وراح اني بسرعة صيحت بصفا..

مروة..  شنو تكوليله يجي يرفعني
صفا.. ما اكدر وحدي
مروة.. صرت ثكيله عليج ومتكدرين اصلا اني ما اريدج بعد لاتشوفيني وجهج تضحكين لان يلزم اختج مو عندج عادي شاب يلمستني
صفا.. احترمي نفسج شنو عادي شو متعرفين تحجين بعدين اني مدخله عليج شاب غريب مثلا همزين ابن عمج هو
مروة.. ما اريده وذا ابن عمي اني لو اموت ما ازوج واصير مثلج اكتل نفسي ولا ازوجه فهمتي لو لا وهسا اطلعي ما اريد اشوفج بسببج اهلي ماكو هسا لا تشوفيني وجهج والله اذا شفتج بعد اسوي شي بنفسي اهلي صارلي فوك الاسبوعين ما شايفتهم بعد ماعندي شي اخسره اكتل نفسي احسن
صفا.. تتندمين على هذا كلامج اذا مو هسا بعدين ...
مروة.. بس اطلعي منا

راحت وضليت ابجي بسببها اهلي مو يمي هسا كله بسببها أكرهها صرت ...

صفا.. دخلت للغرفة واني مصدومة من حجيها شنو جانت محملة عليه وهسا انفجرت واكثر كلمة أذتني بسببج اهلي ماكو اني شعليه ليش هيج صارت وياي .. كمت ابجي بحركة من ورا حجيها صرت اني سبب الي صار اني اهلي يمتا شايفتهم حسيت بضيك بصدري وجن عايزة بعد وجع  مسحت دموعي واخذت علاج ونمت ...

كعدت ويا الأذان رحت للحمام واباوع لوجهي خشمي نازف غسلت وجهي وتوضيت وصليت كملت ونزلت جوا رحت لغرفة مروة لكيتها نايمة عدلتها وغطيتها وطلعت لكيت خالتي والحجي كاعدين وأية هم كاعدة رحت يمهم ..

صفا.. شعندج كاعدة من هسا تريدين تنظفين
اية.. لا بس محمد على جيه وامي كعدتني تعرفين بيها خاف يحتاج شي تخاف عليج
صفا.. لا شسالفة مابيه شي اني موجودة روحي نامي
اية.. لا خيه بعد كعدت شينومني خليني
صفا.. يمه لو هسا عباس يمج جان ولا كمتي
اية.. يابه بس خلي اصير مرته تنعمي عيني اذا نمت
صفا.. انشالله حبيبة انشالله لو مكتوبتله تحصلي وداعتج
اية.. امين ياربي
صفا.. انتي دوم اتذكري جان ببالج اني راح اصير مرت اخوج
اية.. لا والله
صفا.. واني هم ما جان بالي ولا هو ولا كل واحد اصلا منو يكول اكو ناس تعرفنا
اية.. صح اني جنت ما اعرفكم جنت بس عرف عندي عم ثاني بس كلشي ما اعرف عنا
صفا.. وهسا شوفي بنته صارت الكم
اية.. كولي بناته

من كالت هيج صفنت
صفا.. اي
اية.. اكوم للغرفة اتمدد
صفا.. روحي

راحت ضلينا بس اني وخالتي والحجي هم ورا شوية الحجي طلع ضلينا اني وخالتي نلكط تمن ونسولف بالسبعة اجوا علي وزهراء تريكوا وطلع علي اجت زهراء ويانا اجه احمد وراهم شافني دار وجه واني هم استحيت دنكت واسوي بالتمن اجه يمي كعد ..