حب مابعد الكره

الجزء السابع عشر

كعدت ويا الأذان شفت محمد ساجد على السجادة ويبجي ويتمتم ضليت صافنة عليه وافكر هو هم ماله ذنب بالي صار... ضليت اباوع عليه رفع رأسه وشافني اباوعله بسرعة مسح دموعه ...

صفا.. تقبل الله
رحت اتوضأ ورجعت شفته منتظرني واكف صليت وكملت وهو يباوع كسر كلبي شكله منتهي وتعبان لحيته طولانه اعرفه خايف عليه ويحبني بس اني اقسي وياه واجرحه بالحجي لان خايفة يتعلق بيه من احجي وياه بغير طريقة خايفة اموت وهو يحبني لذالك احجي وياه بقساوة علمود اذا رحت من يذكرني يكول ماحصلت منها شي علمود احبها وينساني بسرعة... اني بديت احبه

محمد.. صفا
صفا.. نعم
محمد.. تعرفين احبج مو ؟
صفا.. اي اعرف تريد شي ؟
محمد.. اريدج انتي  واريد ماتخافين وتصيرين قوية وتأكدي انتي حترجعيلي
صفا.. تعرف شنو اتمنى
محمد.. انتي بس كولي و شنو تكولين احققه الج وما اخلي بنفسج
صفا.. اتمنى اموت بالعملية ولا ارجعلك تكدر تحققه الي ؟
..ماحجه شي ولا انطه ردة فعل بس ابتسم وباس راسي
محمد.. يلا حضري نفسج علمود نروح

كملت كلشي صارت ب٦ تقريبا وطلعنا للمستشفى وصلنا وبسرعة بلشوا تحليلات وشغلات هواي بعدين اجه الدكتور خلولي مخدر وبعد كلشي ماحسيت....

كعدت واحس بألم مو طبيعي محد يكدر يتحمله الألم فظيع يموت خالتي بسرعة صاحت الدكتور اجه هم خلولي مخدر بالمغذي ورجعت نمت...

كملت أسبوع بالمستشفى بين البجي والألم والخوف ... الدكتور كال العملية تمت على خير وكلشي بعد مابيه رجعنا للبيت بعد أسبوع من الوجع وبعده ماراح بس خف خالتي ماتركتني وحدي لحظة ومحمد هم مروة ماتعرف شي بس اذا سألت عليه يكولون ضغطها مرتفع وبس وهي بعدها رجليها وايديها مجبسه  تكعد كالت اية دوم بالليل مختنكة وتصيح ولسه ممتقبلة فكرة موت اهلي تكول رجعوا لبغداد واحنه هم منحجي شي وياها ...

احمد هم رجع وصافن ع مروة يريدها تطيب بلكي يتزوجون اية هم منتظرة فرج الله وخايفة أبوها يزوجها وتريد عباس يحس عليها علي وزهراء منتظرين طفلهم وفرحتهم متنوصف الحجي وخالتي مابيهم شي بس مخبوصين بيه وبمروة
محمد اهتمامه بيه مايقل بالعكس يكبر وحبه الي مينوصف يخاف عليه من كلشي اذا كلت اخ هو يشد راسه وياي بديت احبه بس اجذب نفسي ...

اجت عمتي هي وبناتها يشوفونا سلمت وكملت وراها نزلت يم خالتي ضلت يمي بس سرى...

سرى.. تعرفين من اول يوم ازوجتي بي محمد لحد هذا اليوم تمنيت تموتين لو يصير بيج شي والحمد لله الله استجاب دعائي وبلاج بهذا المرض و انشالله تموتين ونرجع اني وحبيبي محمد أمين ياربي
صفا.. امين رايده شي بعد اذا كملتي حجيج اطلعي بلا زحمة لان زوجي حيجي يمي
سرى.. استمتعي بي يجي يوم وشكو شي هسا تملكي يصير الي
صفا.. لعد انتي شكد متواضعة تدورين أشياء مستعملة مو جديدة
سرى.. اي عادي اني من احصلهن ما اخلي اثرج بيهن وخاصة محمد امحي من راسه شكو ذكرة الج ...