مرت فترة عليه مابيه حيل وعلى اقل شي خشمي ينزف جنت ماخلي احد يعرف لان مابيه حيل والكل ماطايقته وادوخ هواي وتظل الدوخه بيه ايام ومرات ألم بصدري بس جنت اغلس وماهتم لان اني بيه فقر دم فكلت هذا فقر الدم ولأن جان عليه ضغط الامتحانات خشمي ينزف ....
جنت احاول اطلع اي عذر علمود ما اخاف
واهلي يخابرون عليه ومارد فاليوم ابوي خابر عليه هواي وجانت الأوضاع مو زينة بغداد والعراق كله رديت عليه بعد هواي مخابره
صفا.. شتريد ؟؟كلت لتحاجوني ولاحاجيكم
بابا.. باجر راح نجي يمكم الأوضاع مو خوش
صفا.. لعد اني شعليه ليش دتخابرني
بابا.. اريدج تبريلي الذمة هذا طريق وماعرف شنو ضاملنا القدر خاف منكدر نوصل اريدج تبريلي الذمة اني من ناحيتي راضي عليج وعلى اختج منا ليوم الدين انتم روحي من الدنيا انتن وامجن
صفا.. بعديش ها بعد شنو بعد ماحطمتني وبليتني بمحمد وراح تبلي مروة باحمد من حطيت راسك على المخدة مافكرت بناتي شنو يعرفن من ولد عمهن راح يتعودن على اطباعهم وهم راح يحبوهن وهن راح يتقبلنهم مافكرت ابد بالعقل بابا انت ردت تخلص من عدنا مو تريحنا
بابا.. والله ياروح ابوج اني لمصلحتجن هيج سويت واني اعرف بمصلحتجن باجر من اموت منو الي ياخذجن شلون احط راسي بالكبر واني ممأمن عليجن وبعدين انتي ماتعودتي على محمد
صفا.. بابا اني من اول يوم زواجي لحد هسا اني الضحكه مدخلت لوجهي ولا اعرف طعمها ودوم ادعي بصلاتي الله ياخذ روحي وخطيتي بركبتكم انته والشيخ انته حرمتني من طفولتي وحرمتني من امي بعدني اني شنو شفت علمود كبل زوجتني
مانساها ولا راح انساها لاخر يوم بعمري
تركته وسديت التلفون كعدت ابجي ميته قهر احس ألم وضيك بصدري نوب خشمي نزف رحت للحمام حطيت راسي بالمغسله وفتحت المي البارد ودايخه ورا شوية وكف الدم رحت تمددت جانت ساعة ٨ بالليل صاحتني خالتي وكالت محمد ديخابرج وميحصلج تعالي احجي وياه
صفا.. ها شتريد
محمد.. احبج
كال بس هالكلمه وسد التلفون
خاله.. ها شراد؟
صفا.. مالحكت احجي لان صاحوا
خاله.. ها اكلج شبيج شو وجهج اصفر يمه بيج شي
صفا.. ها لا مابيه بس مشتاقه لامي
خاله.. خابرتني قبل شوي باجر يجون الأوضاع هناك مو زينه
صفا.. اي اعرف حاجاني بابا
صفنت وكالت الله كريم
رحت لغرفتي نمت تعبانه بس غمضت عيني اجه محمد ع بالي وكلمته اريد ما فكر بيه ماكدر صارت العشرة واني كاعده وافكر وعود ردت انام لان وتعبانه ومشتاقة لامي مدري ليش صارت ب١١ واني لسه كاعده نزلت لغرفة الشيخ دكيت الباب كعدت خالتي
خاله.. ها بيج شي شتحسين
صفا.. مشتاقة لامي وكمت ابجي
خاله.. ليش تبجين تعالي
رحت نمت بحضنها وابجي ماعرف شبيه واكو ألم بصدري ورا شوية نمت....
كعدت الصبح لكيتهم كاعدين كلهم واستغربت محمد جان موجود
صفا.. صباح الخير
محمد كمز بسرعه
محمد.. شبيج شو متغيره شنو مريضة
صفا.. لا مابيه شي
محمد.. شنو مابيج شي وجهج اصفر
صفا.. رجعلي فقر الدم بس مابيه شي
رحت كعدت يم خالتي
صفا.. خاله اهلي مكلولج شوكت يجون
خاله.. هسا على جيه لا تنسين الطريق طويل
صفا.. اي هم صح
خاله.. يلا اكلي وجهج اصفر
صفا.. مو جوعانه
محمد.. اكلي شوية
صفا.. كعدت اكل شوية ولازمه صدري يأذيني
وفوكاها محمد ماشال عيونه مني كمت
محمد.. اذا ماعندج شي طلعيلي ملابس اريد اسبح
أنت تقرأ
حب مابعد الكره
General Fictionتتحدث القصة عن العادات والتقاليد القديمة حيث تنجبر الفتاة على الزواج وترك الدراسة . حقيقية .*
