حب مابعد الكره

الجزء الخامس

من الصدمة ضحكت ماعرف شنو جان احساسي بهاي اللحظة مادري ليش ضحكت وجان الجو جاد والكل ساكت بس الشيخ يحجي باوعت لبابا مصدوم امي تعابيرها عبالك جانت تعرف هذا الي يردونه من جيتنا مروة بعيونها دموع واني اضحك ...

صفا.. من كل عقلك تحجي؟
بابا.. تأدبي
صفا.. بابا شوفه شنو يريد
بابا.. اسكتي
صفا.. كمت ابجي من ردة فعل ابوي جنت متوقعة انو يرفض بس احسه موافق
ماما احجي شي شوفي هذا شيريد
بابا.. داكولج اسكتي اني شحجي
صفا.. بس بابا
بابا.. كلت اسكتي(بصراخ)
سكتت بس الدموع ماعرف من وين كامت تنزل واني اسمع حجي ابوي الي بعمري ممتوقعته..

بابا.. حجي طلبك على عيني وعلى راسي هن الهم بس مو مال زواج هسا خلي يقرون عليهم الفاتحة والزواج بعدين شتكول ؟
الشيخ.. لا يبعد ابوك بالتأخير يصير مشاكل خلي نقرأ الفاتحة عليهن وبعد شهرين بس تكمل المدرسة يزوجون
بابا.. بس حجي مروة صغيرة خلي هسا نزوج صفا ع كولتك ورا هذولي الشهرين ومروة واحمد بعدين هم على ما احمد يكمل دراسته ومروة شوية تكبر
الشيخ.. ماشي جا نكول بسم الله الله يتممها على خير

اسمع واني ميته بجي مصدومة من حجي ابوي يعني فرط بيه عادي عنده لا وحاسبني جبيره علمود هسا ازوج..

صفا.. ماما حبابه حاجي سمعتي شيكول يريد يزوجني
امي ساكته تخبلت
ما ازوج لو تموتون مازوج والله مازوجه ماريد متجبروني لو على كص ركبتي مازوج ماحس غير شي حار اجه على خدي
بابا.. اني شنو كلت اسكتي ولاحس
صفا.. تضربني تضربني لان ماريد ازوج
بابا.. اني شنو اكول اسكتي والله اذا ماسكتي اموتج مو بس اضربج
صفا.. موتني بس مازوجه لو اموت ما ازوج
راد يضربني بس محمد لزمه
محمد.. عمي مو هيج شسالفه مو لدرجة تمد ايدك عليها كدامنه
صفا.. معليك خلي يمد ايده بس ما ازوجك عادي
بابا.. شوفها مامؤدبة ماعرفت اربيها
ماما.. على كيفك علي انت اخذت رأيي علمود تنطيها من كيفك
بابا.. اسكتي انتي اني أبوها
ماما.. اي واني امها بعدين حجي انت اخذت رأي ولدك علمود تزوجهم
الشيخ.. اني ولدي يسمعون كلامي وهم عود رجال مشوربين ويباوعلي
صفا.. هه اي باوع اصلا آخر همي انته و ولدك مازوج يعني مازوج
بابا.. ها ولج هيج الحجي راد يضربني بس محمد لزمه مرة ثانية
محمد.. عمي حقها خليها تحجي هي بعدين تهدأ
صاح الشيخ كافي شو مامعبريني اني موجود وهيج يصير
بابا خنس والكل سكت الوضع صار هادئ بس صوت بجي مروة واني ..

الشيخ.. شوفن بابا حبيباتي الزواج سنة الحياة يعني اذا مو اليوم باجر
صفا.. ومنو كالك نريد نزوج بهذا العمر شنو شفنا علمود نزوج هسا
الشيخ.. انتي مشكلتج العمر لو الزواج
صفا.. ثنينهن اني ماريد ازوج حباب لاتدمر حياتي اني بعدني صغيرة ويني وين الزواج وبعدين ابنك منو يكول  هم يريد يزوج ولنفرض رايد يتزوج خلي يتزوج الي بعمره والي تفهما وتعرفه
الشيخ.. حبيبتي اني اعرف محمد يسمع حجي
صفا.. عمو حباب هذا زواج طول العمر الله يخليك فكني اني ماريد
الشيخ.. هسا احنه دنحجي ليش تبجين
صفا.. مو ماريد اتزوج الله يخليك ماريد الله يوفقك
الشيخ.. والله يا حبيبتي اني لمصلحتج واني احبج واريدج لابني
صفا.. بس عمو اني ماريد ابنك واحتمال  هو هم مايريد
شبيك ابوس ايدك كافي ماريد
الشيخ.. لا يريدج وانتي هم تتعودين عليه
صفا.. هو شنو واتعود عليه اكله لو لبسه  بعدين بنت عمه الجبيره زوجها اله
الشيخ.. لا انتي اني لو رايدها جان خطبتها اله من زمان وبعدين كدامج شهرين تفكرين بيهم وتقتنعين وبس هذا آخر كلامي
سكتت بس ابجي ماعرف بعد شحجي
طلعوا كلهم بس امي ومروة وخالتي وأية ضلن
مروة تبجي واني نوب خالتي تعتذر من امي واني فصلت اريد بس الزم الشيخ الا اموته