حب مابعد الكره

الجزء الخامس عشر

فتحت عيوني جان محمد موجود يمي ومشكليلي مغذي كل الي بالي جان امي وابوي

صفا.. اخذوهم؟
جان ساكت مايحجي بس كال انتظري خلي يجي الدكتور
صفا.. شنو الدكتور راح يجيب اهلي
احجي وابجي
اجه يمي لزم ايدي ويبوس بيها
صفا.. محمد اريد امي مشتاقتلها
محمد.. نروحلهم والله
صفا.. هم كلت قبل نروحلهم وصدكتك بعد شوكت نروحلهم وذا رحنالهم حيشوفوني واشوفهم جنت احجي واصيح وصدري نغزني سكتت من الوجع
محمد.. شبيج شنو يوجعج
صفا.. وخر عني درت وجهي عنه وابجي ورا شوية اجه الدكتور سلم وكال

الدكتور.. ليش تبجين ؟
صفا.. شوكت اكدر اطلع
الدكتور.. صار شكد وانتي تحسين ألم بصدرج؟
صفا.. سكتت ماحجيت شي
الدكتور.. تحسين دوم لو بين فترة وفترة
صفا.. لا بين فترة وفترة وألم مرات قوي مرات عادي
الدكتور.. ليش ماجبتوها من حست بهالاعراض اول بداية
محمد.. دكتور شبيها واني اصلا اول مرة اسمع هيج بيها مادري
الدكتور.. بابا انتي احتمال بيج سرطان ثدي اقترحلكم تروحون لدكتور مختص..
صفا.. كال هيج وماتفاجأت ولاشي بس دموعي ضلت تجري وكلت
محمد مروة وين ؟
محمد ساكت والدكتور ساكت وبس شهكاتي تنسمع
الدكتور.. لاتخافون اذا جنت غلطان احتمال تطلع عندج ورمه بس...

راح الدكتور
صفا.. محمد مروة شلونها
ساكت مايحجي وجان مصدوم و الوجه اصفر اني اباوعله وابجي درت وجهي عنه وهو ساكت واني ابجي بس احس بداخلي شي فرحان راح اشوف امي وابوي
مر هواي وكت واجت الممرضة شكلتلي مغذي ثاني وضربت بيه ابرة محمد خابر على خالتي اجت تبجي احتمال كايللها...

اية.. منظر صفا ماتسر العدو وهي تناشغ وتدافع بمحمد وتتوسل بيه علمود مايخذون اهلها بس شنو يسوي هي اول ماشافت رفعوا التابوب وهي وكعت وهذا احتار شيسوي ويصيح جيبولي عباء ركضت جبت عبايه لفها بيها وشالها وركض عبالك بنته وازيد يحبها اخذها وراح والوادم هوسه وكلها تبجي عليهم ومروة مانعرف شنو وضعها بس الي نعرفه احمد وعلي  يمها رحت لامي

اية.. يمه فدوة اروحلج خابري على احمد خلي نشوف شنو وضع مروة كلشي مانعرف عنها
شهلاء.. روحي جيبي التلفون
جبته وانطيته الها خابرت على احمد حجه ويا وكامت تصيح ودك على رأسها وتبجي واني اهدي بيها وابجي وياها اجت زهراء هم وياي سدت التلفون منا وتصيح النسوان سكتن هم يريدن يعرفن شنو بيها
اية.. يمه احجي وكفتي كلبي الله يخليج بيها شي
شهلاء.. ولج كولي شنو مابيها البت ماكو شي بجسمها صاحي البت مكسره تكسر من ركبتها لحد اظفر رجلها مكسره وداخله غيبوبة جانت تحجي وتبجي خلت النسوان كلها تبجي وتكول راحت اختي وهسا بناتها كل وحده بمستشفى ولج شمس اني مو كفو ليش خليتي بناتج عندي شوفي بناتج هسا بيا حال وحده مكسره والثاني ماعرف شبيها ولج شمس تدرين البارحة صفا اجتني تبجي تكلي مشتاقة لامي ولج كلبها حس بعد ماتشوفج وانتي ماحسيتي ولج بعدهن صغار وانتي بعدج صغيرة ما شفتي احفادج ولج خلصتي عمرج كله دراسه شنو شفتي
جانت تحجي وتبجي بحركه ...
ورا شوية رحت التهيت بالتنظيف اني وزهراء ظهروتنا تكسرت واسمع صوت امي تصيح اية بعد مالحك احرك رجلي كلبي وكف عبالي بيها شي ركضت الها