حب مابعد الكره

الفصل الاول

...ماريدك افهمني افهمني ليش لازك كول ماريدج وفضها لاتحطمني...

كعدت الصبح مثل كل يوم عادي نزلت جوا شفت بابا ع عادته كاعد يقرأ بجريدة وماما تسوي ريوك مثل اي عائلة بسيطة حياتهم هادئة..

صفا.. صباح الخير
ماما بابا... صباح النور حبيبتي
ماما.. اختج لسه نايمة
رحت كعدت بمكاني اي نايمة ماتكعد
بابا..خليها بعد وكت الدوام
ماما.. اي غير اريدها تجي تاكل دوم تروح بدون اكل
صفا.. رايحة اكعدها

رحت وكالعادة شلعت كلبي يلا بس كالت ها
مروة.. اتركيني حبابة الله عليج اريد انام
صفا.. كومي ماما تريدج
مروة.. روحي هسا اجي وراج
صفا.. هالكلاوات عبريهن ع غيري كومي مالي خلكج
كامت وهي تستغفر راحت للحمام واني نزلت

ماما.. ها كعدت؟
صفا.. اي راحت تغسل
اجت كعدت ونامت ع الميز
بابا.. عندي سالفة وياكم.. البارحة خابرني الشيخ وكال جيب العائلة وتعالوا يمنا فد كم يوم مشتاقين
ماما.. و الدوام والشغل منو يروحلهم
بابا.. ناخذ اجازة واني هم صارلي سنين مازايرهم واريد اشوف اخوي
ماما ماعجبها الحجي وكأنو تعرف شنو غايتهم

صفا.. شوكت نروح ؟
بابا.. فد يومين ثلاثه ونروح
هذا الحجي كله ومروة ضاربه الدنيا دفره ونايمة
طلع بابا قبلنا للشغل ورحنا بدلنا واخذتنا ماما للمدرسة
مر اليوم عادي مثل اي يوم وهذا الغثه لازك

رقية.. شوفي منو هذاك
صفا.. اي شسويله يعني
رقية.. اعصابج شبيج ولج
صفا.. ماكو شي
اجت ماما اجت وياي رقية هم

رحنا لمدرسة مروة اخذناها وماما وصلت رقية لبيتها لان مااجاها السايق
صفا.. ماما ليش ضجتي من بابا كال نروح لبيت الشيخ يعني معقولة ماشتاقيتي لختج صار هواي مشايفتها وحتى ممحاجيتها
ماما.. لا اكيد شتاقيتلها ومضجت منو كلج ضجت
مروة.. هذا ياشيخ هاي شوكت شو اني ماعرف
صفا.. جنتي نايمة
وصلنا للبيت بدلنا وماما تسوي غدا

مرحبا اسمي صفا عمري ١٦ عندي اخت وحده اصغر مني بسنتين وماما وبابا حمدلله عايشين ماما محامية وجاي تدرس قضاة بابا مهندس نفط مابقاله شي ع تقاعد اني صف خامس علمي ومروة ثالث متوسط اصل بابا جنوب وماما بغداد بس بابا ترك اهله من تزوج ماما بابا ابن شيوخ اخو الجبير كاظم الي استلم الشيخة بعد وفاة ابو وراها يجي اخو الثاني سلام واخته حوراء وبابا اصغر واحد الي هو علي شاءت الصدف وانجمع عمو الشيخ بأهل ماما وشاف اخت ماما الجبيرة شهلاء وحبها وتزوجها ماما جانت صغيرة وحلوه بشكل ماصاير اهل ماما ماعندهم غير شهلاء وشمس الي هي ماما شايفها بابا وحابها بس جانت صغيرة وبعدين بابا سكن بغداد من ورا ماما بس علمود يحصلها بس ماما من عرفت باختها بعد مداوم متخبله شلون وشلون
رؤى.. لج شمس هذاك علي
شمس.. رؤى حبابه اسكتي ابد ماانسه ولا راح انسه شنو اخوه شسوا باختي حرمها من دراستها وتعب سنينها
رؤى.. الي يشوفج يكول انتي الي بطلتي
شمس.. حبابه سكتي
اجه علي باتجاهنا
علي.. سلام عليكم
رؤى.. وعليكم السلام
علي.. شمس عندي حجاية وياج
شمس.. نعم تفضل
اشر بعيونه ع رؤى و رؤى تداركت الموقف وسحبت نفسها
رؤى.. من رخصتكم اجه ابويه
علي.. مرخوصه الله وياج
باوعلي وانطاني ورقة وكال بلكي تحسين بيه
مرديت عليه اجه ابوي ورحت وكلتله
شمس.. بابا هذا اخو الشيخ لسه وراي
بابا.. ايباه صارله سنين ولا مل ولا راح يمل
شمس.. بابا داكولك هيج وانت توكل هيج
بابا.. يصير خير بنيتي
سكتت لان كلامه خلاني مثل الثوله
رحت وقريت شنو مكتوب
علي.. بس خلينا نلتقي عشر ايام بس واذا ماحسيتي شي باتجاهي اروح وماراويج وجهي بيوم
صفنت وكلت الله كريم بس اريده يروح
ثاني يوم داومت ومن رجعنا شفته كال خلي نلتقي بهالمكان من باجر وصدك ثاني يوم رحت سولفنا مواضيع عادية واجه ثاني يوم وثالث ورابع لحد اخر يوم
شمس.. علي اني موافقه
علي.. بشنو ؟
شمس.. نتزوج بس شرطي الوحيد دراستي
علي.. بفرح صدك تحجين اخليج بعيوني ودارستج مامنعج منها
ثاني يوم جاب اهله والفرحه ماساعيته وتمت ع خير وتزوجت ورحت ونقل كلشي لهناك بس اشوف الحقد بعيون عماته وامه ساكته ماتحجي مره جبير ومن اهل الله داومت يوم لو شصار بالدنيا لعبوا جوله كلها الي اعرفها والي ماعرفها شنو تخلون مره وتطلع وعود هاي مرت شيوخ اختي هم ساكته وعرفت شنو مرت بيه والي خلاها تبطل جان عدها ثنين ولد علي ومحمد وحامل وكلتله بس خلي اكمل سادس داومت بس شنو بالخفيه ويومية سالفة ماعرف شلون مرت السنة اختي جابت هم ولد سموه احمد ومرت سنة ثانية عفت التقديم مال الكلية وجان معدلي ٨٦ واني الدنيا ماحاملتها نوب طلعتلي سالفة الحمل صفح وماتجيب ومدري شنو اختي ورا احمد بسنتين هم حملت جابت بنية اسمها اية ومرت ٤ سنوات واني ما عندي جاهل وأنواع الحجي اسمع جان كل همي علي ومحمد جانوا بالمدرسة واني اقريهم وافرح بيهم علي جان متوسطة ومحمد ابتدائية وبيوم كمت اتقيأ وصارل اسبوعين مانازله شهلاء كالت حامل واني من الفرحة مامصدكه وصدك طلعت حامل وانسدت حلوك الشماته وكلت لعلي وفرحته جانت جبيرة مرت الايام والاشهر واجه وكت الولادة جبت بخير وسلامة بنية سميناها صفا بعدين كلت لعلي ع الجامعة وكال اني انطيتج وعد اخليج تكملين بس هنا مستحيل يقبلون نروح نستقر بغداد شتكولين فرحت وكتله بكيفك وفاتح ابو بالموضوع وصار الحجي أشكال بس ماهتمينا وانتقلنا مرت سنة وبين الدراسة وصفا وامور البيت واجانه خبر كلش حزنا ابو زوجي توفه رحنه وسمعت أشكال الحجي وسكتت وتحملت وجانت آخر روحه النه ورا سنة هم حملت وهم بنية والمسؤولية زادت بس مامنعتي اكمل دراسة وكملت دراسة بجهدي وتعبي وتشجيع زوجي كدرت اوصل لهدفي والحمد لله .