حب مابعد الكره

الفصل الرابع

كعدت الصبح نزلت جوا جانت امي وخالتي بالمطبخ
صفا.. صباح الخير
...صباح النور
رحت كعدت يمهم
ماما.. وين اختج؟
صفا.. نايمة خاله اية هم نايمة
خاله.. لا كعدت تلاكيها بالحديقة دجيب خضرا
رحت طلعت الهوا عالي جان رحت يمها دتشلع طماطة

صفا.. صباح الخير
اية.. هلا صحه النوم
ضليت واكفه يمها
اية.. حبيبه بالكي تنطيني هذيج السله
رحت جبتها وانطيتها الها
اية.. جيبي نعناع بيها
صفا.. اي وينه ؟
دلتني عليها ورحت كعدت واشلع
صفا.. اشلع ورقة ورقة ؟
اية.. بكيفج
ضليت اشلع وشعري كلش زعجني نسيت اربطه
شعري كلش طويل اطول من مروة
كملنا ودخلنا جوا وجان محمد موجود ويضحك معقوله
جان يحجي ويا ماما ويأكل خيارة ويضحك نصدمت
شافنه وانطاني نضره حسسني بدون ملابس مع العلم جنت لابسه تراك عادي والله ماهتميت رحت يم امي

ماما.. روحي كعدي مروة دنتريك خلي تجي تاكل
رحت اكعد بيها ساعه بالكوه كعدت لميت شعري ونزلت لكيناهم متجمعين كعدت يم ابوي ويباوعون النا

صفا.. بابا ملابسنه بيها شي يقبلون بيهم يو لا
بابا.. لا ميقبلون لازم حجاب لو لابسات يا بابا هسا اذا كالي الشيخ ليش هيج بناتك شنو اكول
صفا.. والله مندري عبالي عادي نروح نغير
بابا.. خلي نكمل وروحن بدلن
صفا.. ماشي

كملنا الريوك وطلعوا كلهم
صفا.. ماما تعرفين ابوي كال ميقبلون بهاللبس و حجاب لازم حتى بالبيت
ماما.. اي حبيبتي اعرف خلي نمشي هاليوم شلون ماجان وباجر نروح
صفا.. الله كريم

مشه اليوم عادي محد موجود حتى ابوي ماكو طالعين صار وكت الصلاة اجو صلينا وكملنا صبوا الاكل ماكو شي محد يحجي من ياكل بس نظرات محمد الي ماعرفهم شنو كمت احاول اتجاهله وماهتم بس مو بيدي اضل اراقبه ..
رحنا للغرفة اجت ويانه اية

مروة.. اكلج اية محمد شبي شو بس ينطي نظرات تخوف
اية.. ها اي هو محمد هيج طبعه عصبي ومايتفاهم
صفا.. لعد احنه شعلينه يخزر بينه
اية.. هاا والله مادري هسه عوفونا من محمد

سكتت حسيتها متريد تحجي بخصوصه احنه هم سكتنه ماردت اضغط عليها
رحنا بالمطبخ جانو موجودين امي وخالتي ودخل محمد عصبي مدري شنو بي و صعد لغرفته بعد مانزل

ورا العشا كعدنا كلنا

الشيخ.. ها علي باجر رايحين
بابا.. اي انشالله
الشيخ.. جا بويه عندي موضوع وياك
بابا.. تفضل
الشيخ.. كومي بويه صيحي اخوج
اية.. اي بويه
ورا شويه اجه
بابا..  اي حجي شنو موضوعك
الشيخ.. انشالله خير بويه اني اريد بناتك لولدي...

محمد.. قبل لايجونه عمي واهله
الشيخ.. بويه اني راح اخطبلكم بنات علي وحده لمحمد والثانية لاحمد
احمد.. شنو !!
الشيخ.. شبيك مثل ماسمعتوا
اية.. شكبرهن
الشيخ.. والله مادري بس عمرهن  مال زواج
احمد.. بويه انت سئلتهم كلتلهم لو كبل تريد زواج
الشيخ.. ضب روحك واحجي باحترام انه ابوك
احمد.. اي بويه على عيني وعلى راسي بس بناته احنه ماشايفيهن ولا هن
الشيخ.. و شنو الا تشوفوهن  باجر  يجون وشوفوهن وكافي نقاش اشو تناقشوني وترادد احمد افندي
محمد.. بويه هم انت لا تنسا هن متربيات ببيئه غير بيئتنا
الشيخ.. اي عادي يتعودن
شهلاء.. حجي ترا هن اصغر من اية وينهم وين الزواج
احمد.. بويه كول يا الله هذني شكبرهن
الشيخ.. كبار الي بعمرهن عدهم جاهل
احمد.. بويه تكولك اصغر من اية ياجاهل هذا هن جاهل
الشيخ.. اني شحجيت شو تعاندون
محمد.. بويه مو قصة عناد بس احنه كبار وهن صغار بعدين اكيد ميقبلون أهلهم ليش تفشلنا كدامهم
الشيخ.. اريد اشوف منو الي مايسمع كلمتي  يلا روحو من وجهي غضبان عليكم
محمد.. لا حجي كلشي ولاتزعل كوم احمد حب راسه
حبينه راسه وطلعت صافن شهالسالفه الجديده
ثاني يوم راح احمد يجيبهم

محمد.. يمه شنو كال لسه على قراره
شهلاء.. اي والله يمه وقافل
محمد.. شهالمصيبه زين ماتحجين وياه هسا فشلة من عمي صارله سنين ماداخل لهنا وابوي يستقبله بهيج خبر
شهلاء.. والله يايمه ابوك يسمع مني برأيك
هسا اترك هالسالفه روح انته وعلي استقبلهم ماضل شي ع جيتهم

رحنا اني وعلي انتظرنا تقريب نص ساعه واجو نزل عمي ومرته سلمنا بعدين نزلن ثنين بنات حليوات بس لبسهم مو مال ديرتنا ماعجبني
علي.. لك هذني شنو صاروخ
محمد.. اسكت يول هذني عرضك وبعدلك كم يوم وتزوج لسه بعدك ع هالسوالف
علي.. هسا منو مرتك بيهم
محمد.. انطيته خزره
علي.. اتوقع الي لابسه اسود الجبيرة
محمد.. اي واني شعليه
اجت الي لابسه اسود تريد تسلم بالايد استغربت وجها يضحك سلمنا عليها والثانية جانت حلوه هادئة كالت بس سلام عليكم جانت ناعمة ملامحها هادية وحلوه خلتني صافن عليها راحت يم أبوها

علي.. اعرفكم هذي صفا بنتي الجبيرة و مروة اصغر منها
اتفاجأت من كال الجبيرة توقعت هذي الصغيرة
راحو لسيارة احمد واحنه رحنه بسيارتي
علي.. ما توقعت هذي الجبيرة
محمد.. اي
علي.. يعني هذي مرتك هسه
محمد.. يعني انت شايف هذا موضوع شقه شوفهن شصغرهن
سكت بعد ماحجه شي
وصلنا للبيت والاحظ نفسي اباوعلها مادري ليش بعدين اجت للمضيف متدري ماعرف اضحك عليها لو شنو بعدين بالغدا ضليت اباوعلها واراقبها هي حست عليه وخجلت مني عجبني خجلها وضليت اباوعلها بعدين ورا الغدا اني طلعت اصلي من كملت رحت للصاله الي هم بيهم جانت هي تريد تطلع واني اريد ادخل تجاوزتها ورحت كعدت لكيت دفتر فتحتها لكيت بي رسم كلش حلو ضليت اكلب بي بعدين شفت رسمه الحجي كلش حلو ابتسمت هي اجت كالتلي من رخصتك الدفتر جنت ماعرف مالتها انطيته الها وضيقت عينها وراحت ابتسمت ..
العصر رحنا اني وعلي للمزرعة نقلم الزرع الطويل
علي.. هسا اجي
محمد.. وين
علي.. دقايق
راح وضليت اسوي بالزرع تأخر رحت اريد اشوفه وين رحت شفته واكف وياها مادري ليش ضجت من شفته واكف وياها ويسولف بس سويت نفسي ممهتم صحته ورجعت اسوي بالزرع ورا شويه سمعت صوتها تريد ترجع للبيت  ومتندل انزعجت عبالي جايه وحدها بس من كالت ويا اية شويه ارتاحيت وديتها ورجعت وضليت ارقب بيها مادري ليش اسلوبها حلو وهادئة تجذب الشخص المقابل ثاني يوم الصبح رحت للمطبخ ضليت احجي ويا خالتي ودخلت هي وايه الشعر مفلول وطويل مغطيها وهي ناعمه بس ضجت حيل ماريد احد يشوفها هيج راحت كعدت يم امها بعدين صعدت واجت لافه شعرها بس نفس لبسها وأختها بعد اضرب اجو الولد حاولت اتغاظه وماباوع بس ماكدر

طلعت العصر ويا ابوي وكال بالليل افاتح علي بالموضوع سكتت ماحجيت شي بس عصبت .

ماعرف ليش عمو من كال هيج ضحكت كلهم وجهوا انظاره عليه .