حب مابعد الكره

الجزء السادس

فتحت عيوني بالمستشفى ومشكليلي مغذي الي عرفته صاير عندي هبوط حاد جانت امي كاعده يمي...

صفا.. ماما
ماما.. ها حبيبتي يوجعج شي شتحسين
صفا.. لا مابيه شي مايوجعني شي
ماما.. الحمد الله
صفا.. شوكت نرجع
ماما.. هسا بس يخلص المغذي

مرت ربع ساعه تقريب اجت الممرضة وخرت المغذي طلعنا جان ابوي كاعد برا انطونا وصفه راح ابوي يجيب الدوا من الصيدلية رحت للسيارة مروة جانت بالبيت ماحجينا شي وصلنا للبيت رحت للغرفه نمت ماريد اسمع شي كعدتني امي الصبح علمود اشرب العلاج ونزلت يمها ماعبالي ابوي موجود

بابا.. ها شلونج يوجعج شي
صفا.. ضحكت وكتله شنو طلعت تهتم ؟
بابا.. شنو هالحجي
صفا.. هذا الحجي افعالك طلعته يعني قبل شوي امي كالت ناجحة لاحظت نفسك حتا ماكلت مبروك بسرعه كلت خلي اخابر الشيخ شنو صرت ثكيله عليك لكمتي صارت ثكيله وكمت ابجي
اجه حضني وكال
بابا.. والله مو قصدي ولا انتي ثكيله ولا لكمتج لو تضلين طول عمرج يمي هم ما اتعاجز منجن بس يا حبيبتي اني مادايم الج لازم بفد يوم اروح عنجن واريد من اروح اني مطمن عليكم انتي واختج وامج والله ماتلكين ولا راح تلكين احسن من ولد الشيخ هم أخلاق وولد عمجن ومايظلموجن واني من ناحيتي لو ينعاد الزمن والشيخ يطلبجن مني هم راح اطيجن الهم
صفا..  بس بابا اني ماريد اتزوج بعدني صغيره واحتمال اني اموت قبلك لاتكول اريد اطمن عليج قبل لا اروح لان متعرف منو راح يروح اول واحد وبعدين اني ماكايله شي على ولد عمي بس اني ماريد اتزوج بعدني شنو شفت باول عمري وراي كوم عمر واتزوج على راحتي حباب لا تسوي هيج
بابا..  بس انتي هسا زوجته شرعا لا تنسين انو هو عاقد عليج
صفا.. شرعا مو قانونا
بابا.. منو الاحسن الشرع لو القانون وبعدين اذا انتي تكولين صغيره لاتتزوجين اله هسه تزوجي براحتج بين ماتخلصين دراسه
صفا.. سكتت لان الحجي ويا ابوي عقيم

مر أسبوع صرت شويه احسن جنا كاعين على العشا ودك التلفون  راح ابوي رد ورا شوية اجه كال الشيخ خابر...

اني بس كال الشيخ لو كلبي وكف جمد الدم بعروكي عبالك راح انذبح

ماما.. شرايد؟
بابا.. كال عرس علي بعد اسبوع ويريدنا نروح
سكتت امي ومحد حجه شي اني كمت للغرفه خايفه وابجي واكول بنفسي من يرجعون اني مو وياهم اذا اني هسا مرته هذا هو يروح يعقد بالمحكمة ويكول هذا هو هي مرتي شعدها رايحه وخايفه واحجي تخبلت والله من التفكير بعدين تذكرت حجي ابوي مالي حل غيره نزلت بسرعه وصحت بصوت عالي

صفا.. بابا
خطيه كلهم فزوا عبالهم بيه شي امي طفرت
ماما.. ها شبيج اكو شي يوجعج
صفا.. لا مابيه شي بس عندي حجي وياك بابا
بابا.. اي شنو احجي
صفا.. انت مو كلت انتي براحتج اذا تريدين تتزوجين ورا متكملين دراسه
بابا.. اي
صفا.. اني موافقة اتزوج بس بشرط اكمل دراستي اول وماتجبرني و مروة وامي شاهدات على حجيك كلت متجبرني
بابا.. هذا هو اذا هذا الشي يريحج ويسعدج يجرالج
رحت حضنته