حب مابعد الكره

الفصل الثاني عشر

مرت أسبوع ومحمد اجه صادف يوم خميس والاحد اول ايام الامتحانات جنت فوك اقرأ ودخل فجأة صفنت عليه..

محمد.. الله يساعدج
صفا.. ها اي هلا بيك
ضحك وأخذ ملابسه وطلع رجعت اقرأ ورا شوية اجه نام
محمد.. كعديني بالاربعة
صفا.. اي

اخذت كتبي وطلعت لان اني اقرأ بصوت عالي رحت للصالة كعدت ...

علي.. ها گواج الله
صفا.. الله يقويك
علي.. شعندج الأحد
صفا.. رياضيات
علي.. اكو شي مافاهمته اساعدج بشي
صفا.. خاف عندك شغل
علي.. لا يابه فارغ

كعد يشرحلي ضلينا هواي ماعرف شكد مر وكت بس من اجه محمد عصبي عرفت الساعة عكبت الأربعة جان ينزل سريع ويعدل بملابسه ويصيح مدري شبي وهو شافني كاعده لو راد يموتني نزلت راسي بسرعة لان جان شكله يخوف

محمد.. مو كلتلج كعديني بالاربعة
مارديت عليه لان خفت
محمد.. احجي وياج جاوبي (بصياح)
صفا.. مادري نسيت
ضل يباوعلي بعصبيه وراح

صفا.. هذا شبي؟
علي.. عدهم كعده ويا اهل الولد الي ضربه
صفا.. لعد مكلتلي
علي.. اني شعليه
صفا.. يعني انت متروح
علي.. لا رايح
صفا.. لعد ليش مكلت اني اروح علمود اتذكر واكوم اكعده
علي.. تريدين الصدك اني هم نسيت
صفا.. هسا ديلا روح بعد متلحك

لليل رجعوا كلهم محمد كبل صعد سألناهم شصار كالوا نحلت السالفة.. كملت شغل وصعدت تعبانة لكيته كاعد يباوع بكتبي استغربت

محمد.. هي هاي قرايتج ؟
صفا.. شنو ؟
راواني الكتب والأوراق ويأشر على الرسم
صفا.. معليك بيه
ورحت اخذت من عنده الأوراق
محمد.. شنو معليك بيه ولج ترا اني رجلج
صفا.. اي دوم ذكرني بهالحقيقة الموحلوه
محمد.. ترا اكسر راسج
صفا.. شو يلا راويني
لزم ايدي حيل
صفا.. شكم مره كايلتلك ماتلزمني دفعت ايده الي بيها الجرح جنت مادري ومو متقصده بس ردت يوخر عني ترك ايدي وراح ..
شكد جنت تعبانة واريد انام بس كلشي طار من راسي كعدت اقرأ..

تركت الكتاب وضليت اشخبط وارسم واسمعه يتنهد ويستغفر ماهتميت بس ضل يتنهد رفعت راسي شفته لازم ايده رجعت نزلت راسي واحجي بيني وبين نفسي

ماتكومين معليج بي يستاهل احتمال سوه شي للولد وهذاك ضربه وهاي نتائج أفعاله لااكوم ولا اسأل خلي ناره تاكل حطبه معليه بي

صفا.. شبيك
ضل ساكت واني اكرص بنفسي لان سألت كمت وشفته لازم ايده
صفا.. سألتك شبيك
محمد.. كولي لروحج
صفا.. اهوو تقربت يمه وخرت ايده ولزمت الثانية فليت الضماده وشفت ايده مورمه والجرح بي جراحه ..

صفا.. انتظر شويه هسا اجي
رحت جبت ضماده جديده وتعقيم وكطن صعدت لكيته على نفس الكعده تقربت يمه ولزمت ايده وجبت الكطنه والتعقيم وامشيها على الجرح اعرفه يتألم بس يكابر ضغطت على الجرح وهو صاح