حب مابعد الكره

الفصل الثالث

مشه الوكت بين ضحكه وسالفه إذن الأذان وكلها راحت تصلي جبير وصغير كلش عجبني هالتصرف وراها كامن يكملون تحضير الغدا خالتي كلتلي

خاله.. صفاوي روحي للحجي كليله خلي يفتحلي هذي بس هوا يعرف يفتحها
صفا.. وين هوا ؟
خاله.. بالصاله البرا
صفا.. صار
جانت عباره عن مكينه بس ماعرفتها شنو طلعت برا واني اباوع بيها احاول افتحها

صفا.. حجي خاله دتكول خلي يفتحلي هذي
رفعت راسي واني كلبي احسه راح يوكع من الفشله جان بس الولد موجودين وهم صافنين واني صافنه اريد اتحرك ماكدر اجه محمد وعيونه مدري شنو من نضره بيهم فتحها الي كلت شكرا واعتذر ورحت
العرك كام يصب واهوي وجهي رحت للمطبخ

صفا.. خاله غير تكولين ياصاله رحت للبرا ومحد موجود بس الولد
خاله.. لج خاف رحتي للمضيف
صفا.. مادري غير هذيج البرا يم الحديقة
خاله.. لا لج هذاك المضيف
سكتت واني ميته خجل هسا شنو يكولون مروة منطلقة ويا البنات والحجيه كامن البنات ديصبون اني بعد ولا تحركت كاعده يم امي متحركت مستحيه كملوا والكل انجمع لمتهم حلوه بس الخجل اخذ مني وصله ونظرات محمد ماعرف تفسيرهن واني منا ميته ومروة كل شوي كالت فدوه شهالهيبه واني اندس بيها لاتسمعنا ماما ماحجوا شي بس صوت الاكل ومروة تبسبس ضربتها اريدها تسكت وصارت الضربه على كلاتها وماحس غير التمن يطلع من حلكها كلهم انصدموا اني اباوع وفاتحه عيوني والضحكه وصل حدها شويه سكتوا بعدين نوب كامت تكح ماما دك ع ظهرها خطيه صار حمره وتباوعلي بغل واني حاصره الضحكه كامت هي وامي وراحت خالتي وراها تقربت يم بابا وخليت وجهي على ظهره واضحك اجت خالتي وكال خو مابيها شي كالت لا بس شركت بالأكل اجت مروة كللها الحجي تعالي هنا كعدت بصفه صارت بين احمد والشيخ

مروة.. رحت للحمام اكح وماما دك ع ظهري بعد ماكدر بالكوه اتنفس مرت شوية وانطتني خالتي مي صرت احسن والمصيبه مو هنا ماما تريدني ارجع واني الفشله وصلت الراسي وخالتي يمي واستحي اكلها ماروح بعد رحت وباوع بالوجوه صفا واحمد الضحكه بطرف حلكهم نوب الحجي كملها من كال تعالي يمي كعدت واني الفشله بنص وجهي الوضع صار طبيعي
الحجي.. ها يبعد ابوج شبلاج
مروة.. صفنت كلتله لا ماكو شي بس شركت ودرت وجهي عزا التمن لسه مطشر باوعت لصفا وهزيت الها راسي متحلفتلها هاي من ساعه وهيج صار لعد باجر شلون.

كملنا غده وكاموا يغسلون وشالوا الاكل اني طفرت لاتلزمني مروة بعدها صبوا جاي رحت يم بابا كعدت يشربون جاي والحجي كالي انطيني ستكان جاي رحت جبتله ستكان باوعلي وكال اقصد جاي اخذت منه الاستكان واصرخ بداخلي صبيت واخذته اله امشي على كيف انطيته اله واخذت الدفتر وكعدت ارسم ماجان بالي شي جان شكل الحجي حلو كلت خلي اجرب هم يحجون واني ارسم تقريب ساعتين كملت وهم بعدهم يحجون تعبت طكطكت اصابعي شفت ولا وحده من البنات موجوده عزا اني شسوي وحدي طلعت ويا طلعتي طب محمد جان مموجود جوه باوعتله وهم نفس نظرته ماهتميت رحت للصاله الثانية جانن كاعدات بيها النسوان نسيت دفتري رحت داجيبه وشفت محمد فاتحه ضجت منه شهالتصرف وبدون إذن

صفا.. من رخصتك بالكي تنطيني الدفتر
انطانيه وعادي عنده ضيقت عيني ورحت يمهن جنت تعبانه ونعسانه كلت لماما واخذتنه اية لغرفة بسرعه نمت من التعب ما حسيت كعدت العصر رحت غسلت وشفت عمه حوراء وعمو سلام رايحين محد موجود والبيت فارغ رحت بالصاله لكيتهم مجمعين بيها

اية.. يمه خلي اخذ البنات ونروح للمزرعه نكضي وكت ضيجه
خاله.. روحن بس لاتتأخرن
طلعنا والمزرعه قريبة رحنا اخذتنا اية لشجرة جبيرة معلكين بيها حبل وتاير صعدت بيها مروة وأية تكلها يلا دوري ومروة تكلها هسا وصوتهن عالي تركتهم ورحت اتمشه الجو جان حلو والسما صافية وامشي عثرت واسمع واحد يكول الله جان وكعتي انتبهي
صفا.. هاا اسفه مادري
ماعرف شكمت امسلت
ضحك وكال ع شنو تعتذرين

صفا.. هستوني كعدت وراسي مادري وين
علي.. صحه النوم
سكتت ماحجيت شي كال
علي.. ادرسين ؟
صفا.. اي خامس
علي.. بالتوفيق
صفا.. تسلم وانت ؟
علي.. متخرج من زمان
صفا.. اها شنو دارس
علي.. صيدله
حجينه حجي عادي واسمع واحد
محمد.. يلا يا علي وينك دكتني الشمس وين صرت
درت وجهي اشوفه معصب
علي.. يابه والله التهيت
يلا انه اترخص
صفا.. الله وياك
رحت لكيتهن مموجودات كلت هسا رجعن مشيت وتيهت الدرب هي قريبة ع بيت بس اني مدري وين رحت امشي ومتخلص والدمعه بطرف عيني رجعت لمكاني شفت محمد يكص بالزرع

صفا.. عفيه بلا زحمه اريد اجع للبيت وماعرف من وين
محمد.. شنو طلعتي وحدج ؟
صفا.. لا ويا اية ومروة بس مموجودات احتمال رجعوا
فرك وجها وكام مشه ومشيت وراه ساكتين وصلنا كلت شكرا ودخلت جوا
الله يطيح حضك شكد غثه
دخلت وشفتهن موجودات
صفا.. شلون تركني وحدي
مروة.. شفناج مشغوله ورجعنا
صفا.. عابتلج بشنو مشغولة بعدين اني وين اندل وتركني
اية.. خايبه بس لا تيهتي؟
صفا.. لا شسالفه

صار المغرب وأذن كلهم صلوا بعدين صبوا العشا هم نجمعنا ونظرات محمد الي تلاحكني وماعرف شنو تفسيرهن من شفته لسه كمت اضوج من نفسي خاف مسويه فد شي مو حلو وهيج ينظرلي

صفا.. مروة هم محمد يباوعلج
مروة.. لا بس من اجينه انطاني نظرة حسسني كاتله اهله ليش؟
صفا.. لج من اول ماشفته لسه يباوعلي بنظرات تخوف
مروة.. عزا شبي هذا بربج شوفي محمد وجه واحمد وجه فرق من السما للكاع شوفي هالورده الي تضحك للهوا بس هذاك مطنكر مدري شبي
صفا.. ضلي ضلي بهالتمسلت
كملنا عشا وصبوا جاي ومحمد يباوع كمت اتجنبه وماباوعله ابد بس من المحه مره الكاه يباوع مره لا صار ب١٠ تقريبا كلمن راح لغرفته دخلت نزعت الحجاب وبدلت ملابسي وفليت شعري ونمت ..