حب مابعد الكره

الجزء التاسع

اجه ابوي ضربني متت بجي مو لان ضربني  لا بس على ابوي واني اشوفه شلون يتغير من يجي لأهله نوب اجه محمد لزم ايده

محمد.. عمي انته أبوها على عيني وعلى راسي بس مو تضربها گدامي ترا اني زوجها
صفا.. جنت اسمع حجيه ويزيد كرهي ويا كل دمعة تنزل لان كلشي بسببه
لا خلي يضربني وخلي يموتني بس مازوجك عادي عندي الموت أهون من اصير مرتك وتجمعني غرفة بيك ماريدك ولا تتخيل بيوم راح تدخل گلبي نجوم السما اقربلك

احجي وابجي وابوي يصيح
بابا.. شوف ماعرفت اربيها واني طول عمري اگول عاقلة وزينة البنات طلعت تعصي كلمتي
صفا.. انته كلمتك راح تلاحگني طول عمري مو يوم لو يومين لا سنين واحتمال عمري يخلص بسببها
محمد.. جنت اسمع حجيها واني مصدوم لهالدرجه كارهتني ماتخيلت بعمري هيج مشاعرها تجاهي كره مو غير شي واني اريد اكرها بس ماكدر كعدت بگلبي واكول تهون باجر هالحجي يصير سوالف بس شنو اگول لگلبي  الي تحبها وتريدها تكرهك

صفا.. ابجي والكل صافن عليه ومحد يحس لا مصرين نتزوج
الشيخ.. بويه ليش هيج گاسية ماخليتي محمد بين عيونج وماحترمتي وهو رجلج هسا
صفا.. حجي هسا انته على فراش الموت ومتعرف بأي لحظة تقابل ربك شتگوله ها اني ماريده لابنك ليش ماتفهمون يا ناس اني عبالي الإنسان وهو يمر بهيج محنه يكوم يرحم بس انته ماترحم اعتقني اني ماريد ابنك وماريد اتزوج اصلا ليش تجبرني واني متأكدة بگد شعر راسي انو اذا تزوجنا ماراح نتهنا وخطيتي بركبتك لان ظلمتني
الشيخ.. ماطولها شغلة خطايا هذا الاسبوع زواجكم وهذا آخر حجي وهسا عوفوني اريد ارتاح زرفت گلبي الماتخاف ربها

اني بس سمعتا هيج گال لو احس فد شي انسحل من صدري والام فضيع وكمت اشوف الشيخ عشره وبعدها ما حسيت شي بس جسمي نضرب بشي قاسي ...

گعدت على ضربات خفيفة على خدي ومي على وجهي بس ماكدر احجي الم بصدري واحس الساني ثكيل وجسمي خدران رجعت غمضت عيوني ...
فتحت عیوني بالمستشفى ومشكليلي مغذي وامي موجودة يمي كالت هابط ضغطج بس وجع صدري شنو موضوعه من الضغط ...

چانت ماما واحمد موجودين بس كمل المغذي أخذنا علاج وطلعنا بس ماگدر امشي احس بتعب وضيق نفس وألم بكل جسمي ودوخه جابولي كرسي وطلعوني بيه للسيارة وحالتي ماعرف شبيها وصلنا للبيت واحس رجليه ماتشيلني روحي رايحه شالني احمد ودخلني لجوا چنت سانده راسي على صدره وماحس بالعالم ماعرف شكو بس تلكاه بابا وخذني منه دخلني للغرفة وضليت نايمة ماعرف شنو صار بعد

محمد.. حجيها ويا ابوي كلش مو حلوه وماتحترم اني كلشي عندي عادي بس مال تقلل من شأن ابوي لا بس هم ارجع واگول حقها گلبي ينطي عذر لكل تصرفاتها بس بعدين ابوي من گال زواجكم هذا الاسبوع انصدمت وبنفس الوگت فرحت بس هي سكتت شوية ومانحس غير وگعت من طولها  ماعرف شصار بيه بهاللحظة بسرعة گمزت خليتها بحضني واضرب بخدودها واذب عليها مي فتحت عيونها شوية وماتتحرك جامدة بعدين سدتهم وبنفس الوكت ابوي ساءت حالته اني اعرفه ابوي الحجي ماينساه ويأثر  بيه اخذها احمد هو وخالتي واني ضليت يم الحجي انطيته علاجه وامي تبجي خايفة على ابوي واني روحي وعقلي وكلبي يمها شوية ابوي صار احسن گاعدين ومنتظريهم عمي خابر على امها وگالت مابيها شي بس ضغطها هبط شوية تطمنت اباوع على عمي شكله تعبان ومقهور ورا شوية اجو جان احمد شايلها عبارة عن جثه ولا تكول انسانة عايشة بعدين أخذها أبوها من احمد اني بسرعة طلعت لان ما تحمل اشوفها هيج احس كله بسببي وفوك كل هذا اريدها اعرف بنفسي اناني بس احبها...