حب مابعد الكره

الجزء الثامن

رفعت راسي بالكوه فتحت عيوني ورمن من البجي وجان انصدم من اشوف محمد والزفه وراه يريدون يصعدون بسرعة سحلني لفوك

محمد.. عليش تبجين؟
صفا.. مسحت دموعي وكلت معليك
محمد.. يعني عبالج اني كاتل روحي عليج
صفا.. ياخي مادامك متريدني ليش عقدت عليه
محمد.. جانت رغبة ابوي ونفذتها
صفا.. بس اني ماريدك افهمني ليش لازك كول ماريدج وفضها لاتحطمني
محمد.. حتلو اذا كلت ابوي مايتراجع عن كلامه وهسا انتي بحسبة مرتي يعني تريدين اطلكج مايقبل
صفا.. هو شعليه هو الي راح يتزوج لو احنه
محمد.. احجي بأدب واحترمي
صفا.. داحجي بأدب ومحترمه لاتشمر بالحجي
محمد.. ولج شنو لاتشمر بالحجي ترا اموتج فاهمه خاف عبالج سكتت شكم مرة تضلين دوم تتجاوزين
صفا.. شو يلا موتني مو تايهتلك
لزمني من فكي حيل ودفعني على الحايط
بعدين لزمت ايده ودفعتها
صفا.. شوف انت لمستني هالمرة بس بعد حلم تلمسني خاف يجي يوم واتزوجك بي وعبالك اصيرلك مره تحلم لو آخر يوم بعمري ماحبك ولا اتقبلك واحلفلك بهالشي وخطيتي بركبتك انته وابوك وابوي
تركته ومشيت واحس بداخلي شي فرحان
رحت بدلت وحطيت راسي على المخدة وسمعت صوت طلق گلبي وگع طلعت اركض واصيح شكو لاگيت اية

صفا.. شكو ولج شصار
اية.. لج شبيج وجهج اصفر ماكو شي حبيبه بس العرس تم (بضحك)
كمت استغفر ماريد ادخل بخطيتهم وهم بعدهم اول يوم رجعت للغرفة ونمت واول مرة انام بدون تفكير وقلق

مر الاسبوع بين الهوسه و الخطار لحد ما مرت السبعه مالتهم يلا شوية هدأ البيت من الخطار
واني طول الاسبوع ماشفت محمد لان جان مداوم هو ضابط أسبوع يداوم واسبوع اجازة وجان ماخذ اجازة ٣ أيام علمود العرس ... ثاني يوم السبعه جان ماكو خطار التمينا على الغدا وجان الشيخ يكول

الشيخ.. ها علي خلصت الشهرين
علي.. اي حجي خلصت
جنت اسمع ولازمة گلبي خاف ابوي يغير حجيه
الشيخ.. اي واني اريد اشوفهم اربعتهم مزوجين قبل لا ياخذني التراب
علي..عمرك طويل انشالله بس صفا بعدلها بس هالسنة مدرسة ونوب تكمل واريدنها كبال عيني تكمل دراستها وهي الكم مرجعها
الشيخ.. ها يعني قصدك تريد تكمل دراستها وتزوج
علي.. اي والله هي هم جان هذا طلبها واني وافقت
الشيخ.. بيها الخير انشالله يعني السنة الجايه انتي عدنا بويه
صفا.. انشالله حجي
شوية أطمئنيت  من هالناحية كملنا وجان باجر نرجع لبيتنه...

مروة.. جنت اني ماخايفه اصلا ممنطيه الموضوع أهمية بس صفا سالفة الزواج تاكل وتشرب وياها من رحنا لبيتهم صراحة جنت اتصرف طبيعي ولاكأنو اكو شي صاير واحمد احاول ما اطوخ وياه وماحجي وياه بس ويا بقيت العائلة تصرفي طبيعي بس بيوم الحنة من شافني احمد لاحظته أرتبك شوية وخاصة من ضليت اباوع عليه بعدين تركته ورحت للغرفة داغير ملابسي وندك الباب فتحته وجان احمد

مروة.. تفضل رايد شي
احمد.. حاولي بعد لتلبسين هيج
مروة.. رفعتله ايديه ثنينهم وكلتله بصفتك شنو تمنعني
ضل صافن ماحجه شي
مروة.. من رخصتك اريد ابدل
سديت الباب وبدلت ثاني يوم بالعرس من حجت خالتي وگالت هذولي چناتي ضجت حيل وعرفت صفا شنو تحس  واني الثوله جنت اقلد عليها رحت كعدت يمها وضايجة لان من كيفهم ديحددون مصيرنا بعدين صفا من راحت ضليت وحدي كاعده وجانت هوسه نخبصوا زلم ونسوان  ضليت بمكاني متحركت بس اكو كم ولد انتبهوا عليه وضلوا يباوعون ويحجون بيناتهم ضجت وكمت من مكاني داروح بس هوسه واحد منهم كال اعبرج ضليت اباوعله بطرف عين ماهتميت شفت احمد واكف ويا عباس على صفحه رحتله