تقربلي جنت مندمجة وياه بس بعدين وعيت على نفسي وبعدته عني ما حجه شي بس طلع من الغرفة ضليت وحدي وافكر بالي سويته غلط لحد ما نمت ثاني يوم كعدت ما لكيته يمي نزلت جوا هم مموجود صار الظهر اجت عمتي وجهالها وبيت عمو هم اجوي سلمنا عليهم وأية طايره من الفرحة برغم هو مموجود بس تكول عادي اهله من ريحته واضحك عليها لان من صدك تحبه مروة ماشفتها اليوم كله ....
التمينا العصر وزهراء تحجي وياي وتكلي اخوي ضيعج من ايده ولسه يذكرج ويسلم عليج دوم بس اني ما اكول لان فشله واضحك على حجيها كملنا اليوم عادي اجه محمد المغرب وعباس وياه بس مايباوع بوجهي زعلان مني اني هم تركته على راحته بس مبين ضايج مني ...
اية مكابله عباس و كاعده متتحرك وشكو احد يكللها كومي تكولي كومي فرحانة اكلته اكل واندس بيها لايحسون اهلها ولو مبين الكل انتبه عليها إلا هو مارفع راسه يحجي ويا احمد ومحمد ورأسه مدنكه كملنا عشا وكلشي وكعدنا كلنا صبيت جاي وضلوا يحجون مروة مابينت سرى صافنه على محمد واني صافنه عليها والوضع غريب ...
الحجي.. وين مروة شو مابينت اليوم كله
صفا.. والله مادري بالغرفة موجودة
سرى.. اني رايحه اشوفها
كامت سرى وممرتاحتلها ... ضليت كاعده واباوع لمحمد ممعبرني اصلا يحجي ويا عمو وعباس احمد انتبه اباوع عليه مدري شنو كاله ومحمد ترخص وكام ماردت اكوم بسرعة وخفت يطلع ضليت كاعده شوية بعدين كمت عود اشوف مروة كمت رحت للغرفة مال مروة لكيتها نايمة صعدت لفوك محد موجود رحت للمطبخ ماكو دورت البيت كله لا محمد ولا سرى رحت صحت اية تجي وياي لبرا اجت طلعنا للطرمه اني وأية وجان اشوف محمد وسرى برا واكفين يحجون متت قهر وبسرعة رجعت رحت بمكاني وبالي يمهم بشنو يسولفون وشعدهم برا يحجون كمت اطحن بروحي يعني ميحجي وياي ويحجي وياها ...
مرت ربع ساعة ورجعت سرى الضحكة شاكه حلكها واني ميته من القهر ضلينا لل١١ بالليل كاعدين بعدين صعدت محمد ماكو رحت سبحت وكملت وجنت امشط شعري وجان يدخل للغرفة اجه لزم ايدي بسرعة دفعته وجان يضربني راشدي احس سنوني تكسرت من قوته سحلني من شعري واني متفاجئة كلشي ماحجيت بس لازمة ايده الي لازم بيها شعري وادفع بيها وساكته
شمرني بالكاع وضل يصيح ويحجي واني كلشي ممفتهمه ...
محمد..لج شنو اني يمج طرطور وتضحكين عليه جاهل اني ليش هيج سويتي ليش
صفا.. جان يحجي ويصيح واني كلشي ممفتهمه وخايفة منه اريد بس اطلع ..
محمد.. احجي لاتضلين ساكته
صفا.. شتريد هو اني فاهمه منك علمود احجي
اجه خنكني واني مصدومة واباوع لعيونه حمر وادفع بأيده اختنكت وهو ولا مهتم ضليت اضرب بي النفس انكطع مني اريد اتنفس ماكدر عيوني وحدها تنزل دموعها وهو ولا كأنو حيموتني بأيده
وخر ايده من ركبتي بعد معاناة واريد بس الهوا يدخلي ضليت اكح واغلط واصيح تهسترت اجه ضربني موتني ضرب ويصيح
أنت تقرأ
حب مابعد الكره
General Fictionتتحدث القصة عن العادات والتقاليد القديمة حيث تنجبر الفتاة على الزواج وترك الدراسة . حقيقية .*
