حب مابعد الكره

الفصل الثاني

اجه بابا وتغدينا وكال اتخضروا الخميس نروح من الصبح لان الطريق طويل
ماما.. تندلهم؟
بابا.. اي شسالفه شمس
ماما.. لا عبالي ناسي البيت وين بالضبط

كملنا وراح كلمن لمكانة نمت شوية كعدت العصر قريت وكملت ما عندي شي تقريبا لان صادف نهاية نصف السنة

ثاني يوم كلمن راح لدوامه والوضع هادئ وطبيعي بالليل خابر الشيخ ع بابا وكال باجر نجي وكاله خوش راح ادز احمد الكم وسده وكال ناموا من وكت لان بالستة نطلع نريد نروح وكال عندي موضوع وياجن بابا حبيباتي اهلي ناس محافظة وعندهم البنية كون مايطلع منها اظفر وخاصة الي ممزوجة الي اريده منكم تلبسون حجاب انصدمنا بس جان شي عادي بالنسبة الي وحتى جنت مفكرة ألبسة يعني عادي ماعاندت ولاشي لان لبسنة مثل ما هوا بس كال الحجاب تلبسوا واصلا احسه فد جماليه للبنية وترزن اكثر وتصير أنثوية اكثر بس مروة عاندت وكالت بابا انت متجبرنا وكليتلنه براحتكم شوكت متلبسوا البسوا كللها بابا حبيبتي هي يومين ونرجع طبيعي لحياتنة عادية سكتت بس ضايجة رحنا حضرنا ملابسنا وكملنا اني نمت من وكت بس مروة ضلت تباوع تلفزيون كعدتنا ماما بالخمسة ونص رحت غسلت وطلعت وبعدها تكعد بمروة نايمة متقبل تكعد صارت بالدفرات والسحل بالكوه تكعد وترجع تنام نزلنا صبحنا ع بابا وتريكنا وكملنا رحنا نبدل صار تقريب ٦ ونص سمعت بابا يكول يا كل الهلا فتحنا الشباك نباوع لكينا شاب هيج يطلع بدايه العشرينات لابس دشداشه رصاصي وجراويه الجو جان حلو ربيع بس نسمة هوا باردة لبست بنطرون ابيض وقميص نيلي وبي دوائر بيضة اني ضعيفة وجسمي عادي يعني بس المشكلة عندي وروك اكرهن بس منطاتني جمال اكثر ولبست شال نيلي كلش طلع حلو عليه نزلت وبعدها مروة تلبس ماما تعجبت كلتلي طالعه تخبلين بالشال نزلت مروة لابسه بنطرون كابوي وقميص اسود شال ماروني مالابسته لازمته بيدها ماما لبسته الها وماما لبست صاية أخذنا الجنط وطلعنا سلمت ماما ع الولد اباوعله شكله حلو كلش مو طبيعي

مروة.. يمه منو هذا شهالجمال يربي راح اموع
صفا.. اثكلي لج
سلم علينه وكال بابا هذا ابن الشيخ
مروة.. فدوه اروح للشيخ ولابنه
كالت ماما يصير ابن عمج وابن خالتج
اباوعله دمه خفيف وينحب وكلش حلو
احمد.. يلا يابه نتوكل
بابا.. يلا بس اني شلون اخذ السياره
ماما.. حمودي حبيب اني وعمك نروح بسيارتنه وانته والبنات روح بسيارتكم واحنه وياكم بالطريق
احمد.. يلا كولوا بسم الله
صعدنا مروة كعدت يمه واني كعدت ورا وطلعنا الطريق شطوله كعدت ارسم اني ارسم من عمري ٤ سنوات ماكول رسامه بس رسمي حلو واعرف ودفتر ماتركه وين ماروح وياي هوا والقلم ضليت ارسم ومروة منطلقة ويا احمد ولا عبالك هستوها تعرفه الي يشوفهم يكول معرفه عشرين سنة مو هستوها مروة بطبعها اجتماعية وعدها شوية غرور وتحب تختلط عكسي بكل شي وتضحك للهوا

مروة.. هلو اني مروة عمري ١٤ سنة مواصفاتي طويلة بيضة شوية ممليه بس جسمي حلو شعري لحد ظهري عيوني جوزي رموشي كثيفات بعض الشي خشمي صغير وشفايفي كلش صغار اشبه ماما بس الضخامة شوي ع بابا شفت احمد واني الصراحة ماباوع للولد ولاشي وشوية عندي تكبر بس من احمد احس كلشي تغير يخبل يخبل جماله مو طبيعي ورزانه والحجي وكلشي يخلي الواحد يصفن طبعه حلو يضحك ومرح وكلشي بيه ينحب واني مدري شصار بيه من شفته بس احجي وياه وماريده يسكت وطول الطريق نحجي ونشاقه وكلشي.

كل شوي ومروة تكول لج باوعي ماما وبابا هذولي واني اكولها اي وصلنا بعد ساعات وكف احمد تلكتنا سياره وكال هذولي اخواني نزلنا جان بابا موكف سيارته نزلنا شفنه ثنين شباب ماما حاضنتهم استغربت وتبجي وتكول مشتاقتلكم كبرانين وصايرين زلم سلمنه عليهم و شنو يربي الجمال واحد احلا من الثاني بدون مبالغه من شفنه احمد انصدمنه بس هذولي يخبلون سلمنه عليهم واحد اسمه علي والثاني محمد اباوع لمحمد يربي شهالجمال هذا الحجي كله واني صافنه حرت المن اباوع بس جانت نضرات محمد بيها استفزاز مدري عصبيه ماعرف شنو بالضبط رجعنا لسياره دنروح للبيت مروة كعدت يمي وتكول

مروة.. حبابه صفا شفتي الي اني شفته
صفا.. اي
مروة.. يخبلون يخبلون مو طبيعي لج خايفه من شغله
صفا.. شنو هي ؟
مروة.. لج خاف احب الشيخ
صفا.. عزا تخبلتي
مروة.. لج شوفي خلفته اذا هم هيج هو شلونه
صفا.. مروة اثكلي واكرصيها
وصلنا للبيت مو بيت قصر اباوع وفاتحه حلكي دخلنا تلكتنا مره متوسطه بالعمر ماما بس شافتها كامت تبجي عرفتها هاي اختها سلمنا عليها واجت بنتها شني من خلقة تصفن تصفن هم سلمنا بعدين اجه الشيخ صوته يرعد
الشيخ.. يا كل الهلا
راح ابوي وحضنه وباس ايده امي كذلك رحت سلمت عليه اشو هذا جرني لحضنه وماما تأشرلي على ايده بست ايده ومروة هم بعدين اجت الحجية هم سلمنه عليها وكعدنه كاموا يحجون وشي بعدين كال الحجي بناتك حليوات يا علي

علي.. تسلم يابعد راسي
بعدين هم اجه رجال عرفته هذا عمو سلام اجه هو مرته وجهاله عنده ولد جبير اسمه عباس يطلع عمره عشرينات وبنيه اسمها حلا ١٥ عمرها هم سلمنا بعدين الولد طلعوا والرياجيل هم طلعوا

اجت هم عمه حوراء عدها بنيه عمرها ٢٠ اسمها سهى وولد صغير وبنيه ثانية اسمها سرى ١٦ عمرها هم سلمنا

مروة.. لج حلكي وكع شكد هذولي
صفا.. اسكتي فضحتينا
مروة.. اكلج شنو هذولي شكد حلوين لج اني وصلت مرحله حتى ع نسوان صافنه
صفا.. هاي بعد شلونه الشيخ عجبج؟
مروة.. من سلم علينه غير ردت اموع شنو صوته مثل الرعيده
صفا.. اي اني هم تفاجأت احتمال هو هيج