ကိုယ်ချစ်ရတဲ့ဆရာမလေးကအိမ်ကိုညစာလာစားဖို့ဖုန်းဆက်ခေါ်ထားတာမို့ ကိုယ့်ကိုကိုယ်ကြည့်ကောင်းအောင်ပြင်ဆင်နေမိပြန်တယ်
အကျီလက်ရှည်အဖြူနဲ့ ဘောင်းဘီအရှည်အမဲဝတ်ပြီးမှန်ရှေ့မှာရပ်နေတဲ့ကိုယ်က Lady Boss
စတိုင်ဖြစ်နေပြန်တယ် ကိုယ့်အရပ်နဲ့ပုံစံကမိန်းကလေးရောယောက်ျားလေးပါကြိုက်တဲ့ပုံစံဖြစ်နေပေမယ့် ဆရာမတော့အဲ့ထဲပါမယ့်ပုံလဲမပေါ်ပြန် ဆရာမကြိုက်တဲ့Typeကဘယ်လိုပုံစံလဲဆိုတာတော့သိချင်မိတယ်လေ
ကိုယ့်မျက်နှာကဒဏ်ရာကအရှင်းတော့မပျောက်သေးတာမို့ မိတ်ကပ်နဲ့ဖုံးဖိနေရပြန်တယ် ဆရာမဆီသွားချင်စောနဲ့နာရီကိုတကြည့်ကြည့်လုပ်နေမိတယ် 7နာရီထိုးပြီဆိုတာနဲ့ဆရာမအိမ်လေးဆီအပြေးသွားမိတယ် Bellလေးကိုနှိပ်တော့ ကိုယ်အရမ်းချစ်မြတ်နိုးရတဲ့ဆရာမလေးကကိုယ့်ကိုတံခါးလာဖွင့်ပေးတယ် ဆရာမမျက်နှာမှာလဲချစ်စရာအပြုံးလေးနဲ့ ကိုယ့်ကိုပြုံးပြနေတဲ့ဆရာမကိုကိုယ်လဲပြုံးဖြီးပြီးစိုက်ကြည့်နေမိတယ်
"ဆရာမအပြုံးချိုချိုလေးတွေကို
ကိုယ့်အတွက်ပဲဖြစ်စေချင်မိတယ်
အတ္တကြီးသလိုများဖြစ်သွားပြီလား"
ဆရာမကထဘီနဲ့ရင်ဖုံးသာဝတ်ထားပြန်တယ် ဆံထုံးထုံးထားတဲ့ဆရာမကကျက်သရေရှိပြီး
လှချင်တိုင်းလှပနေတယ် Apronအနီလေးဝတ်ထားပုံအရဆိုရင်ဆရာမကညစာပြင်ဆင်ရင်းတန်းလန်းထွက်လာပံုရတယ်
- မိုင်း မိုင်း ကလေးမလေး တို့ခေါ်နေတယ်လေ
- ဟမ် ဆရာမ
- ဟော်တော် ဒီကလေးမလေးကအမြဲအဲ့လိုပဲနော် ခေါ်တာလဲမကြားဘူး ဘာတွေတွေးနေပြန်ပြီလဲ မိုင်း
- ဘာမှမတွေးပါဘူးဆရာမ
- မိုင်း ဒီကိုပြေးလာတာလား
- ရှင် ဆရာမဘယ်လိုသိတာလဲ
- ပြေးလာတာဟုတ်နေပြန်တယ်ပေါ့ မိုင်းကိုကြည့်ရတာ အဲ့လိုထင်လို့မေးကြည့်တာပါ
- ဟို ဟိုဟာ နဲနဲလေးပဲပြေးလာတာပါ
-မိုင်းရယ်ပြောလဲပြောတက်ပါ့ ပြေးတာတောင်နဲနဲလေးပဲပြေးလာတယ်ဆိုပဲ
မိုင်း ဖြည်းဖြည်းလာလဲရပါတယ် ပြေးလာလို့လမ်းမှာချော်လဲနေရင်ဒိီလမ်းကြားထဲနာမည်ကြီးနေအုန်းမယ်နော် ကြားလား နောက်ခါ အရမ်းမပြေးနဲ့
