ရန်သူ OC ver S1"Completed"

ရန်သူ အပိုင်း။၃၁။

"မသွားနဲ့....အိမ်မှာနေရမယ် မသွားရဘူး...."

"ဘာလဲ!!...."

သူ့လက်မောင်းပေါ်အိပ်စက်နေရင်း
ယောင်နစွာစကားတွေပြောလာတော့
နိုးလာသူက လူကြမ်း.....
သူ့ရင်ခွင်ထဲ ရောက်နေသူဟာ
သူ့ကိုဖက်ထားပြီးထွက်မသွားရဘူး
ပြောနေပြန်သည်။
အိပ်နေရင်းတောင်

သူ့စိတ်ထဲဒီကိစ္စကြီးစွဲနေတာကို
သဘောမကျပေမယ့်
သူထွက်မသွားဖို့ပြောသူဟာကိုယ့်ကိုပါလားတွေးကြည့်ပြန်တော့လည်း
ဒီရင်ဘက်ထဲကကောင်ကကျေနပ်နေပြန်.....

ဒါတွေဟာ
သူ့စိတ်ရင်းမှန်မဟုတ်ဘူးကိုလည်းသိတယ်
သူ့စိတ်သူ့ခံစားချက်မဟုတ်တာကိုလည်း
တွေးနိုင်တယ်။
ဒါပေမယ့်အရူးလုပ်ခံချင်နေတဲ့
စိတ်ကအပြီးတိုင်ပျော်ဝင်နေပြန်တော့
သူမုသားတွေလည်းလက်ခံနေမိတယ်။
သူ့လိမ်ညာမူ့တွေလည်းသိသိလျှက်နဲ့
မသိချင်ယောင်ဆောင်နေမိတယ်

နောက်ဆုံးတော့ စကားနားမထောင်တဲ့
စွဲလမ်းစိတ်ကသာအသာစီးရနေပြန်တော့
ဒီတစ်ခါတော့ကျုပ်အရူးဖြစ်ပြန်ရောပေါ့....

စိတ်မှတ်ကြီးပေမယ့်
အစွဲကလည်းမချွတ်နိုင်တော့
ပြန်အရူးလုပ်တာခံရရုံပဲရှိတော့တယ်....

ခင်ဗျားကကျုပ်ကို
ဒေါသထွက်အောင်လုပ်နိုင်တယ်
ထပ်ပြီး မုသားတွေမှန်းသိသိကြီးနဲ့
အရှုံးပေးချင်လာအောင်လည်းပြုစားတယ်

ဒီမျက်နာနဲ့ဒီလောက်
မာယာများတတ်မယ်လို့
တကယ်မထင်ခဲ့တာကတော့အမှန်ပဲ....

သူ့လက်မောင်းပေါ်
နှင်းဆီဖူးနုတ်ခမ်းကို
ဟပြီးတရွီးရွီးဟောက်သံပိစိနဲ့
ခေါင်းမော့ကာအိပ်ပျော်နေသော
နှင်းနီဥပိစိမျက်နာအားငုံ့ကြည့်ရင်း
သူအတွေးများနေခဲ့သည်။

"မပြန်ရဘူး မသွားရဘူး..ဟင့်..."

အိမ်မက်ထဲထိ မာယာတွေကပါနေပါလား
ကျုပ်ကိုအိမ်မက်ထဲထိပြုစားနေတာပဲ...
ခင်ဗျားကမာယာများတဲ့ကဝေ၊
ခင်ဗျားအလှတွေနဲ့ညို့နေတဲ့စုန်း၊
ခင်ဗျားနုတ်ခင်ဗျားမျက်ဝန်းခင်ဗျားစကားသံအရာရာကတကယ်မထင်ရက်စရာတွေပဲ...