"ရှိန်းနားမှာ အဲ့ဒီကောင်မလေးကို မုန်း ဆက်ပြီး မမြင်ချင်တော့ဘူး ဒက်ဒီ"
"မမြင်ချင်တော့ သမီးက ဘာလုပ်ချင်လို့လဲ"
"မမြင်ရတော့အောင် လုပ်မှာပေါ့"
မုန်းရဲ့အဖြေကို ဦးမျိုးမြင့်ဝေက ခေါင်းရမ်းရင်း...
"ယောကျ်ားတစ်ယောက်အတွက်နဲ့ သမီး ရူးရူးမိုက်မိုက်တွေ လုပ်တော့မလို့လား မုန်း"
"ရှိန်းက မုန်းအတွက် သာမန်ယောကျ်ားမဟုတ်တာ ဒက်ဒီသိနေတာပဲ၊ သမီး သူ့ကို ပိုင်ဆိုင်ချင်တယ် ဒက်ဒီ"
"သမီးရုပ်ရည်၊ သမီးအရည်အချင်းနဲ့ ရှိန်းထက်သာတဲ့ ယောကျ်ားရွေးယူလို့ ရပါတယ်ကွယ်"
"မုန်းအတွက်တော့ ရှိန်းထက်သာတဲ့ ယောကျ်ားဆိုတာ မရှိတော့ဘူး၊ စိတ်မပူပါနဲ့ ဒက်ဒီရဲ့ မုန်း အဲ့ဒီကောင်မလေးကို သေလောက်အောင် မလုပ်ပါဘူး၊ ကြောက်သွားအောင်ပဲ ခြောက်မှာ.."
ဒက်ဒီက မုန်းကို အံ့ဩစွာကြည့်နေသည်။ သူ တယုတယမွေးထားတဲ့ မိတဆိုးသမီးလေးက ဒီလိုအတွေးတွေ တွေးတတ်နေမယ်လို့ မထင်ခဲ့...။ အခုတော့ သူရယူချင်တဲ့ ယောကျ်ားတစ်ယောက်ကြောင့် တစ်စုံတစ်ယောက်ကို ထိခိုက်အောင် လုပ်တော့မယ်တဲ့....။
"ဒက်ဒီကတော့ အားမပေးဘူး သမီး၊ တစ်ယောက်ယောက်ကို ထိခိုက်အောင် မလုပ်ခင် သမီးတို့ လူငယ်ချင်း အဆင်ပြေအောင် ညှိကြပါဦး"
"ရှိန်းက သူမလုပ်ချင်ရင် ဘယ်တော့မှ ညှိလို့မရတဲ့လူမျိုးဆိုတာ ဒက်ဒီသိနေတာပဲလေ၊ မုန်း သူ့ကို မဖြစ်ဖြစ်တဲ့နည်းနဲ့ လက်ထပ်မှာ၊ အဲ့ဒီဆုံးဖြတ်ချက်က အခုမှချလိုက်တဲ့ ဆုံးဖြတ်ချက်လဲ မဟုတ်ဘူး၊ ဘယ်တော့မှလဲ အဲ့ဒီဆုံးဖြတ်ချက်ကို ပြောင်းမှာမဟုတ်ဘူး"
မုန်းက ပြောပြီးတာနဲ့ အခန်းထဲဝင်သွားသည်။ ဦးမျိုးမြင့်ဝေကတော့ မုန်းကိုကြည့်ရင်း ကိုယ့်ကိုယ်ကိုယ် အပြစ်တင်မိ၏။ ငယ်ငယ်ကတည်းက ဘာပဲ လိုချင် လိုချင်၊ မရရအောင် လုပ်ပေးခဲ့သည်မို့ ဒီအချိန်ထိ သူလိုချင်တာကို မရရအောင် ယူတတ်သည့် အကျင့်က စွဲမြဲစွာ ပါလာခဲ့သည်။ အခုလဲ သူများကို ထိခိုက်အောင် လုပ်မယ်လို့ပြောတာ အပြောသက်သက်ပဲ ဖြစ်ပါစေလို့သာ ဆုတောင်းနေမိတော့သည်။
KAMU SEDANG MEMBACA
တိတ်တခိုး ချစ်ရသော....❤️
Romansaတစ်နိုင်ငံလုံးမှာသာမက ပြည်ပအထိ ထူးချွန်အောင်မြင်တဲ့ လူငယ်စီးပွားရေးလုပ်ငန်းရှင်တစ်ယောက်၊ အလုပ်ကလွဲပြီး ကျန်တာ စိတ်မဝင်စား၊ အမြဲအေးတိအေးစက်နေတတ်တဲ့ ရှိန်း....❤️ ဂျာနယ်ထဲကတစ်ဆင့် အမှတ်မထင်တွေ့ပြီး ရှိန်းကို စိတ်ဝင်စားသွားတဲ့ သာမန်တက္ကသိုလ်ကျောင်းသူလေး...
