"ဟဲ့ သတင်းတွေ့ပြီးပြီလား"
"ဘာလဲ ဘာသတင်းလဲ"
ဘေးဝိုင်းက ကောင်မလေးတွေ အသံက ကျယ်လှတာမို့ မာန် စိတ်ရှုပ်စွာ ခေါင်းကုတ်မိသည်။ ကျောင်းပိတ်တာတောင် ကျောင်းကလူတွေနဲ့ပဲ လာတွေ့နေရတယ်လို့...။ အေးလေ...ငါကလည်း ကျောင်းသားတွေ အထိုင်များတဲ့ဆိုင်မှ လာထိုင်မိတာကိုး....။
မာန် ကိုယ့်ကိုယ်ကိုယ် အပြစ်တင်ရင်း ရှေ့မှာချထားတဲ့ ကော်ဖီခွက်ကို လှမ်းယူသောက်လိုက်ပြီး ခုနကကောင်မလေးတွေ ဆက်ပြောမဲ့စကားကို နားစွင့်နေမိသည်။
"ဒီမှာလေ ရှိန်းဆက်ထင် လက်ထပ်လိုက်ပြီတဲ့"
"ဟမ်!!!ဟုတ်လား"
သူ လက်ထပ်သွားတဲ့ သတင်းကြားတော့ မာန် တစ်ယောက်တည်းပြုံးရင်း ကျေနပ်နေမိသည်။
"ဟဲ့ ဘယ်သူနဲ့လဲ ဟို သတင်းတင်ဆက်သူနဲ့လား"
"မဟုတ်ဘူး သူနဲ့သတင်း ခဏ ခဏထွက်နေတဲ့ ငါတို့ကျောင်းက ကောင်မလေးနဲ့"
"ဝုန်း"
ရုတ်တရက် ထရပ်လိုက်တာကြောင့် ဘေးဝိုင်းတွေ အကုန်လုံးက မာန့်ကို လှည့်ကြည့်လာကြသည်။ လက်သီးကို ကျစ်ကျစ်ပါအောင်ဆုပ်ရင်း ဖုန်းကိုထုတ်ကြည့်တော့....
"အကျဉ်းချုံး လက်ထပ်လိုက်ပြီဖြစ်တဲ့ ရှိန်းဆက်ထင်" တဲ့...။ ထိုခေါင်းစဉ်နှင့်အတူ အောက်မှာ ပုံပါ တွဲပါလာသည်။ မိုးပြာရောင် ချိတ်လေးနှင့် သူမက ပုံထဲမှာ လှပစွာ ပြုံးနေသည်။ ဘေးကသူကတော့ ထုံးစံအတိုင်း တည်ငြိမ်စွာ...။
"ဘယ်လိုဖြစ်တာလဲ...."
သူမနဲ့ မတွေ့ဖြစ်တဲ့ တစ်ပတ်ကျော်ကျော်အတွင်းမှာ ဘာတွေဖြစ်သွားတာလဲ..။
"မာန်..."
"ပန်...နွေဦးက..."
"ငါလည်း အဲ့ဒါမေးမလို့"
"နင့်ကို နွေဦး ဘာမှမပြောဘူးလား ပန်"
"မပြောဘူး ငါနဲ့ မတွေ့ဖြစ်တာကြာပြီ ငါဖုန်းဆက်တာလည်း မကိုင်ဘူး"
ပန်က ပြောနေရင်း မာန့်ကိုကြည့်လိုက်တော့ ဖြူဖွေးတဲ့မျက်နှာပြင်က ရဲနေသည်မို့ တော်တော်လေး စိတ်တိုနေပုံရသည်။ ပန် ဘာဆက်ပြောရမှန်းမသိပဲ မာန့်ဘေးမှာ ရပ်နေမိ၏။ မာန်က ရုတ်တရက် ထွက်သွားတော့ အပြေးတပိုင်းနှင့် မာန့်နောက်ကို လိုက်ခဲ့ရသည်။
YOU ARE READING
တိတ်တခိုး ချစ်ရသော....❤️
Romanceတစ်နိုင်ငံလုံးမှာသာမက ပြည်ပအထိ ထူးချွန်အောင်မြင်တဲ့ လူငယ်စီးပွားရေးလုပ်ငန်းရှင်တစ်ယောက်၊ အလုပ်ကလွဲပြီး ကျန်တာ စိတ်မဝင်စား၊ အမြဲအေးတိအေးစက်နေတတ်တဲ့ ရှိန်း....❤️ ဂျာနယ်ထဲကတစ်ဆင့် အမှတ်မထင်တွေ့ပြီး ရှိန်းကို စိတ်ဝင်စားသွားတဲ့ သာမန်တက္ကသိုလ်ကျောင်းသူလေး...
