"ဟဲ့ နင်တို့ ရှိန်းဆက်ထင် သတင်းတွေ့ပြီးပြီလား"
အတန်းထဲ ဝင်လာလိုက်တာနဲ့ ပထမဆုံးကြားလိုက်ရတာက သူ့အကြောင်းမို့ အခန်းရဲ့ထောင့်စွန်း စားပွဲမှာ ဝင်ထိုင်ရင်း သူမ နားစွင့်နေလိုက်သည်။
"ရှိန်းဆက်ထင်က ဘာဖြစ်လို့လဲ"
"ကောင်မလေးတစ်ယောက်ကို ကျောပိုးထားတဲ့ပုံ online မှာ ပျံ့နေတယ်လေ မသိဘူးလား"
"ဟယ် ဟုတ်လား အဲ့ကောင်မလေးက ဘယ်သူလဲ သူ့ရည်းစားလား"
"ဟဲ့ ငါလဲ ဘယ်သိပါ့မလဲ အရမ်းကြီး မတွေးပါနဲ့ သူ့ရည်းစားဟုတ်ချင်မှလဲ ဟုတ်မှာပါ ဒီအချိန်ထိ သူရည်းစားထားတဲ့ သတင်းကြားမှမကြားဖူးသေးတာ"
"အေးလေ ကြည့်ရတာ ဇီဇာကြောင်မဲ့ပုံပဲ"
"ငါ့ဦးကိုများ"
အသာနားထောင်နေရင်းမှ သူမနှုတ်ခမ်းကိုက်ကာ တိုးတိုးလေး ရေရွတ်လိုက်သည်။
"နွေဦး တစ်ယောက်တည်း ဘာတွေပြောနေတာလဲ"
သူမထိုင်နေတဲ့ခုံဘေးက ပြတင်းပေါက်မှာ ရပ်ပြီးမာန်က သူမကို လှမ်းပြောသည်။
"မာန် ဘာလာလုပ်တာလဲ"
"အတန်း ဘယ်ချိန်ပြီးမှာလဲ"
"နောက် တစ်နာရီနေမှ ဘာလုပ်မလို့လဲ"
"ဘာမှမလုပ်ဘူး အိမ်ပြန်လိုက်ပို့ပေးမလို့ အောက်မှာစောင့်နေမယ်"
ပြောပြောဆိုဆို မာန်က အောက်ကိုပြေးဆင်းသွားတာကြောင့် သူမ ဘာမှပြန်မပြောလိုက်ရ..။
ခုနက သူ့အကြောင်းပြောနေတဲ့ ကောင်မလေးတွေက မာန့်ကိုမြင်တော့ မာန့်အကြောင်းပြောနေကြပြန်သည်။
"ရဲသွေးမာန်က ချောလိုက်တာနော်"
"သင်္ချာ King ပါဆို နင်ကလဲ"
"အဲ့ကောင်မလေးနဲ့က ဘာလဲမသိဘူးနော်"
ပြောနေရင်း သူမကိုပါ လှည့်ကြည့် လှည့်ကြည့် လုပ်နေသည်မို့ မသိချင်ယောင်ဆောင်ပြီး ပြတင်းပေါက်ဘက် ငေးနေလိုက်သည်။
"တွဲနေကြတာလားမသိဘူး ရဲသွေးမာန်က အတန်းပြီးရင် လာလာခေါ်နေတာ တွေ့တယ်"
CITEȘTI
တိတ်တခိုး ချစ်ရသော....❤️
Dragosteတစ်နိုင်ငံလုံးမှာသာမက ပြည်ပအထိ ထူးချွန်အောင်မြင်တဲ့ လူငယ်စီးပွားရေးလုပ်ငန်းရှင်တစ်ယောက်၊ အလုပ်ကလွဲပြီး ကျန်တာ စိတ်မဝင်စား၊ အမြဲအေးတိအေးစက်နေတတ်တဲ့ ရှိန်း....❤️ ဂျာနယ်ထဲကတစ်ဆင့် အမှတ်မထင်တွေ့ပြီး ရှိန်းကို စိတ်ဝင်စားသွားတဲ့ သာမန်တက္ကသိုလ်ကျောင်းသူလေး...
